InfoHub Logo

Taqyryby: «Tatýlyqtyń tutqasy, birliktiń besigi»
Maqsattary: Qazaqstanda tatý - tátti ómir súretin halyqtardyń ádet - ǵurpyn, dástúr - tarıhyn, tilin qasterlep, búginimiz ben keleshegimiz úshin birligimizdi nyǵaıtý basty boryshymyz ekenin uǵyndyrý, Qazaqstanda meken etken halyqtardyń tili men mádenıetine degen qurmetti shyńdaý; elimizdegi halyqtar dostyǵyn, birligin nyǵaıtý.
Kórnekiligi: shańyraq, qanatty sózder, vıdeoproektor, slaıdtar, ulttyq kıimder
1 - júrgizýshi:
Paı - paı, kıeli netken jer!
Batyrlar dúbirlep ótken jer!
Tulparlar dúrildep tókken ter,
Ǵashyqtar bir - birin ópken jer,
Sarylyp sal - seri ketken jer,
Bas ıip ıiskep topyraǵyń,
Taǵzym jasamaı ótpeńder!
Myna ólke, myna aımaq,
Bul mańda
Qulshylyq etemin turǵanǵa,
Qulshylyq etemin qumdarǵa.
Taǵzym jasaımyn qyrlarǵa
Shúkirlik etemin qashan da
Osy bir Otanda turǵanda.
1. «Jasa Qazaqstan» ánine ár ulttyń ókilderi shyǵyp, bıleıdi.

2 - júrgizýshi:
Tańy atty shyndyqty qoldaıtuǵyn,
Basymyzǵa baq - dáýlet ornaıtuǵyn.
Qazaq degen elim bar qushaq jaıǵan,
Ózgeni óz ulyndaı qorǵaıtuǵyn
Mine osyndaı bar meniń Respýblıkam!
Kesh jaryq! Aýylymnyń aqjaýlyq
analary men ardaqty azamattary!

1 - júrgizýshi:
Armysyzdar qadirmendi kórermender!
Elimiz baýyry bútin, myzǵymas memleketke aınalyp, júz jylǵa tatıtyn jıyrma jylda ortaq jaýapkershilik jolyn júrip ótip, bekemdeı túsken birligimizben eldikti eselep, bıik belester men alynbas asýlardy baǵyndyra bildi. 20 jyl ishinde Qazaqstandy 120 - dan astam el tanyp, 130 - dan astam ult pen ulystyń ókilderi bir shańyraqtyń astynda erkin de erikti, tatý - tátti ómir súrýde!

2 - júrgizýshi: Qazaqstandy, qazaqty dostyqtyń kıeli shańyraǵyna teńesek, túrli etnostar onyń altyn araıly ýyqtary ispettes.
1 - júrgizýshi: Tatý elge tynyshtyq ornaıdy, beıbit elde ǵana bereke bolady dep, búgingi 1 - mamyr Tatýlyq, birlik, yntymaq kúnimen barshańyzdy quttyqtap, Táýelsizdigimizdiń 20 jyldyq mereı toıyna oraılastyra ótkeli otyrǵan
«Tatýlyqtyń tutqasy, birliktiń besigi» atty festıvalimizdi ashyq dep jarıalaımyz./Ánuran oryndalady/
Búgingi merekemizdi quttyqtaý sóz ben aq tilekten bastaımyz. Quttyqtaý sózdi mektep dırektory – mektep dırektory Saǵyndyqov Temirhan myrzaǵa beremiz.
Kelesi quttyqtaý sózdi aýyl ákimi – Dúısenbın Qaıyrbek myrzaǵa beriledi.
1 - júrgizýshi: Assambleıa.
Qazaqstan Respýblıkasynyń Prezıdenti, Qazaqstan halqy Assambleıasynyń Tóraǵasy Nursultan Nazarbaevtyń tóraǵalyq etýimen «Táýelsiz Qazaqstan: beıbitshiliktiń kelisimniń jáne jasampazdyqtyń 20 jyly»degen taqyrypta Qazaqstan halqy Assambleıasynyń HÚİİ sesıasyn ótkizgen bolatyn. Qazaqstan halqyna baq bolyp qonǵan kelisim men birlik «Bir el – bir taǵdyr» ustanymyna súıene otyryp, Qazaqstannyń barsha azamatyn Elbasynyń el turǵyndaryna joldaǵan «Bolashaqtyń irgesin birge qalaıyq» atty Joldaýyndaǵy mindetterdi iske asyrý jolynda bir eldiń balasyndaı, bir qoldyń salasyndaı jumylýǵa shaqyrdy.
Assambleıanyń HÚİİ sesıasynyń qatysýshylary Qazaqstan halqynyń ulttyq rýhy – dástúr, otansúıgishtik, jańarý men jeńis rýhyn nyǵaıtýǵa shaqyrdy.
Biz, el azamattary, Ult kóshbasshysy Ábishuly Nazarbaevtyń basshylyǵymen birlese otyryp, kúshti, yrys - yntymaǵy tasyǵan, órkeni damyǵan Táýelsiz Qazaqstandy quratynymyzǵa senemiz!

2 - júrgizýshi:
Eldi búgin qarasam,
Aınalam baqyt keń jatyr.
Birimen – biri týysqan.
Qol ustasqan el jatyr
Qyrǵyz, qazaq, Ózbekter
Armán, túrik, grýzın.
Orys penen Ýkraın
Terezesi teń jatyr,
Alataý Kavkaz ulasyp
Baýraıy buırat keń jatyr.
Baqyttyń áni asqaqtap
Qulaqqa daýsy kep jatyr – dep óleń joldarynda aıtylǵandaı Qazaqstan barlyq memlekettermen tatý - tátti, dostyq qarym - qatynasta.
1 - júrgizýshi:
Búgingi merekemizge bir shańyraq astynda mekendep jatqan, dostyǵy jarasqan, Táýelsiz elimizdiń damyp, qaryshtaýyna óz úlesterin qosyp jatqan ózge ult ókilderin ortamyzǵa shaqyramyz. Qyrǵyzdar, Moldavandar, Armándar, Tájikter, Grýzınder, Azerbaıjandar, Túrkimender, Orystar, Ózbekter, Ýkraındar óz ónerlerin ortaǵa salyp, baptaryn synaý úshin qonaqtaryn qarsy alaıyq. Biz ózimizdiń salt - dástúrimizdi qalaı qurmettesek, dostyǵy jarasqan ózge ult ókilderiniń mádenıetin de dál solaı asqaqtata bilýimiz kerek. Elbasymyzdyń «Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq» - degen sózderin tatýlyqtyń týy etip ustaımyz. Óıtkeni, bizdiń bárimizdiń múddemiz bir. Olaı bolsa osyndaı birligi jarasqan, óz jerimizdegi ár ult ókilderiniń ónerlerin tamashalap, baǵalaý úshin ádil qazylar alqasyn saılap

alaıyq.
Ádilqazylar alqasy ár eldiń ónerin bastaýysh, ortańǵy, joǵary býyn boıynsha baǵasyn beredi.
2 - júrgizýshi: Festıvalimizdiń baǵdarlamasynda ár ult ókilderi óz elin tanystyryp, 10 mınýt aralyǵynda óz eliniń saltyn, ónerin kórsetip, ánin shyrqap, myń burala bıin bıleıdi.
Osy 7 - 10 mınýttyq baǵdarlama aralyǵynda ár ult ókilderiniń kıim úılesimdiligin, tanystyrý mánerlerin, sahnada ózderin ustaý, bı elementteriniń bir - birimen jalǵasýy, án shyrqaý mánerin sarapqa salyp, joǵary upaı – 5 degen baldyq júıemen eseptelinedi.
Sonymen birge búgingi festıvalimizde «Áýezdi án», «Úzdik bı», «Úzdik kıim», «Sheber modeler» nomınasıalary boıynsha marapattalady.
1 - júrgizýshi: Qazaq jeri dostyqtyń gúlstany
Darhan ólkem - mereıli yrys - baǵy
Kúresterde, eńbekte, merekede
Munda san ult qoldasyp tý ustady - dep «Tatýlyqtyń tutqasy, birliktiń besigi» atty festıvalimizdi bastaımyz.

1 - júrgizýshi: Ortamyzǵa Qyrǵyz – Qazaq
bir týǵan degendeı, óz ónerlerin ortaǵa
salý úshin aıyr qalpaqty qyrǵyz ultynyń
ókilderi kelip otyr. Qyrǵyz ultyn sahna
tórine shaqyramyz!

2 - júrgizýshi:
Moldova baý men baqsha, júzim eli,
Qysy jumsaq, shuraıly týǵan jeri.
Halqy Moldovan men gagaýyzdar,
Orys, ýkraın, slován – ata tegi.