InfoHub Logo

Sabaqtyń taqyryby: Sıqyrly matematıka eline saıahat
Maqsaty: Balalardyń sandar jáne pishinder jaıly túsinikterin bekitý. Keńistikti baǵdarlaýdy jetildirý. Jumbaqtar sheshe bilýge daǵdylandyrý.
Bilimdilik: Sandardy týra jáne keri ataýǵa daǵdylandyrý. Pishinderdiń kólemin, túsin durys ataýǵa daǵdylandyrý jáne keńistikti baǵdarlaı bilýge daǵdylandyrý.
Damytýshylyq: Balalarǵa ártúrli tapsyrmalar bere otyryp, zeıinderin, logıkalyq oılaý, este saqtaý saqtaý qabiletterin damytý, ujymmen jumys jasaý barysynda birlesip sheshim qabyldaýdy jetildirý.
Tárbıelik: Balalardyń boıynda meıirimdilik, dostyq sezimderin tárbıeleý.
Qostildilik syńary: Bir - odın - one, eki - dva - two, úsh - trı - tree, tórt - chetyre - four, bes - pát - five.
Kórnekilikteri: Sandar, pishinder, qursaý.
Ádis - tásilder: jylýlyq sheńber, jumbaqtar jasyrý, suraq - jaýap, kórsetý, túsindirý, sergitý sáti, tapsyrmalar, san týraly taqpaqtar, áńgimeleý, trız.
Sózdik jumysy: qursaý
Aldyn - ala jumys: sandar týraly taqpaqtaryn jattatý.

Uıymdastyrý kezeńi:
- Balalar búgin bizde erekshe kún qarańdarshy bizge qonaqtar keldi.
aldymenen qonaqtarmen amandasyp alaıyq.
Sálemetsizder me!
Jylýlyq sheńber:
Alaqandy ashaıyq.
Kúnniń nuryn salaıyq!
Júrek jylýyn alaıyq!
Jınalǵan jyly shýaqty!
Qonaqtarǵa syılaıyq!

- Balalar men sabaqty bastamas buryn senderge jumbaq jasyrǵym kelip tur.
Jumbaq:
Tárbıeshi: Bir sıyrdyń neshe aıaǵy bar?
Balalar: Bir sıyrdyń tórt aıaǵy bar.
Tárbıeshi: eki túlkiniń neshe quıryǵy bar?
Balalar: eki túlkiniń eki quıryǵy bar.
Tárbıeshi: aǵashtyń basynda tórt torǵaı otyr, torǵaılardyń janyna taǵy bir torǵaı kelip qondy neshe torǵaı boldy?
Balalar: bes torǵaı boldy.
Tárbıeshi: 1, 2, 3, 4, 5 - týra san.
5, 4, 3, 2, 1 - keri san
- Jaraısyńdar, balalar. Balalar sender saıahatqa barǵylaryn keledi me?
Balalar: Barǵymyz keledi.
Tárbıeshi: Qazir biz sıqyrly matematıka eline saıahatqa attanamyz.
Balalar saıahatqa poıyzben baraıyq.
«Saıabaq» aıaldamasy
Tárbıeshi: Balalar saıabaq aıaldamasynyń mynadaı tapsyrmasy bar.
Tapsyrma:
Sanǵa sáıkes jemis - kókónisterdi terip alyńdar
- Aıtyp berińder, qandaı san jáne neshe jemis terdińder.
Balalar:- Mende 1 sany - men 1 almurt terdim.
- Mende 2 sany - men 2 alma jınadym. t. b.
«Túrli - tústi pishinder» aıaldamasy
Tárbıeshi: Balalar, qarańdarshy myna jerde nelerdi kórip tursyńdar?
Balalar: Ár túrli pishinder
Tapsyrma: Pishinderdi qursaýǵa ornalastyrý.
Tárbıeshi: Mynda kók qursaýǵa dóńgelek pishinderdi ornalastyramyz, al qyzyl qursaýǵa ár túrli pishinderdi ornalastyramyz.
Balalar: Men qursaýǵa pishinderdi ornalastyrdym. Kók qursaýǵa dóńgelek pishinderdi, qyzyl qursaýǵa ár túrli pishinderdi ornalastyrdym.
«Kıimder» aıaldamasy
Kıimderdi jamaý (kesilgen jerge pishinderdi qoıý)
Tárbıeshi: Balalar mynda kıimderdiń sýretteri bar. Biraq kıimder bútin emes, olardy pishinder arqyly jamaý kerek.
Men kıimdi sopaqsha jáne úshburyshpen jamadym.
«Túrli - tústi taıaqshalar» aıaldamasy
Tárbıeshi: Balalar mynda túrli - tústi taıaqshalar bar. Biz bul taıaqshalar arqyly ár túrli pishinderdi qurastyrýlaryń kerek.
«Demalý ortalyǵy» aıaldamasy
Bárimiz birgemiz.
Ońǵa bir qadam, solǵa bir qadam.
Shapalaq uramyz.
Alǵa bir qadam, artqa bir qadam.
Shapalaq uramyz.
Tárbıeshi: Jaraısyńdar balalar. Endi biz matematıka hanshaıymyna sandar týraly jattaǵan taqpaqtarymyzdy aıtaıyq.
Alı:
Bizdiń úıde bir taýyq,
Bir jumyrtqa júr taýyp.
Bir sıyr bar qorada,
Bátish tátem júr saýyp.
Aqbota:
Eki aıaqpen júremin,
Eki kózben kóremin.
Eki qolym bar meniń,
Ekeý qulaq bilemin.
Dıdar:
Úıimde bar úsh qalam,
Úsheýinde ushtaǵam.
Úsh dosymdy saldym men,
Úsh balyqqa uqsaǵan.
Kaýsar:
Tórt dóńgelek arbada,
Tórt aıaq bar malda da...
Taýysa almaı bıdaıdy,
Tórt tyshqan júr qambada.
Inabat:
«Bestik» degen baǵany,
Baqyt kúnde alady.
Bári jaqsy kóredi,
«Beske» oqyǵan balany.
Matematıka hanshaıymy: Jaraısyńdar balalar. Rahmet ónerleriń órleı bersin. Sender sondaı aqyldy, alǵyr, bilimdi balalar ekensińder. Men senderge rızamyn, sondyqtan senderdi marapattap myna juldyzshalardy beremin.
Balalar: Rahmet matematıka hanshaıymy.
Matematıka hanshaıymy: Balalar menińde ketetin ýaqytym boldy. Saý bolyńdar, balalar!
Tárbıeshi: Saý bolyńyz!
- Balalar sender sanamaq bilesińder me?
Balalar: Ia, bilemiz.
«Sanamaqtar»
- Kim sanamaq aıtyp beredi?
«Pıng - pong» oıyny
- Men senderge bir sózdi aıtamyn, sender maǵan qarama - qarsy sózder aıtasyndar.
- Uzyn
- jýan. t. b
- qysqa.
- jińishke. t. b
- alys
- jaqyn t. b

Qorytyndy:
Tárbıeshi: Balalar búgin qaıda bardyq?
Balalar: «Sıqyrly matematıka» eline saıahatqa bardyq.
Tárbıeshi: Saıahatta biz ne istedik?
Balalar: Saıabaq aıaldamasynyń tapsyrmalaryn oryndadyq.
Ár aıaldamaǵa toqtalyp tapsyrmalardy oryndadyq, oıyn oınadyq, jumbaqtar sheshtik.
Tárbıeshi: Balalar sıqyrly matematıka eliniń hanshaıymy senderge bergen syılyǵy unadyma?
Balalar: Ia.
Balalar syılyqqa qýanady.
Qoshtasý sheńberi:
- Baldaı tátti balalarmyz,
Aıtqan tildi alamyz.
Oıynmenen ósedi,
Oıymyz ben sanamyz.
Qol ustasyp bárimiz,
Jarasady sánimiz.
Kóriskenshe kún jaqsy.

Kútiletin nátıje:
Bilýi kerek: sandardy, pishinderdi, keńistikti baǵdarlaýdy.
Neni ıgerdi: Sanǵa baılanysty zattardy sáıkestendirýdi.
Neni meńgerdi: Jumbaq sheshýdi, suraqqa jaýap berýdi, logıkalyq oılaýyn, este saqtaýdy.
Sıqyrly matematıka eline saıahat. júkteý
Sıqyrly matematıka eline saıahat1.júkteý