InfoHub Logo

Belgili ánshi Maqpal Júnisovanyń aıtýynsha, Baýyrjan Momyshulynyń kelini Zeınep Ahmetovanyń sózderinen kóp nárse túıgen. Ánshiniń suhbattarynyń birinde Zeınep Ahmetovanyń ómirlik tájirıbesi men ustanymy kez kelgen adamǵa oı salatynyn aıtyp, onyń aıtqan sózderinen kóp nárseni kóńiline alǵanyn jetkizdi.

Bul týraly Infohub.kz aqparat agenttigi habarlaıdy.

Synnan sabaq aldym

Maqpal Júnisova batyrdyń kelini bolýdyń ózi úlken jaýapkershilik ekenin atap ótti. Ol Zeınep Ahmetovanyń ár sóziniń salmaqty ekenin aıtyp, ózine baǵyttalǵan synnan da sabaq alǵanyn jasyrmady. «Biraz nárse aıtty, kóp dúnıeni kóńilge túıip aldym. Ondaı adamdardyń janynda júrýdiń ózi jaýapkershilik. Keıde tipti qorqasyń. Óıtkeni olar ár áreketińe, sózińe mán beredi», – dedi ánshi.

Jelidegiler ánshiniń sabyrlylyǵyn qoldady

Jeli qoldanýshylary Maqpal Júnisovanyń sabyrly ustanymyna rıza bolyp, jyly lebizderin bildirdi. Kópshilik onyń syndy durys qabyldaı biletinin jáne kez kelgen jaǵdaıda baıyppen jaýap berýge tyrysatynyn erekshe atap ótti. «Qandaı jaǵdaı bolsa da sabyr saqtap otyr. Mundaı minez ekiniń biriniń qolynan kelmeıdi», «Óte durys aıtty. Pende bolǵan soń qatelik te bolady, bastysy – ony túsinip, qorytyndy shyǵara bilý», «Maqpaldyń jaqsy qasıeti – keshirimdiligi men parasattylyǵy. Sondyqtan da halyqtyń yqylasyna bólenip júr», – dep jazdy jelidegiler.

Oqyrmandardyń pikirinshe, ánshiniń qarapaıymdylyǵy men úlkenge qurmeti kópke úlgi. Olar Maqpal Júnisovanyń emosıaǵa berilmeı, sabyrmen jaýap qatqanyn joǵary baǵalady.