InfoHub Logo

Oblysta búginge deıin shamamen 6 myńǵa jýyq kitap sıfrlandyrylǵan, ol degenimiz Shoqan Ýalıhanov atyndaǵy oblystyq kitaphana basylymynyń jartysynan astamy.

Jambyl oblysynda jalpy sany 288 kitaphanajumys jasap tur.Kitaphanalarda barlyq kitap qory – 243 myń danany quraıdy.

Kitap qorynyń qyzmetkerleri aldymen sırek basylymdardy elektrondy formatqa kóshirýde. Sırek basylymdar qory 10 myńdy qurap otyr.

Sondaı-aq, elektrondy formatta kóshirýde jergilikti jazýshylar shyǵarmalaryna kóp kóńil bólinedi.

Elbasy «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty maqalasyna oraı,  jergilikti aqyn-jazýshylarmen avtorlyq kelisimshartqa turyp, shyǵarmalary sıfrlandyrylýda. Ol úshin 8 skaner paıdalanylyp otyr. 305 betten turatyn bir kitapqa 2,5 saǵat ýaqyt ketedi.

Búgingi kúni 25 jergilikti aqyn-jazýshylarmen avtorlyq kelisimshartqa turyp, 46 dana shyǵarmalarynyń elektrondyq kóshirmeleri kitaphananyń saıtyna ornalastyrylǵan.

Árıne bundaı jumys ýaqytty kóptep qajet etedi, biraq kitapty bul formatqa kóshirý búgingi tańda zaman talaby, óıtkeni elektrondy kitaptar oqýǵa, ári tasymaldaýǵa óte ońaı.

«Bizdiń jumysymyz úsh baǵytqa negizdelgen. Birinshisi, áleýmettik seriktestik. Biz qalanyń barlyq qurylymdarymen belsendi yntymaqtasyp, súıikti oqyrman kitaptaryn sıfrlandyrý týraly ótinishterdi esepke alamyz. Ekinshiden, materıaldyq-tehnıkalyq jabdyqtaýǵa demeýshilerdi tartamyz. Úshinshiden, buqaralyq aqparat quraldarynyń kómegimen kitaphanalardyń zamanaýı qoǵamǵa degen ózektiligin taldaımyz», – dep málimdedi tilshilerge bergen suqbatynda kitaphana dırektory Elmıra Abdınova.

Aıta ketelik, Sh.Ýálıhanov atyndaǵy oblystyq ámbebap ǵylymı kitaphanasy elimizdiń uzaq merzimdi «2014-2020 jyldarǵa deıingi Damý tujyrymdamasyna» sáıkes Jambyl óńiriniń turǵyndaryna kitaphanany zamanaýı, yńǵaıly formatta barshaǵa qoljetimdi bolatyn aýqymdy, kópfýnksıonaldy, aqparattyq ıntellekt-ortalyǵy retinde qyzmet kórsetip otyr.

Kitaphana úkimet organdarymen, Taraz qalasynyń oqý mekemelerimen, mádenıet mekemeleri, túrli Qazaqstan halqy Assambleıasy men etno-mádenı ortalyqtar, Taraz qalasynyń «Pokolenıe» azamattyq qozǵalysy, «Nur Otan» HDP «Jas Otan» Jastar qanaty, «Jańa-Rý» jastar koalısıasy zańdy tulǵalar birlestigi, «Jastar ortalyǵy» jastar birlestikteri, «Asyl arman» ulttyq dástúr men ónerdi qoldaý» qoǵamdyq birlestigi, «Jambyl oblystyq múgedekterdi ońaltý jáne beıimdeý» ortalyǵy jáne basqa da qurylymdarmen seriktestik jáne kelisimdik turaqty qarym-qatynas ornatqan.

---