Photo: Mesut Yalçın (https://www.pexels.com/@mesut-yalcin-1233429888) / Pexels
Úsh aı buryn qaıtys bolǵan ápkesiniń aqshasyn almaq bolǵan aǵa: Bankke máıitti alyp bardy
Úndistannyń Odısha shtatynda er adam úsh aı buryn qaıtys bolǵan ápkesiniń máıitin qazyp alyp, shamamen úsh shaqyrym jerdegi bank bólimshesine alyp bardy. Bul týraly jergilikti basylymdar habarlady.
Marqum áıel qańtar aıynda syrqattan qaıtys bolǵan. Onyń bank shotynda shamamen 19 myń rýpıı (92 myń teńgege jýyq) qalǵan edi. Alaıda, aǵasy bul qarajatty ala almaı júrgen.
Er adamnyń aıtýynsha, ol bankke birneshe ret barǵanymen, qyzmetkerler shot ıesiniń ózi kelmese, aqsha berýden bas tartqan. Amaly taýsylǵan ol ápkesiniń denesin qazyp alyp, mataǵa orap, jaıaý túrde bankke jetkizgen.
Bul oqıǵa bank qyzmetkerlerin tańǵaldyryp, olar birden polısıa shaqyrǵan. Quqyq qorǵaý organdary máıitti alyp, qaıta jerleý rásimin júrgizgen. Sonymen qatar, er adamǵa muragerlik qarajatty alýdyń zańdy tártibi túsindirildi.
Indian Overseas Bank ókilderi bolsa, máıitti ákelý týraly eshqandaı talap qoıylmaǵanyn aıtty. Olardyń málimdeýinshe, aqsha alý úshin tıisti qujattar – ólim týraly kýálik pen muragerlik quqyqty rastaıtyn qaǵazdar qajet bolǵan, biraq er adamda olar bolmaǵan.
Jergilikti bılik ókilderi bankke bul máseleni jedel sheshýdi usynyp, mundaı jaǵdaılarda adamgershilik turǵysynan qaraý qajettigin eskertti.
-
Astanadaǵy №2 qalalyq aýrýhanasynyń mańynda salynyp jatqan turǵyn úı keshenine qatysty turǵyndar narazylyq bildirip, qurylysty toqtatýdy talap etti.
-
A man's desperate attempt to access his deceased sister's bank account led him to exhume her body, prompting police intervention and a review of banking procedures.
