InfoHub Logo

Tilimdi tereńdetem deseń...
Sabaqtyń maqsaty: Tyndaýshylardy til ónerin, til qudiretin qurmetteýge úıretý. Sóıleý tilderin jetildirý. Patrıottyq sezimderin oıatyp, ana tilderin súıýge, ardaqtaı bilýge tárbıeleý.
Sabaqtyń epıgrafy: «Tilin bilmegen - túbin bilmeıdi!» (B. Momyshuly )
Sabaqtyń túri: vıktorına sabaǵy
Sabaqtyń ádisi: suraq - jaýaptar, áńgimelesý, ártúrli oıyn elementteri, toptyq jumys.
Sabaqtyń kórnekiligi: ınteraktıvti taqta, sıqyrly sebet.

Sabaqtyń barysy: İ. Uıymdastyrý kezeńi: sálemdesý, psıhologıalyq daıyndyq.

İİ. Kirispe sóz.
Maǵjan Jumabaev - «Til - adam janynyń tilmashy, tili kem bolsa, adamnyń qor bolǵany» degen eken. Til – tarıh tereńine boılatyp, óner bulaǵyna sýsyndatatyn rýhanı álemimizdiń sarqylmas bulaǵy. Til – árbir eldiń, ulttyń maqtanyshy. Til - táýelsizdik tiregi. Qazaq tili úshin kúres sonaý 1986 jylǵy Jeltoqsan oqıǵasynan bastaý alady. Memlekettik tilimizdiń damýy týraly bilgimiz kelse, myna hronologıalyq kestege nazar aýdaraıyq

1. Interaktıvti taqtadan kórsetip, taldaý.

1989 j. 22 qyrkúıek. «Qazaq SSR - iniń Til týraly» zańy qabyldandy.
1989 j. 22 qazan. Almaty qalasynda ótkizilgen alǵashqy quryltaıda Halyqaralyq «Qazaq tili» qoǵamy quryldy.
1990 j. 22 naýryz. Respýblıkalyq «Ana tili» gazeti jaryqqa shyqty.
1993 j. 28 qańtar. Qazaqstan Respýblıkasynyń tunǵysh Konstıtýsıasy qabyldandy. Onda qazaq tili Qazaqstan Respýblıkasynyń memlekettik tili bolyp bekitildi.
2001 j. 7 aqpan. Qazaqstan Respýblıkasynyń Prezıdenti «Tilderdi qoldaý men damytýdyń 2001 - 2010 jylǵa arnalǵan baǵdarlamasy» №550 jarlyqqa qol qoıdy.
2007 jyl. Memlekettik til jyly bolyp jarıalandy
2008 j. qyrkúıek. Memlekettik tildi damytý Prezıdenttik qory quryldy

Demek, halqymyzdyń «Eń tátti de - til, eń ashshy da – til, eń jumsaq ta – til, eń qatty da - til» degen maqaly tegin aıtylmasa kerek. Dúnıede tilden qudiretti eshteńe joq.

İİİ. Tyńdaýshylardyń til týraly oı - pikirlerin, ulaǵatty naqyl sózderin tyńdaý.
Ata - babamyz ejelden úsh nárseni boıtumardaı qasıet tutyp, qadirlep ótken. Ol – el, jer, jáne til. Ana tili – ár halyqtyń tól belgisi. Adam bilimdi tálim - tárbıeni til arqyly alady, mádenıetti, ónerdi, salt - dástúrdi til arqyly úırenedi.
Ana tili dep ataýdyń sebebi,
anasyndaı qasterlesin degeni
Óz anasyn syılaıtuǵyn ár adam
Óz tilin de qurmet tutyp keledi
degendeı, ana tilin mensinbeıtin adamnyń sol ulttyń ókili bolyp jarytpaıtyny anyq. Keıbir sebeptermen ana tilinde sóıleý baqytynan aıyrylǵandardy keshirýge bolady.
- Al, ana tilinde sóıleýdi namys kórip, bas tartqan adamdar úshin keshirim joq. Sondyqtan, tilderimizdi tereńdetem deseńiz, saıysqa qatysyp ózderińizdi synap kórińizder.

İV. Vıktorına tapsyrmalary.
1) «Jorǵa» - suraq - jaýaptar.
1. Qazaq álipbıi neshe áripten turady? (42)
2. Tilder kúni qaı aıda toılanady? (qyrkúıek)
3. Qazaq balalaryna arnap alǵash mektep ashqan kim? ( Y. Altynsarın)
4. Qasıetti taǵam.(nan)
5. Qazaq tilinde neshe septik bar? (7)
6. Eń kıeli qus? (aqqý)
7. 100 jyl (ǵasyr)
8. Sóz óneri jarysy ( aıtys)
9. Respýblıkamyzdyń tuńǵysh prezıdenti? (N. Á. Nazarbaev)
10. Islamnyń qasıetti kitaby (quran)
11. Abaıdyń neshe qara sózi bar? (45)

Aqmola oblysy, Býrabaı aýdany,
Tilderdi oqytý ortalyǵynyń oqytýshysy
Ablenova Nurgúl Myrzabolatqyzy