InfoHub Logo

Taqyryby: Qýanysh – jan jylýy
Tanymdyq maqsaty: Jan dúnıesi izgi, rýhanı baı tulǵa qalyptastyrý. Tanymdyq qabiletterdi, belsendilikti damytýǵa jaǵdaı jasaý, oı - óristi keńeıtý, oılanýdy, ujymdyq, birlik ıkemdilikterin qalyptastyrý.
Kórnekiligi: kún, bult sýretter, júreksheler

Tárbıe saǵatynyń júrý barysy:
I. Kirispe: Tanym shattyǵy
Muǵalim sózi:
Jan - jaǵyna nur shashyp,
Araılap jarqyn tań atsa,
Jer betinde jaıqalyp,
Kógerip ósse, kók maısa.
Júregim jylı bastaıdy
Kezdeskende dostarym
Qushaǵyn maǵan keń ashsa,
Júregim jylı bastaıdy.
«Meıirbandyq – júrekten, qaıyrymdylyq bilikten» deıdi halyq. Adam ózin jáne ózgelerdi jaqsy kórý arqyly ómirin qýanysh pen shattyqqa, mahabbat pen baqytqa bóleıdi.

II. Oıly bala ozar
- Balalar, búgin meıirimdilik joly bizdi júrekter jylýyn sezindiretin álemge alyp keldi. Búgin bizge kún shapaǵyn shashý úshin kún kókjıekten kóterilip kele jatyr.
- Kún nury júregimizge uıalasyn desek jyly júrekti adam qandaı bolady? Soǵan jaýap tabaıyqshy.
(Balalardyń pikiri)
- Rahmet balalar, kún shýaǵyn sezine bastadyq, endeshe kún shapaǵyna nazar aýdaraıyq. («Júrek jylýy» shyǵady)

III. Qýanysh — jan shýaǵy
“Kel balalar, kúleıik,
Kóńildenip júreıik”
Kúlimde kún, kúlimde,
Kúlsin barlyq bala shat!
Berekeli búgindeı
Beıbit bolsyn bolashaq!
Júrek jylýy:
- Salamatsyzdar ma, balalar!
Jaryq penen jylýdy
Baqyt penen meıirimdi
Ózim ǵana beretin
Men júrektiń jylýy.
- Men de osyndaı meıirimdi dostarymdy kórgenime qýanyshtymyn. Sendermen birge bolǵanyma tek men ǵana emes, qarańdarshy shýaqty kún de kúlip turǵandaı.

IV. Aıalaı bil, sen dep soqqan júrekti
- Qane, bárimiz qolymyzdy júregimizdiń tusyna qoıyp, onyń qalaı soǵyp turǵanyn sezineıikshi.
- Bizdiń júregimizde kishkentaı adam ómiri súredi. Ol árqaısymyzǵa «Men osyndamyn, men senimen birgemin» — dep dybystap tur jáne árqashanda bizben birge bolady. Ol júregimizdiń jylýy, bizge jaqsy sózderdi aıtatyn bolady.
- Sender óz júrek jylýlaryńdy sezindińder me?
Balalar:
- Ol odan beter qatty soǵyp ketti!
- Iá, bizdi estigenin bildirip jatyr.
Muǵalim: — Endeshe balalar, ómirdegi barlyq jylý — adam júreginen bolsa, tabıǵattaǵy barlyq jylý — kúnnen eken. Biz kúndi meıirban, jan shýaǵyn tógetin qudiretti ananyń birine teńeımiz.
Júrek jylýy:
- Balalar, qarańdarshy, bizdiń kúnimiz kólegeılenip tur. Biz onyń júregindegi kóleńke sezimin seıilteıikshi. Ol úshin betindegi túnergen bulttardy ashýǵa kómektesesińder me?
Balalar: — Árıne kómektesemiz.
Qýanysh – jan jylýy júkteý