Serikbaıdyń baıdan esesin alýy
Serikbaı búrkit salyp júrip jol-jónekeı syrttaı estýi bar bir baıdyń úıine kelip túsipti. Úıge sálem berip kirip kelse, jaqtyrmaǵan baı sálemin de almaıdy. Biraz otyrǵannan keıin baı Serikbaıǵa: «Úıge sımaısyń, búrkitińnen balalarym qorqady, ketip qal», — depti.
Serikbaı amalsyzdan attanyp ketedi. Qys ótip jaz bolǵanda, bilikti bir adamǵa erip qaladan kele jatqan Serikbaı álgi úıge kelip túsedi. Inabatty kisi kelgende kaýkelek qaǵyp ábiger bolǵan baı shaıdan keıin qonaqasyǵa bir qoı ákelip soıady. Baıdan ese qaıtarý oıynda bolyp otyrǵan Serikbaı dalaǵa at qoıǵaly shyqqan bolyp soıǵan qoıdyń basyn kórsetpeı ıtke laqtyryp jiberedi. Úı ıeleri basty taba almaı amalsyz bas joq tabaq tartady. Aldyǵa tabaq kelgende, Serikbaı:
— Qoıǵa bata jasaǵan myna kisi emes pe edi. Basy qaıda? Bul qaı aqymaqtyqtaryń, ólgen maldyń etin asyp kisini osynsha nege qorlaısyńdar, — dep baıdyń jer-jeberine jetedi. Baı ólgen maldyń eti emes ekenin, bas joǵalǵanyn aıtady.
— Bas joǵalsa, ıt jedi. Bul kisi jegenshe, ıt jesin dep ádeıi tastadyń, áıtpese qaıda ketedi, — dep janı túsedi Serikbaı.
Erteńinde baıdy at-shapan aıypqa jyǵypty da, Serikbaı baıdan esesin alypty.
You Might Also Like
-
Serikbaı janynda eki túıeshi bar úsheýi aǵash artyp, astyq alýǵa Úrimjige ketip bara jatyp, kesh bolǵanda bir egin shetine túsipti. Serikbaı turyp:
-
Úlken kúre jolda tún ishinde bir soqyr adam qolyna sham ustap kele jatady. Onyń bir qolynda sham, bir qolynda shelegi bar eken. Muny kórgen bireý aıǵaılap:
