InfoHub Logo

Sabaqtyń taqyryby: Sán jýrnalynan buıym tańdaý. Óz ólshem birligin anyqtaý. Úlgiler daıyndaý.
Sabaqtyń maqsaty:
a) Bilimdilik: «Burda» sán jýrnalymen saýatty jumys jasaýdy, óz ólshemderine sáıkes úlgilerdi durys túsirýdi úıretý
b) Tárbıelik: Eńbeksúıgishtikke, jaýapkershilikke, talǵampazdyqqa, alǵan bilimderin is - júzine qoldana bilýge úıretý
v) Damytýshylyq: Shyǵarmashylyq belsendilikterin, tanymdyq qyzyǵýshylyqtaryn, sheberlikterin damytý
Sabaqtyń túri: aralas sabaq
Sabaqtyń tıpi: Jańa bilim berý
Sabaqtyń ádisi: túsindirmeli – ıllústratıvti, suraq - jaýap, saramandyq, oı - qozǵaý
Pánaralyq baılanys: Sýret, ádep, syzý, matematıka
Kórnekiligi: Sán jýrnaldary, syzbalar, sýretter, úlgiler, ınteraktıvti taqta, test suraqtary.

Sabaqtyń barysy:
1. Uıymdastyrý kezeńi:
Sálemdesý, oqýshylardyń nazarlaryn sabaqqa aýdarý. Oqýshylardy túgeldeý
«Adamdy bıik shyńǵa jetkizetin – eńbek. Biz baǵa jetpes bilim qoryn arttyryp, ony jańasha túrlendire bilýimiz qajet»
N. Á. Nazarbaev
Prezıdentimizdiń sózin tilge tıek ete otyryp, aptalyq taqyrybymen baılanystyramyn.

2. Úı tapsyrmasyn suraý. Taǵam ázirleý tehnologıasyna baılanysty suraqtar qoıyp, ótilgen taraýdy pysyqtaımyn.
1. As mázirin jasaýda durys tamaqtanýdyń qandaı ustanymdaryn este saqtaý kerek?
2. Et taǵamdarynyń qundylyǵy. Et taǵamdaryn toptaý.
3. Garnır men tuzdyqtar
4. Ashytqysyz qamyr túrleri
5. Kondıter buıymdaryn bezendirý túrleri
6. Taǵam ázirleýde este saqtaý kerek TQE
3. Jańa sabaqqa kirispe Sán – fransýzdyń «mode», latynsha «modus» sózinen shyqqan ólshem, beıne, tásil degen maǵynany bildiredi.
Sándi buıym tańdaýǵa arnalǵan «Maýsym sánderi», «Symbat», «Burda» t. b sán jýrnaldary bar. Sabaǵymyzda sán jýrnaldarynan buıym tańdaý, óz ólshemderin anyqtaý, úlgiler daıyndaý joldaryn úırenemiz

4. Jańa sabaq
Sán jýrnalynan buıym tańdaǵanda onyń qolaıly, ádemi sánniń sońǵy baǵytyna, kıimderge qoıylatyn talaptarǵa sáıkes bolýyna nazar aýdarý kerek. Sán jýrnalymen jumys jasaý úshin ondaǵy nusqaýlarmen, shartty belgilermen tanys bolýymyz kerek.

Sán jýrnalyndaǵy shartty belgiler
Sán jýrnalyndaǵy árbir modeldiń óz nomeri bar Osy nomerdiń astynda ony daıyndaý jónindegi nusqaýlar jazylady.
Úlginiń sýreti – onda barlyq tigister men bólshekter kórsetiledi.
Materıaldyq shyǵyn (modeldi) daıyndaýǵa qajetti barlyq materıaldar jaıly málimet
Qosymsha paraq (úlgiler paraǵy )- úlgi betteri, keskin syzyqtar belgilenedi.
Bólikterdiń kishireıtilgen syzbasy – qandaı bólikterdiń pishimin kóshirip alý jaıly túsinik beriledi. Árbir bólik nomeri syzyqtary, sıfrlar, shartty belgiler kórsetiledi.
Jaıylma jospary – bólikterdiń úlgilerin mata betine ornalastyrýdyń tıimdi tásili kórsetiledi.
Túsinikteme mátin – onda úlginiń atalýy, ólshemi, mata shyǵyny bólikterdiń tizimi, tigý erekshelikteri qysqasha túsindiriledi

Sán jýrnalyndaǵy barlyq modelder 36, 38, 40, 42, 44, 46 ólshemderge berilgen. Bul nemistiń ólshem júıesi. Al óz tilimizge kóshiretin bolsaq onda osy sandarǵa 6 sanyn qosý kerek.
Sán jýrnalynda berilgen nusqaýlardyń qasynda ramka ishinde kelesi málimetter kórsetilgen.
- úlgi keskininiń túsi
- úlgi ornalasqan orny
- ólshemderi jáne olarǵa arnalǵan keskin syzyqtarynyń túri
- bólikterdiń kishireıtilgen syzbasy
- jaıylma jospary

Tolyq nusqasyn júkteý