tengrinews.kz
Astanadaǵy bir kóshe bóligi tórt kúnge jabylady
Astanada Kereı men Jánibek handar kóshesiniń A. Bokeıhannan Sh. Murtazaǵa deıingi aralyǵyndaǵy jol jóndeý jumystaryna baılanysty 21 mamyrdan 25 mamyrǵa deıin kólik qozǵalysy tolyq toqtatylady. Bul týraly elorda ákimdigi habarlady.
Bul ýchaskede jol tósemin ortasha jóndeý jumystary júrgiziledi. Ákimdik júrgizýshiler men jaıaý júrginshilerdi marshrýttaryn aldyn ala josparlap, qozǵalys uıymyndaǵy yqtımal ózgeristerdi eskerýge shaqyrdy.
Buǵan deıin ákimdik Sh. Ýálıhanov kóshesinen M. Ábdikárimov kóshesine deıingi Kenesary kóshesiniń bir bóliginiń jol tóseminiń ústińgi qabatyn tóseýge baılanysty jabylatynyn habarlaǵan bolatyn. Bul ýchaskede 21-22 mamyr aralyǵynda qozǵalys ishinara toqtatylady.
Qaýipsizdikti qamtamasyz etý jáne qolaısyzdyqty azaıtý maqsatynda ýchaskelerde ýaqytsha jol belgileri men nusqaýshylar ornatylady. Ákimdik astanalyqtar men qala qonaqtarynan bul ózgeristerdi túsinistikpen qabyldap, qaladaǵy qozǵalys kezinde aldyn ala eskerýdi surady.
-
Astanadaǵy Halyqaralyq qarjy ortalyǵy soty «Naftogaz Ýkraına» kompanıasynyń paıdasyna «Gazpromǵa» qatysty sheshim shyǵardy.
-
A key section of Kerey and Zhanibek Khandar Street in Astana will be temporarily closed for essential road repairs, impacting traffic from May 21 to May 25.
