InfoHub Logo

Ońtústik Qazaqstan oblysy,
Maqtaral aýdany, Atakent kenti
V.Komarov KMM bastaýysh synyp muǵalimi
Aınýr Daýjanova

Qazaq tili
Sabaqtyń taqyryby: Sıpattaý mátini. 15 - 19 jattyǵýlar (slaıd)
Sabaqtyń maqsaty: Mátinniń túrleri týraly uǵymdy taldaý. Oqýshylardyń ózara baılanystyryp sóıleı bilý daǵdylaryn qalyptastyrý. Mátin túrlerin bir-birinen ajyratyp, ony durys qura bilýge mashyqtandyrý; Mátindi túsinip oqýǵa daǵdylandyrý, sózdik qorlaryn molaıtýdyń joldaryn qarastyrý; shákirtterdi óz betinshe oılaı bilýge, izdenýge úıretý; uıymshyldyqqa, dostyqqa, bilimdi tereń meńgertýge yntalandyrý.
Sabaqtyń ádisi: aralas, toptyq jumys.
Kórnekiligi: AKT, mátin túrleri, sýretter, kesteler.
Pánaralyq baılanys: dúnıetaný, ádebıettik oqý.

Sabaqtyń barysy:
İ. Uıymdastyrý kezeńi. Sabaqqa ázirlik
Psıhologıalyq sát: Ana tiliń aryń bul,
Uıatyń bop tur bette.
Ózge tildiń bárin bil,
Óz tilińdi qurmette.

İİ. Topqa bóliný: Daýyssyz dybystardyń túrlerine qaraı 3 topqa bóliný.
1 top: Úndi: l, m, n, ń, r, ı, (ý);
2 top: Uıań: b, v, g, ǵ, d, j, z;
3 top: Qatań: k, q, p, s, t, f, h, h,
Top erejesin usyný.
Tártip saqtaý;
Oı qosý;
Bireýdiń oıyn tyńdaý;
Ashýǵa jol bermeý;
Topty qoldap otyrý.
(Jumys barysynda tártip buzǵan oqýshyǵa eskertý berilip, jaqsy jaýap bergen oqýshynyń jaqsy baǵaǵa ıe bolatynyn habardar etý.)
Oqýshylarǵa suraq qoıý arqyly búgingi taqyryptyń atyn tabý. Ol úshin suraqtyń jaýabyn taýyp, sol sózdiń birinshi áribin shashylǵan áripterdiń ishinen taýyp jazyp otyramyz.
Ot basynda qumǵan, Eki kózin jumǵan. (Mysyq)
Otbasy tiregi. (áke)
Qý, aılaker jyrqysh ań? (túlki)
Sútten jasaıtyn taǵam. (irimshik)
Qasıetti taǵam. (nan)
MÁTİN

İİ. Bilimdi tekserý:
- Qazir qandaı aı? Qazir qandaı mezgil?
Kúz mezgili. Kúz mezgiline baılanysty eki - úsh sóılem qurap jibereıikshi.
Kúz
Kúz keldi. Japyraqtar sarǵaıyp jerge túse bastady. Qustar jyly jaqqa ushyp ketti.
- Mátin degen ne?
- Mátin qurylymyn ata?
- Mátinniń bastalýy,
Negizgi bólimi,
Sońy bolady.

İİİ. Dáptermen jumys: Búgingi kúndi dápterge jazý. Kórkem jazý joldaryn toltyrý.
H h
Hat haıýanat saıahat shah
( H dybysy sózdiń basynda, ortasynda da, aıaǵynda da kezdesedi).
İV. Maqsat qoıý kezeńi:
Ereje:
Oqıǵany retimen baıandaıtyn mátin áńgimeleý mátini dep atalady. Ol sóılemder is - qımyldy bildiredi. Suraǵy: Ne istedi?
Zat nemese qubylysty sýrettep, sıpattaıtyn mátin sıpattaý mátini dep atalady. Ol sóılemder zattyń synyn bildiredi. Suraǵy: Qandaı?
Oqıǵa, qubylystardyń sebebin dáleldeıtin mátin paıymdaý mátini dep atalady. Sóılemder sebebin ashyp kórsetedi. Suraǵy: Nelikten?
Mátin túrleri
Áńgimeleý mátini. Ne istedi?
Sıpattaý mátini. Qandaı?
Paıymdaý mátini. Nelikten?

Jańa sabaq. Oqýlyqpen jumys.
15 - jattyǵý. Áńgimeleý.
- Mátin ne týraly?
- Mátinge qandaı at qoıýǵa bolady?
- Mátin neshe bólikten turady?
- Ár bóliktiń qandaı joldan bastalyp jazylǵanyna nazar aýdarý.
- Ár bóligindegi sóılemge suraq qoıý arqyly mátinniń túrin ajyratý.