InfoHub Logo

Taqyryby: «Tolaǵaı» (prezentasıasymen)
Maqsaty: oqýshylar men ata - analarǵa adam densaýlyǵynyń qymbattylyǵyn, ómir súrý úshin qajettiligin, baǵaly baılyq ekenin túsindirý. Oqýshylardy jáne ata - analardy sulý da sybatty, densaýlyǵy zor, kúshti bolý úshin deneni shynyqtyrý, olarǵa sportpen aınalysýyn qajet ekendiginiń mańyzyn túsindirý. Salaýattaný - adam janynyń da, tániniń de tazarýy, densaýlyǵynyń jaqsarýy, sondyqtan salaýatty ómir saltyn ustanýǵa tárbıeleý.
Kórnekilikter: naqyl sózder
1. Sport - densaýlyq kepili.
2. Tálimdi tárbıe otbasynan bastaý alsa, deni saý urpaq – ult bolashaǵy bolmaq.
3. Saýlyq - baılyq negizi
4. Mýzykalyq aparatýra.
Sabaqta kelesi ánder qosyldy.
4. • Bı 6 «A» synyby «Nedetskoe vremá»

Barysy:
1 - júrgizýshi: Qurmetti ustazdar, ata - analar jáne oqýshylar qaýymy! Búgingi «Densaýlyq - áleýmettik baılyqtyń negizi» degendeı búgingi «Tolaǵaı» otbasylar saıysyna qosh keldińizder!
2 - júrgizýshi: «TOLAǴAI» otbasylar saıysy - elimizdegi otbasylardyń atsalysýymen ótetin tárbıelik mańyzy zor oıyn - saýyqty baǵdarlama. Osyndaı baǵdarlama búginde bizdiń mektebimizdiń 5 A - 7 «A» synyp oqýshylar qaýymy men súıikti de belsendi ata - analarynyń arasynda ótkizilgeli otyr. Ár otbasy qatysady. Sonyń biri juldyzdy otbasy. Ár otbasy jeke topty quraıdy. Ár top jeńis máresine jetý úshin birneshe kezeńnen turatyn kedergilerge tótep berýi tıis.

1 - júrgizýshi:
Densaýlyq - ol shynyqqan
Barlyq deneń múshesi.
Densaýlyq - ol tynyqqan
Júıke tamyr júıesi.
Densaýlyq - ol kúlýiń
Kóńil - kúıiń jadyraı.
Densaýlyq - ol júrýiń
Eshbir jeriń aýyrmaı.

2 - júrgizýshi: Ár tańdy baqytpenen atyramyz
Ónerdi oı kóginde baqylańyz,
Saıysqa qatysýǵa endi ortaǵa
Úlgili de ónegeli, jyldam da shapshań
Otbasylarymyzdy shaqyramyz.
1. Erhanattar otbasy
2. Nuǵymanovtar otbasy
3. Baıadılovtar otbasy
4. Nurseıitovtar otbasy
1 - júrgizýshi: Saıysty bastamas buryn, bizdiń jetistikterimizdi baǵalaıtyn ádilqazylar alqasymen tanystyrýǵa ruqsat etińizder!
1. Mektep dırektory –
2. Tárbıe jumysynyń orynbasary –
3. Mektep kásipodaq uıymynyń tóraǵasy –
Sporttyq saıysymyz 5 baldyq júıemen baǵalanady.
1 - júrgizýshi: Tálimdi tárbıe otbasynan bastaý alsa, deni saý urpaq – ult bolashaǵy bolmaq. Ár otbasynda ata - ana – shańyraqtyń negizgi irgetasy bolyp eseptelinedi. Sondyqtan, bala ómirinde salaýatty ómir saltyn qalyptastyrýda áke men ananyń róli orasan zor.
2 - júrgizýshi:
Sport – densaýlyq kepili desek, «TOLAǴAI» otbasylar saıysy otbasylyq tárbıe men salaýatty ómir saltyn nasıhattaý maqsatynda uıymdastyrylyp otyr. Birinshiden, deni saý ulttyń qalyptasýyna atsalysady, ekinshiden baǵdarlamaǵa qatysqan ár otbasyǵa rýhanı jáne mádenı mereke syılaıdy.
1 - júrgizýshi: Endeshe, «TOLAǴAI» otbasylar saıysy – otbasylardy sportqa baýlıdy. Ata - ana men balanyń arasyndaǵy birlik pen tatýlyq qasıetterin nyǵaıta túspek!
2 - júrgizýshi:
Oınaıyq, oınaıyq ta oılaıyq!
Qatardan artta qalyp qoımaıyq,
Belsendi bolaıyq ortada,
Ýaqytty tekten - tek joımaıyq!

1 - júrgizýshi:
Oınaıyq, oınaıyq ta oılaıyq!
Kúshimizdi kórseteıik, synaıyq!
Jeńseń de, jeńbeseń de renishsiz bolaıyq,
Qaımyqpaı, kóńildi bolyp taraıyq!
2 - júrgizýshi:
Búgingi sporttyq saıys 8 kezeńnen turady.
1. Tanystyrý.
2. Tańǵy jattyǵý.
3. Qappen júgirý
4. Kim jyldam?
5. Bilimdi kengýrý
6. Kishkentaı qonjyqtar
7. Sýret salý
8. Jeńiske jetý.

1 - júrgizýshi: Saıysqa arnaıy 4 otbasy qatysady.
Óner qýyp otbasy óter deımiz,
Bir basyna óneri jeter deımiz.
Saıysqa kelgen toptar kezektesip.
Tanystyryp ózderin keter deımiz.
1 týrymyz birinshi bólimi otbasymen tanystyrý
Al, endi İ «Tanystyrý» kezeńin bastaıyq!
(toptyń ataýy, emblemasy, urany)
- Toptyń aty;
- úı tapsyrmasy (otbasymen tanystyrý 3 - 5 mınýt, ózdeń tańdaǵan mýzykaǵa tańerteńgilik jattyǵýdy otbasymen kórsetý;
Ár otbasy toptary ózderin tanystyryp ótedi.
1. «Shymyr» toby Baltabaevtar otbasy Biz shymyr sergek denemiz, óner súıer órenbiz.
2. «Birlik» toby Nuǵymanovtar otbasy urany Bárimiz birimiz úshin, birimiz bárimiz úshin!
3. «Yntymaq» toby Baıadılovtar otbasy Biz árqashan myqty
Bárin jeńip shyqty
4. «Densaýlyq» toby Nurseıitovtar otbasy Shynyqsań shymyr bolasyń,
Saýyǵyp aıdaı tolasyń.
Sportty serik ete bil,
Jaqsy azamat bolasyń.
1kezeńniń ekinshi bólimi tańerteńgilik jattyǵýdy kórsetý.
2 - júrgizýshi: İİ kezeń: «Shynyqsań shymyr bolasyń» dene jattyǵýlaryn jasaýdan saıys ótkiziledi.
Oınaıyq, oınaıyq ta oılaıyq!
Qatardan artta qalyp qoımaıyq,
Belsendi bolaıyq ortada,
Ýaqytty tekten - tek joımaıyq!
Olaı bolsa, ekinshi týrymyzǵa ótemiz.
İ týr. Qappen júgirý, oıynnyń sharty ýaqyt sanaǵy bastaldy degen belgiden bastap aldymen oqýshy - balamyz, keıin anasy, sońynda ákesi aıaǵyna qapty kıip, oıyn zalynyń arǵy shetine jetip sol kúıinde qaıta júgirip kelý.
Sát sapar, bastaımyz!

İİ týr: «Kim jyldam?»
(anasy dopty jerge uryp, ákesine alyp barady. Ákesi dopty alyp, sheńberge túsirý qajet /túsirgenge deıin turady/. Túsirgen soń, anasy dopty alyp balasyna júgirip alyp barady. Balasy da dopty ákesine alyp keledi.)

1 - júrgizýshi:
İİİ týr: «Bilimdi kengýrý» saıysy.
(ata - analar men oqýshylar kezekpen dopty tizege qysyp jasalǵan kedergilerden sekirip baryp, matematıkalyq bir - bir esepti shyǵarý kerek) /bararda jáne qaıtarda osy is - áreket/
2 - júrgizýshi: İÚ týr: «Kishkentaı qonjyqtar».
Anasy bir balasy, ákesi bir balasymen qarama qarsy bette turyp, balalaryn bir shetten ekinshi shetke arqalap ótýleri tıis.
2 - júrgizýshi: Ú týr «Sýret salý» bir bala kedergilerden doppen ótip, sýretti bir bala salady, ekinshisi aıtyp turady. Qaıtarda ekinshi bala doppen qaıtady. Sýret salatyn balanyń kózi baılaýly bolady.
1 - júrgizýshi:
Densaýlyqtyń mańyzyna qanyǵyp,
Halqymyz júr shat kúlkini jamylyp.
Toı – dýmanda da, kezdesý men jıyn da,
Ótedi ár kez Salaýattyń baǵynda.

Úİ týr: «Jeńiske jetý» saıysy.
2 - júrgizýshi: Ata - analar kezekpen - kezek kezdesken kedergilerden ótip, skakalkamen tý turǵan jerge jetip, týdy alyp keledi de kezekte turǵanǵa beredi. Ol alyp qaıtadan ornyna aparady. Jáne sońǵysy alyp keledi../
Kim jyldam, ári birinshi alyp kelse jeńiske jetedi.
1 - júrgizýshi: Rahmet. Óte jaqsy.
Salaýat baǵy baýlıdy bizdi jaqsylyqqa,
Jeteleıdi eldiń sáni yntymaqqa.
Densaýlyqtyń túsindirip qadirin,
Jol salady aıdyn shalqar bolashaqqa.
2 - júrgizýshi:
Ómir, óziń qaıdasyń,
Kún men túndi jalǵaısyń.
Jaqsylarǵa jaqynsyń,
Jamandarǵa shalǵaısyń.
Ýaqyt, ýaqyt, kýásiń sen bárine,
Nur tógedi sıqyrly kitap bizderge.
Densaýlyqtyń álippesi árqashan,
Jyr shashady qýana myna eline
1 - júrgizýshi: Endeshe, osy densaýlyqtyń álippesin árqashan jadynda ustanatyn belsendi de bilgir, densaýlyǵy myqty, sport dese, ishken asyn jerge qoıyp, altyn ýaqytyn sportqa arnaıtyn sportty súıetin otbasylardyń jetistikterin marapattaý rásimine kóshelik.
2 - júrgizýshi: Jarys zańy ejelden
Jeńimpazdy anyqtaý
Jeńimpaz bolý sharty sol
Eńbektený, jalyqpaý.
Bireý ozsa saıysta,
Bireý artta qalady.
Bul saıystan renjimeı
Tarasa bizge jarady -
demekshi saıysymyzdyń sharttary boıynsha qorytyndy shyǵaryp jeńimpazdy anyqtap, marapattaý sóz ádilqazylarǵa beriledi.
(Ádilqazylar alqasy marapattaý rásimin ótkizedi)

1 - júrgizýshi:
Urpaq kerek erteńgi alda,
Bolashaqty boljaıtyn.
Deni taza, táni taza,
Elin, jerin qorǵaıtyn!
2 - júrgizýshi:
Densaýlyq - basty baılyq ómirdegi,
Nár beretin asyl ǵoı kóńildegi.
Salaýatty ómir saltyn nasıhattap,
Atanaıyq jaqsy azamat óńirdegi.

1 - júrgizýshi: Elimizdiń bolashaǵy deni saý azamattardyń qolynda. Densaýlyqtyń kepili – salaýattylyq. Salaýatty ómir saltyn saqtap, bolashaǵymyzdy sáýlendireıik! «Tolaǵaı» otbasylar saıysy osymen támamdalady. Belsendilik tanytyp, tamashalaǵandaryńyz úshin kóp - kóp rahmet!
2 - júrgizýshi: Biz qazaqpyz,
El úshin atqa mingen.
Janyp jatqan lapyldap otqa kirgen,
Boı tumar ǵyp ar - ojdan qazynasyn,
Otbasylar el qamyn saqtap júrgen
demeshi búgin altyn ýaqyttaryn qıyp, «Tolaǵaı» otbasylyq saıysqa qatysqandaryńyz úshin árbir otbasyǵa, alǵysymdy bildiremiz! Jaqsylyqta, amandyqta júzdeskenshe!!!