InfoHub Logo

Sabaqtyń taqyryby: Farıza Ońǵarsynova «Oıýlar» óleńi
Sabaqtyń maqsaty:
Bilimdiligi: Aqyn jaıly málimetterdi tyńdata otyryp, jańa maǵlumattar alýyna jaǵdaı týǵyzý. Óleń mazmunyn, qurylysyn meńgerte otyryp, avtor sheberligin tanytý;
Tárbıeligi: Oı jáne qol eńbegin jasatý arqyly izdenimpazdyqqa, eńbeksúıgishtikke baýlý. Ulttyq qolónerdiń baǵa jetpes baılyq ekendigin uǵyndyryp, halyqtyq dástúrdi qasterleýge úıretý;
Damytýshylyǵy: Túrli shyǵarmashylyq arqyly oılaý qabiletiniń damýyna, til baılyǵynyń artýyna yqpal jasaý.
Sabaqtyń túri: panoramalyq sabaq
Sabaqtyń ádisi: STO strategıalary - oı qozǵaý,
kýbızm, taldaý, túrli oıyndar t. b.
Kórnekiligi: flıpchart, úntaspa, túrli - tústi qaǵazdar, elektrondy oqýlyq.
Pánaralyq baılanys: Tarıh, beıneleý, eńbek, saz, matematıka.

BARYSY:
İ. Uıymdastyrý bólimi.
Oqýshylardy túgendeý. Synyp tazalyǵyn, sabaqqa daıyndyqtaryn tekserý. Synypty eki topqa bólý. 1 - top «Bilimpazdar», 2 - top «Ónerpazdar» dep ataımyn.

İİ. Úı tapsyrmasyn tekserý.
Ótken sabaqty «Kýbızm» oıyny arqyly tekseremin. Oqýshy kýbıkti aınaldyryp tastaıdy qaı san tússe, sol san jazylǵan kartochka suraǵyna jaýap beredi. Oqýshylardyń jaýabyn «baǵalaý aınasyna qoıyp otyramyn.

İİİ. Jańa sabaq.
1. Qyzyǵýshylyǵyn oıatý.
Jańa sabaqqa kirispes buryn úntaspa arqyly M. Maqataevtyń sózine jazylǵan Á. Tinálıevtiń «Farızajan» áninen úzindi beriledi.
2. Oı qozǵaý.
- Qaı aqynnyń sózine jazylǵan án dep oılaısyńdar?
- Án kimge arnalǵan eken?
Iá, balalar, búgin biz Farızanyń «Oıýlar» atty óleńinen tanysamyz (Dápterge kúndi, taqyrypty jazǵyzý).
- Búgingi sabaǵymyzda ánniń keıipkeri Farıza Ońǵarsynova apamyzben jáne onyń «Oıýlar» óleńimen tanysamyz.
F. Ońǵarsynova ómiri men shyǵarmashylyǵynan málimet berý.
- «Oıý» degen sózdi estigende oılaryńa ne keledi? Ár top paraq qaǵazǵa óz oıylaryn toptastyrsyn.

Farıza Ońǵarsynovanyń "Oıýlar" óleńin tyńdap kóreıik. tekemet, basqur, jelbaý, túskıizdiń sýreti kórsetilip turady.
Sózdikpen jumys.
Tekemet – kıiz úıdiń ishine tóseletin jaıma kıiz
Basqur - kıiz úıdiń ishin bezendirý úshin ýyq pen keregeniń túıisken jerine taǵatyn órnekti jalpaq qur.
Jelbaý - kıiz úıdiń shańyraǵyn qatty jel aýdaryp ketpes úshin shańyraqtan tómen bastyrýǵa paıdalanatyn órnektelgen tógilme shashaqty baý.
Taramysty - eti qashqan, aryqtaǵan.

Óleńdi oqýshylarǵa kezekpen oqytyp, mazmunyn ashý.
Suraq qoıý.
Óleń ne týraly?
Oıý nelerge salynady?( kórpe, ydys, kıim, t. b)
Óleńde qandaı oıý túri aıtylǵan? (qoshqarmúıizdiń sýreti)
Taǵy qandaı oıý túrlerin bilesińder? (230 - daı túri bar oıý túrlerin kórsetý)
Aqynnyń kózine nege jas keldi?
«Ájemniń kózindeı oıýlar» jáne «Túrinen tekemettiń kórip turmyn, ájemniń taramysty saýsaqtaryn» degen óleń joldarynan neni ańǵarýǵa bolady?
Oıý oıatyn adamdy kim dep ataımyz? (oıýshy, sheber)

- Endi, balalar, óleńniń qurylysyn taldaıyq. ( óleńge satylaı keshendi taldaý)
«Oıýlar» óleńi
Avtory:
Taqyryby:
Ideıasy:
Janr túri:
Shýmaq:
Tarmaq:
Býnaq:
Býyn sany:
Uıqas:

Toppen jumys.
1 - top. «Bilimpazdar» – oıý týraly maqal - mátelder jazý
2 - top. «Ónerpazdar»- oıý salyp, qıý.

Qorytyndylaý.
«Kıiz basý» oıyny. Eki toptyń bir oqýshydan kelip konvert alady. İshindegi tekemet órnekteri bar kartochkalardyń suraqtaryna jaýap berip aq paraq qaǵazǵa tıisti ornyna jelimdeıdi. Suraqtarǵa jaýap bere otyryp tekemet kıizdi basyp shyǵaramyz
Baǵalaý
Úıge tapsyrma