InfoHub Logo

Tehnologıa 9 klass
Sabaqtyń taqyryby: Terini shıkileı óńdeý
Sabaqtyń maqsaty: A) Ata - babamyz kásip etken tól ónerimizdi oqýshylarǵa meńgertý. Kóne óner túrin jańǵyrtý.
Á) Oqýshylardyń iskerlik, sheberlik qabiletterin arttyra otyryp, qol eptiligin damytý. Oılaý, esepteý saýattylyqtaryn damytý.
B) Ulttyq qundylyǵymyz arqyly tárbıe berý. Ult qundylyǵymyzdy nasıhattaı otyryp, ult janashyryn tárbıeleý.
Sabaqtyń ádisi: Túsindirý, kórsetý, úıretý, meńgertý.
Sabaqtyń túri: Aralas. Sabaqtyń kórnekiligi: Slaıd, qaıystar.
Pán aralyq baılanys: Tarıh, ádebıet.
Sabaqtyń barysy: İ. Uıymdastyrý bólimi. Oqýshylardy túgendeý, ázirligin tekserý. Kezekshilik taǵaıyndaý.

İİ. Jańa sabaq. – Balalar ekrannan ne kórip tursyńdar?
(Bylǵarydan jasalǵan buıymdar.)
– Bylǵarynyń adamǵa paıdasy qandaı?
(Kıim, sýsyn quıatyn ydys, at ábzelderi, t/b.)
– Endi nazarymyzdy ekrandaǵy kestege aýdaraıyq. Senderge teri túrleri berilgen jáne qandaı kádege jaratylǵany qysqasha túrde kórsetilgen.
● İri qara terisinen
At ábzelderi.
Júgen
Aıyl
Er-turman

● Qoı terisinen
Kıim
Ton
İshik
Týlaq

● Eshki terisinen
Mýzykalyq aspaptar (kónterisinen)
Qobyz
Sherter
Daýylpaz

Balalar teriniń adam ómirinde paıdasy men mańyzdylyǵyn eskere otyryp, búgingi ótetin jańa sabaǵymyz «terini shıkileı óńdeý» bolyp tabylady. Ertede ata - babalarymyz terini aırannyń kóksýymen nemese jerge kómip tastaý arqyly óńdegen.
Negizinen, jańa soıylǵan mal terisine tuz seppeı orap jyly jerge qoısa, ol óz - ózinen 2 - 3 kúnniń ishinde jıdip, júni túsip qalady. Biraq olaı óńdelgen teriden shyqqan ıis óte ótkir keledi. Al terini tez tazalaý úshin jańa soıylǵan mal, ásirese eshki terisiniń ishine qoımaljyń ák (izbes) jaǵyp, terini tumshalap orap, arnaýly jyly sý quıylǵan ydysqa batyryp salyp qoıý kerek. Bul prosesti aldyn - ala daıyndap qoıǵanmyn. Endi sender ári qaraı saramandyq jumys kezinde jalǵastyratyn bolasyńdar.

İİİ. Qaýipsizdik erejesi.
Arnaýly kıim kıý. Qolǵa bessaýsaq pen betperde taǵý.

Úİ. Saramandyq jumys.
Beti búrkeýli qaýyrsyn ydystaǵy eshkiniń terisin alyp, jún - túkterden tazalap, kergishke keremiz.

Ú. Jasalý prosesi. Úsh kún sýda saqtalǵan teriniń júnin tartyp kóredi. Eger teriniń júni erkin julynyp ketse, jıdigeni. Jıdigen terini arnaýly tegis jerge jaıyp, júnnen tazalaıdy. Sodan keıin terini ishki jaǵyna qaraı aýdaryp, ony ish maıynan, sary etinen teriniń túgi shyqqansha tazalaıdy. Arnaýly pyshaqpen ábden tazalanǵan teriniń ágin (izbes) jýmastan kergishke shegeler arqyly kerip tastaıdy. Bul proses kelesi sabaqta da jalǵasyn tabady.