InfoHub Logo

Syn turǵysynan oılaý – oılaý týraly oılaý
Syn turǵysynan oılaý – baqylaýdyń, tájirıbeniń, oılaý men talqylaýdyń nátıjesinde alynǵan aqparatty oılaýǵa, baǵalaýǵa, taldaýǵa jáne sıntezdeýge baǵyttalǵan pándik sheshim. Ol bolashaqta áreket jasaýǵa negiz bola alady. Syn turǵysynan oılaý kóbinese qarsy pikir aıtýǵa, balamaly sheshimderdi qabyldaýǵa, oılaý jáne is - áreketimizge jańa nemese túrlendirilgen tásilderdi engizýge daıyn bolýǵa, uıymdastyrylǵan qoǵamdyq áreketterge jáne basqalardy synı turǵydan oılaýǵa baýlýdy bildiredi. (Nusqaýlyq 49 bet.)
Synı turǵydan oılaý degenimiz - alǵan bilimge syn kózben qaraý, izdený, onyń aqıqatyn dáleldeý, bilimdi sanaly túrde alý. Bul tehnologıanyń tıimdiligi – oqýshynyń quzirettiligin arttyryp ǵana qoımaıdy, sonymen qatar:

1. Jeke tulǵanyń jetilýine, damýyna baǵyttalady.
2. Muǵalim men oqýshylar arasynda qarym - qatynas ornatylady.
3. Oqýshynyń ózdiginen jan - jaqty bilim alýyna jaǵdaı jasalady.
4. Alǵan bilimge syn kózben qaraıdy, bilimdi sapaly túrde alady.
5. Oqýshy oıyn ashyq aıta alýǵa, pikir almasýǵa úırenedi.
6. Birin – biri syılaýǵa, yntymaqtastyqqa baýlıdy.
7. Máseleniń eń negizgi túıinin tabýǵa daǵdylanady.
8. Oqýshynyń shyǵarmashylyq belsendiligi artady.

Jalpy synı turǵydan oılaıtyn oqýshylar belsendi bolady, olar suraqtar qoıyp, dálelderdi taldaıdy, maǵynany anyqtaý úshin sanaly túrde strategıalar qoldanady. Olar aýyzsha, jazbasha, kózben sholý, dálelderine súıený arqyly bolashaqqa beıim bolyp kelýine yqpaldasady.
Syn turǵysynan oılaý baǵdarlamasy qyzyǵýshylyqty oıatý, maǵynany taný, oı tolǵanys kezeńderinen turady.

Syn turǵysynan oılaýdy damytý sabaqtaǵy asa qajetti, mańyzdy áreket bolyp tabyldy.
Tizbektelgen sabaqtar toptamasyn jasaý barysynda «Synı turǵydan oılaýǵa úıretý» negizgi modýl retinde alynyp, JIGSO, toptastyrý, Venn dıagramsy, «Senkveın», «Ideıa týraly oılar», «Baǵdarsham», «Kórshińe áńgimelep ber», «Basbarmaq», «Oılan, birik, bólis» ádisteri arqyly kórindi.

Syn turǵysynan oılaý strategıalaryn qoldaný arqyly bilimi men oılaý deńgeıi joǵary, jan - jaqty damyǵan oqýshy qalyptasady dep oılaımyn. Synı turǵydan oılaý modýlin ózimniń mekteptegi is – tájirıbem barysynda keńinen qoldandym. Tájirıbeni ózim jetekshilik etetin 3 - synypta ótkizdim. Synybymda 13 ul jáne 13 qyz, barlyǵy 26 oqýshy. Tájirıbedegi birinshi sabaǵymda oqýshylar «Men sizdi tanystyrǵym keledi» oıynyn oınaý arqyly bir – birin tanystyryp, ózderin jańa qyrynan tanyp, bildi. Sabaqtarymda belsendiligi tómen, senimsiz oqýshylardy nazarymnan tys qaldyrmaı, únemi baqylaýda ustaýǵa tyrystym.

Dúnıetaný páninen ótkizgen alǵashqy sabaǵymnyń taqyryby: «Qazaqstan – egemen el».
Maqsaty: oqýshylardyń táýelsiz Qazaqstan týraly bilimderin keńeıtý, Qazaqstan kartasymen jumys isteı bilýge úıretý, Qazaqstan tarıhyndaǵy eleýli oqıǵalar týraly bilim berý. Jerdi, eldi súıý arqyly onyń baǵasyn túsinýge, egemendikti qadirleýge, Otandy qurmetteýge tárbıeleý;