InfoHub Logo

Semeı qalasynyń
Shákárim atyndaǵy memlekettik ýnıversıteti
Fılologıa fakúlteti, Qazaq tili men ádebıeti mamandyǵy
4 kýrs stýdenti Mýhtarova Aıgerim Mataıbekqyzy

Ádebıet 7 - synyp
Sabaqtyń taqyryby: O. Bókeıdiń «Tortaı miner aq boz at» áńgimesindegi Tortaı beınesi.
Sabaqtyń maqsaty: oqýshylarǵa mátin mazmunyn meńgerte otyryp, keıipker beınesine jan - jaqty taldaý jasatý.
Sabaqtyń mindetteri:
1. Mazmunyna baılanysty oqýshylarǵa keıipker beınesine jan - jaqty taldaý jasatý, túıin shyǵartý.
2. Oqýshylarǵa kishigirim is - áreketterin josparlatyp, óz betinshe jumys jasatý.
3. Áńgime mazmunyna túıin jasaı otyryp ózindik kózqaras qalyptastyrý.
Qajetti materıaldar: plakattar, skoch, markerlar, ınterbelsendi taqta, prezentasıa, A3 plakaty.
Qoldanylatyn ádis – tásilder: Q. Bitibaevanyń tehnologıasy boıynsha ıntervú - test, mıkrominezdeme, saýalnama - ıntervú, STO elementteri, joba qorǵaý, Blým taksonomıasy.

Sabaqtyń barysy:
I. Uıymdastyrý kezeńi (2mın)
Oqýshylarmen amandasý, túgendeý.
Qyzyǵýshylyqty oıatý.
Kespe qaǵazdardaǵy sýretter boıynsha oqýshylardy 3 - topqa bólý.

II. Úı tapsyrmasyn suraý.
Sholý suraqtary. (2mın)
Muǵalim sózi: Úıge O. Bókeıdiń ómiri men shyǵarmashylyǵyna sholý jasap, áńgime mazmunymen tanysyp kelý berildi. (suraqtar qoıý)
Ár oqýshyǵa ıntervú - test qaǵazdary taratylady.
1 - topqa: O. Bókeıdiń ómiri
2 - topqa: Jazýshynyń qyzmet joly.
3 - topqa: Avtordyń shyǵarmashylyǵy.
Intervú - test
(O. Bókeıdiń ómiri boıynsha).
Suraqtar
1. Oralhan Bókeı kim?
2. Qaı jyly, qaı jerde dúnıege keldi?
3. Otbasy jaıly ne bilesiń?
4. Avtor jaıly aıtqan aqyn - jazýshylardyń qundy pikirin jazyńyz.

Intervú - test
(O. Bókeıdiń qyzmet joly boıynsha).
Suraqtar
1. Eń alǵashqy eńbek joly qaı jerde, qandaı qyzmetten bastaldy?
2. Avtor qandaı joǵarǵy oqý ornyn bitirgen?
3. O. Bókeı qandaı gazet - jýrnaldarda qyzmet atqardy?

Intervú - test
(O. Bókeıdiń shyǵarmashylyǵy boıynsha).
Suraqtar
1. Avtordyń eń alǵashqy shyǵarmasy qalaı atalady?
2. Jazýshynyń esimin tanytqan qaı poves?
3. O. Bókeıge qaı shyǵarmasy úshin QR Memlekettik syılyǵy berildi?
4. Avtordyń birneshe shyǵarmalaryn atap jazyńyz.

III. Maǵynany ajyratý.
Muǵalim sózi: Balalar, slaıdqa nazar aýdaraıyq! Sýretterde ne beınelengen? Bul sýretterdiń bizdiń basty keıipkerge qandaı qatysy bar?
Ádebıet teorıasymen de sabaǵymyzdy baılanystyryp otyrsaq. Áńgimeniń sújeti qalaı? Kompozısıalyq qurylymyna taldaý jasańyzdar. (aýyzsha jaýap).
Sýretter bizdiń basty keıipkerimiz Tortaıǵa tikeleı qatysty. Demek, biz búgingi sabaqta Tortaı beınesin taldaımyz. Ol úshin Tortaıǵa mıkrominezdeme berip ótsek.

Tortaıǵa mıkrominezdeme
Mátinnen alynǵan dáıeksóz-------- Yqtımal jaýap
1. Qoı aýzynan shóp almas. (Jýas, momyn, uıalshaq, jasqanshaq).
2. Qulaǵynyń sál múkisi bar. (Sańyraý, qulaǵy estimeıdi).
3. Keterinde súıikti kitabyn syılap turyp:«Men úshin de oqy. Bálkim, men mine almaǵan aq boz atqa sen minersiń»,- dedi. (Dostyqqa adal, meıirimdi).
4. Aýzymyzdy ashyp tyńdaıtyn abyzymyz. (Bilimdi, oqyp - toqyǵany mol).
5. «Toq bala, ash balamen oınamaıdy» (Jetimdikti, taýqymetti kóp kórgen).
6. - Kel janyma, men seni tym jaqsy kóremin. Bastyqtyń balasymyn dep murnyńdy kókke kótermeısiń, qarapaıymsyń. (Qamqor, aqylshy).
7. «Ákem de, sheshem de - sol kitap». (Kitapqa erekshe qumar).

IV. Oı-tolǵanys.
Kitapqa, dostyqqa, jetimdiktiń zardabyna baılanysty qandaı qanatty sózder aıtasyzdar?
1 - topqa: Dostyq - uly qasıet.
2 - topqa: Jetim kórseń jebeı júr.
3 - topqa: Kitap - taýsylmas baılyq.
Joǵaryda keltirilgen taqyryptar boıynsha plakatqa joba jumysyn jazyp, qorǵaý.

V. Qorytyndy.
Ózińdi - óziń tany, bilimińdi sarala. (Blým júıesin basshylyqqa alý).
Saýalnama – ıntervúdi ár oqýshyǵa taratyp, toltyrtý.