InfoHub Logo

Fızıka 8 - synyp
Taqyryby: Toktyń jumysy men qýaty. Djoýl - Lens zańy
Sabaqtyń maqsaty:
Bilimdilik maqsaty: Pán boıynsha oqýshylardyń bilim - bilik daǵdysyn qalyptastyrý. Toktyń jumysy men qýatyn, toqtyń jylýlyq áreketin Djoýl - Lens zańy arqyly túsinik berý. Oqýshylarǵa deńgeılik tapsyrmalar berý arqyly bilimin baǵalaý.
Damytýshylyq maqsaty: Eriktilikti damytý, qabilettilik jáne belsendilikti arttyrý, tanymdyq qıyndyqtardy jeńýge tyrysý. Oqýshylarda ǵylymı - dúnıetanymdylyq kózqaras qalyptastyrý. Oqýshylardy salystyra bilýge, oqý materıalynyń, eń negizgilerin tańdaı bilýge úıretý.
Tárbıelik maqsaty: Adamgershilikke, jaýapkershilikke, tıanaqtylyqqa, eńbekke baýlý, toptyq jumysta syılastyqqa tárbıeleý, tabıǵatty aıalaýǵa baýlý.
Sabaq túri: aralas sabaq
Sabaqtyń ádis - tásilderi: toptyq jumystyń elementterin qoldaný, jeke jumys, baıandaý, deńgeıli tapsyrmalar berý – sapalyq, mátindi jáne eksperımentaldy esepter.
Sabaqtyń kórnekilikteri: slaıd, ártúrli qýaty bar elektr shamdar, ótkizgish symdar, ampermetr, vóltmetr jáne basqa elektr quraldar, stıker, poster.
Pán aralyq baılanys: qazaq tili, matematıka, hımıa.

Sabaq kezeńderi: 1. Uıymdastyrý 2 mın
2. «Elektr togy»(úı jumysyn tekserý) 8 mın
3. Jańa sabaq. Baıandaý 7mın
4. Jańa sabaq bekitý. 1. Poster qorǵaý 5 mın
2. Praktıkalyq tapsyrmalar oryndaý 15 mın
5. Qorytyndylaý 2 mın
6. Baǵalaý 3mın
7. Sergitý sáti (refleksıa) 2 mın

Sabaqtyń júrisi:
İ. Uıymdastyrý kezeńi: oqýshylarmen sálemdesý, túgendeý, toptarǵa túrli tústi stıkerler arqyly bólý. Oqýshylardyń nazaryń sabaqqa aýdarý.
Muǵalim sózi: «Óziń bilmeseń, bilgenderden úıren, úırengennen eshteńeń ketpeıdi.»- uly Tóle bı atamyz aıtqandaı búgingi sabaǵymyzdy toptyq jumys arqyly ótkizemiz, bir - birimizden úırenemiz jáne úıretemiz.
(oqýshylar tapsyrmalar oryndaý kezinde juldyzdardy upaı retinde jınaıdy, bir durys bergen jaýapqa 1 - juldyz beriledi jáne jınalǵan upaılar boıynsha baǵalanady: 2 - 4 juldyz - «3», 5 - 7 juldyz -«4» jáne 8 - 10 juldyz -«5», praktıkalyq tapsyrmalarǵa juldyzdar deńgeıine qaraı beriledi: İ deńgeı durys jaýap - 1 juldyz, İİ deńgeı durys jaýap - 2juldyz, İİİ deńgeı durys jaýap - 3juldyz baǵalaý kestesi boıynsha. )

İİ. Úı tapsyrmany tekserý: A) Elektr togyn qaıtalaýǵa arnalǵan suraqtar:
1. Elektr toǵy degenimiz ne?
2. Qandaı qurylǵylar tok kózderi dep atalady? Mysal keltirińder.
3. Tok kúshi dep neni ataıdy? Onyń ólshem birligi?
4. Elektr kerneý dep neni ataıdy? Onyń ólshem birligi?
5. Kedergi dep neni ataıdy? Kederginiń ólshem birligin qaı ǵalymnyń qurmetine qoıǵan?
6. Tizbek bóligi úshin Om zańy qalaı tujyrymdalady? Onyń formýlasy qalaı oqylady?
7. Elektr toǵynyń qandaı áreketterin bilseńizder?

Á) Sýretter boıynsha suraqtar.
İ top. Ótkizgish arqyly qandaı zarádtalǵan bólshekter oryn aýystyrady? Qaı baǵytta?
İİ top. Kórsetilgen syzbalarda qandaı qate baryn tabyńdar?
İİİ top. Súrettegi úsh birdeı shamdardyń qalaı jalǵanyp turǵanyń aıtyp berý.

B) «Elektr quraldary»
(ár topqa elektr quraldary beriledi, olardy atap shyǵý, qoldaný tásilderi aıtý.)

İİİ. Jańa sabaq.
Tuıyqtalǵan tizbek boıymen elektr toǵy ótkende, tizbektiń ishki bóligi tok kózinde jáne tizbektiń syrtqy bóligi – energıa tutynýshylarǵa energıanyń birqatar túrlenýleri bolady.
Elektr toǵynyń jumysy tok kúshi, kerneý jáne jumys isteýge ketken ýaqyttyń kóbeıtindisine teń.
"A=IUt" jáne 1Dj=1A 1V 1s
Toqtyń qýatyn tabý úshin ótkizgishtegi tok kúshin jáne kerneýdi ólshep, olardyń kóbeıtindisin tabý kerek.