InfoHub Logo

Qyzylorda obylysy, Shıeli aýdany,
№156 N.Bekejanov atyndaǵy qazaq orta mektebiniń
áýez páni muǵalimi Sardarbekova Quralaı Qydyrbaıqyzy

Sabaqtyń taqyryby: Shyrqa, syrnaı!
Óz bilimińdi tekser!

Maqsaty: 1. Mýzykanyń ómirmen baılanystylyǵyn túsindire otyryp, halyq aspaptar túrlerimen tanystyrý. Balalardyń mýzykalyq qabiletiniń damýyna sebepshi bolý.
2. Balalardyń ásemdikke, sulýlyqqa degen sezimin damytý.
3. Halqymyzdyń mýzykalyq shyǵarmashylyǵyna súıispenshiligin oıatyp, ony qurmetteýge tárbıeleý.

Sabaqtyń túri: jańa sabaqty meńgertý
Sabaqtyń ádisi: ıllústratıvti - túsindirmeli
Sabaqtyń kórnekiligi: ınterbelsendi taqta, slaıdtar, úntaspa, baıan

Sabaqtyń barysy:
I. Uıymdastyrý kezeńi: Balalarmen amandasý
Psıhologıalyq sát: Kelshi dosym aınalaıyn,
Qushaqtaıyn aımalaıyn.

II. Úı tapsyrmasyn oryndaý:
1. Dombyra aspaby qalaı jasalady?
2. Dombyra aspabynda kimder oınaǵan?
3. Qandaı ánshi - kúıshilerdi bilesiń?
4. Án men kúı tyńdaǵan unaı ma?
5. Qandaı án, kúılerdi bilesiń?

III. Jańa sabaq. Shyrqa, syrnaı!
Syrnaı aspaby qazaq halqynda keń taralǵan mýzykalyq aspap. Syrnaı aspaby qazaq jerine orystar arqyly kelgen. Orys halqy bul aspapty garmon dep ataıdy. Olar bul aspaptyń súıemeldeýimen kez kelgen ándi oryndap, merekelerdiń sánin keltirgen. Garmon aspaby – qazaq, tatar, ýkraın halyqtar arasyna taralǵan, birneshe ultqa ortaq mýzykalyq aspap. Qazaq halqy bul aspapty syrnaı dep atap kelgen. Syrnaı aspabymen án salyp ataǵy shyqqan Nartaı, Maıra, Shashýbaı syndy ánshi - kompozıtorlar bolǵan. Syrnaıdyń qazirgi túrin baıan dep ataıdy. Baıan aspabyn HH ǵasyrdyń basynda jasap shyǵarǵan. Baıan aspabynyń birneshe aspaptyń dybysyn bere alatyn múmkindigi bar.

Mýzyka tyńdaý: Syrnaı aspabynyń súıemeldeýimen «Nartaıdyń termesi»

Nartaı Bekejanov – aqyn, kompozıtor. On jasynan án salyp, óleń aıta bastaıdy.
Nartaı kóptegen aqyndarmen aıtysqa túsken. Aqyn halyq ánderin sheber oryndaýmen qatar ózi de «Tolqyn», «Nartaı sazy», «Ósıet terme» atty ánder shyǵarǵan.

Án oryndaý: Zyrlaıdy shanamyz
D. Masýsın
Q. Ydyrysov

1. Aıazdy kelip qys,
Alǵashqy qar ushty.
Appaq bop ústimiz,
Aq qyraý jabysty. 2 ret
2. Alǵashqy aqsha qar,
Betinde iz qaldy.
Júıtkıdi aq shanam,
Alǵa ustap yzǵardy. 2 ret

3. Zyrlaı tús, aq shanam,
Bóget joq bizge esh.
Kórsin dos, basqada,
Sharshaıtyn biz emes. 2 ret

Qorytyndy suraqtar:
1. Syrnaı aspaby qalaı paıda bolǵan?
2. Orys halyq syrnaı aspaby qalaı pada bolǵan?
3. Syrnaıdyń qazirgi túri qalaı atalady?

Óz bilimińdi tekser
Sýretke qarap, aspaptardy ata.
Oqýshylardy baǵalaý, madaqtaý. Úıge tapsyrma berý.