InfoHub Logo

Aıtys óneriniń beldi uıymdastyrýshysy, aqyn Júrsin Erman densaýlyǵyna baılanysty bastan keshken kúrdeli jaǵdaılar týraly ashyq aıtty. Ol óziniń qant dıabetimen kúresi jáne sol qıyn sátte Memleket basshysy Qasym-Jomart Toqaev tarapynan kórsetilgen qoldaý týraly «1001 tún» baǵdarlamasynda baıandady.

Bul týraly Infohub.kz aqparat agenttigi habarlaıdy.

Aqynnyń aıtýynsha, qant dıabeti onyń densaýlyǵyna qatty áser etip, jaǵdaıy kúrt nasharlaǵan. Almatydaǵy iri medısınalyq ortalyqta em qabyldaǵan kezde, dárigerler aıaǵyn kesý qajettigin aıtyp, bul sheshimdi basqa amal joq ekendigimen túsindirgen.

Sheteldegi em jáne Prezıdenttiń qoldaýy

«Meniń jaǵdaıymdy nasharlatqan – qant. Onyń sebebin naqty bilmedim. Qatty aýyrdym. Almatydaǵy bedeldi aýrýhanada emdeldim. Biraq dárigerler aıaǵymdy kesý kerektigin aıtty. «Bulaı istemesek, ólip qalasyń» dedi. Adamnyń aıaǵyn kesý ońaı emes qoı. Sol kezde shetelge baryp emdelýdi uıǵardym. Shveısarıaǵa kettim. Ol jaqta meniń qudaıym, Dúnıejúzilik densaýlyq saqtaý uıymynyń bas dırektory bar edi. Olar meni qarap, aıaqty kesýdiń qajeti joq ekenin aıtty.

Shveısarıaǵa barý ońaı bolǵan joq. Prezıdentimiz Qasym-Jomart Toqaev emdelýim úshin kóp qarjy bóldi. Bul týraly ol ózi aıtpasa da, men ishimnen bilip, rızashylyǵymdy bildirip júrmin. Osylaısha, aıaǵymdy kestirmeı, elge aman-esen oraldym. Keıin qyzdarymnyń kútimi men shóptermen emdeýiniń arqasynda aman qaldym. Halyqtyń qoldaýy da maǵan úlken dem berdi», - dep aqyn jan syryn aqtardy.