InfoHub Logo

Uly Jeńis - urpaqqa amanat!
Jeńistiń 70 jyldyǵyna arnalǵan «Uly Jeńis - urpaqqa amanat!» ádebı - mýzykalyq keshi.
Maqsaty: «Eshkim de, eshteńe de umytylmaıdy» degen qaǵıdany ustana otyryp, tyńdaýshylardy tarıhymyzdy tereńnen tanýǵa baýlý. Otan tarıhyna degen súıispenshilikterin arttyrý, jeńis saltanatyn kóre almaı ketken bozdaqtardyń erlik isterine taǵzym etýge, óz halqymyzdyń tarıhyn qurmetteı bilýge, dúnıe júzindegi basqa ult ókilderiniń dostyǵyn nyǵaıtýǵa tárbıeleý.
Ádebı - mýzykalyq kesh kórinis arqyly ashylady: (Mýzyka oınap turady). Jazdyń jaımashýaq kúni. Armandary men maqsattaryn, bolashaqtaryn birge baılanystyrǵan qos ǵashyq kóshe boılap, qydyryp júr.
Mýzyka
Jigit:
– Aýyldaǵy anamdy tastap arman qýyp, oqýǵa bara almadym. Eldegi eńbekke de úırenip qaldyq. Seniń beıneń kúndiz - túni jadymnan shyqpaıdy. Bas qosyp, shańyraq kótersek qaıtedi?
Qyz:
–... ne derimdi de bilmeımin, meniń de ómir boıy seniń janyńda bolǵym keledi. Biraq, oılanýym kerek.
(Osyndaı baqytty sátti radıodan taraǵan sýyq habar buzyp jiberedi).
Iý. Levıtannyń daýysy aýdıotaspadan qoıylady. («Tyńdańyzdar, tyńdańyzdar! Sóılep turǵan Moskva! Búgin, 22 maýsym kúni tańǵy saǵat tórtte nemis basqynshylary Keńes Odaǵynyń memlekettik shekarasyna basyp kirdi…» Daýys baıaýlaı bastaıdy da, aýdıotaspadan «Sváshennaıa voına» áni oryndalady.
1 beınesújet (soǵystyń bastalýy – 1941 jyl)
Kórinis: Án oınalyp jatqanda biri ákesin, biri aǵasyn, al biri súıgen jaryn, biri baýyryn soǵysqa shyǵaryp salyp turǵany somdalady.

(AİİB eki tyńdaýshy)
1. Tazartam jaýdan jerimdi,
Qarýmen alyp kegimdi.
Qam jeme halqym, ata - ana.
Ulyńnyń anty senimdi.

2. Attandym jaýǵa qarsy elim úshin,
Otanym, ata mıras jerim úshin.
Kórgenshe qaıta aınalyp saý bolyńdar,
Ata - ana, qurby - qurdas, úlken - kishi.
Kórinis. «Kesteli oramal» áni
Qyz: (Araılym)
Kesteli aq jibek oramal,
Alystan joldaǵan súıgen jar.
«Jaýynger jarym sen, esińe al», -
Dep jazǵan oıýly haty bar.
Q - sy
«Jaýynger jarym sen, esińe al», -
Dep jazǵan oıýly haty bar.
Jigit (Arman)
Esińe al, erketaı, jazǵy tań.
Qol qysyp, qushaqtap attanǵan.
Qas dushpan meıirimsiz jaýyzdan.
Aıama dep ediń qasyq qan.
Q - sy
Qas dushpan meıirimsiz jaýyzdan.
Aıama dep ediń qasyq qan.

1 slaıd. («Uly Jeńis - urpaqqa amanat!»)

Júrgizýshi: Qaıyrly kún, qurmetti áriptester, tyńdaýshylar, qonaqtar!
- Tarıh keshi únemi jańalanyp otyrady. Dese de umytylmaıtyn, eskirmeıtin tarıhı oqıǵalar bolady. Sonyń biri HH ǵasyrdaǵy eń bir qandy qasiret soǵys edi. Álemdi dúr silkindirgen ekinshi dúnıejúzilik soǵystyń qasireti men Uly Jeńistiń qasıetin batyr aǵalarymyz ben apalarymyzdyń erligin eshkim de eshqashan da umytpaq emes. Keńes eliniń birligi men dostyǵynyń arqasynda1945 jyly 9 mamyrda bul soǵys Uly Jeńispen aıaqtaldy. Mine, sodan beri 70 jyl merzim ýaqyt ótti. Bıyl Uly Jeńistiń 70 jyldyǵy.
Búgingi ádebı – mýzykalyq keshimiz Uly Otan soǵysynda qurban bolǵan atalarymyz ben ákelerimizdiń, máńgi jas bolyp, jadymyzda saqtalǵan jaýyngerler men ofıserler rýhyna, beıbit kezeńde dúnıeden ótken ardagerlerge, búginde ortamyzda júrgen Uly Otan soǵysy ardagerleriniń qurmetine arnalady.

Tilderdi oqytý ortalyǵynyń oqytýshysy
Ablenova Nurgúl Myrzabolatqyzy