InfoHub Logo

Anglıada densaýlyqqa qatysty naýqanda temeki shegý ókpemen qosa mı sekildi negizgi múshelerge keltiretin zıany aýqymdy túrde nasıhattaldy. Temeki tútininiń quramyndaǵy zıandy zattar qandy qalaı lastaıtynyn, keıin osy las qannyń denede qalaı aınalatynyn jáne sal aýrýyna qalaı sebep bolatyny kógildir ekrandarda kórsetilip, temekini tastatý kózdelgen osy naýqanda «Zıandaryn shynymen uǵyna alsańyz temekini tastar edińiz» degen joldama berildi. Temeki shegetinderdiń mı tamyrlarynyń bitelýi nemese mıǵa qan ketýi saldaryndaǵy ólim sany, temeki shekpeıtinderge qaraǵanda eki ese kóp. Temeki shegýge ádettengenderdiń este saqtaý qabiletiniń nasharlaýy, skleroz dertine shaldyǵý qaýipi joǵary. Anglıadaǵy medısına mamany profesor Sallı Devıs: «Temekiniń júrek pen ókpege beretin zıandaryn kópshiligimiz bilemiz. Biraq temeki shegetinder temeki tútini arqyly qanǵa aralasatyn zıandy zattardyń mı jáne basqa da mańyzdy múshelerde jol ashatyn aqaýlardy sanaly túrde uǵyna bilýi qajet. Temeki mezgilsiz ólimderdiń basty sebebi. Temeki shegetin ár eki adamnyń biri temekige qatysty týyndaıtyn aýrý kesirinen erte kóz jumady. Adamdardyń áli kúnge deıin temekiniń beretin zıandaryn elemeıtindigi óte ókinishti» deıdi. Profesor Devıs sonymen qatar temekini tastaǵandar sal aýrýyna shaldyǵý yqtımaldyǵy ómir boıy temeki shekpegen adamdaı deńgeıge bes jyldan keıin ǵana jetetinin málimdedi. «Katran, myshák, sýtegi sıanıdi t.b. Bulardyń barlyǵy qaterli isikke jol ashatyn áserler qalyptastyra alady nemese qan tamyrlarynda aqaýlarǵa sebep bolady» deıdi mamandar. Eń durysy temekini tastaýǵa sheshim qabyldap, ózin osy nıette jigerlendirip, temekini úzildi-kesildi tastaýǵa keńes beremiz.

---