InfoHub Logo

Sabaq taqyryby: Túbirles sózder.
Sabaqtyń maqsaty:
1. Oqýshylarǵa óz betimen jumys jasatý arqyly «túbirles sózder» týraly teorıalyq uǵym qalyptastyrý, bilimderin tolyqtyrý.
2. Damyta oqytýdyń tıimdi ádis — tásilderin paıdalana otyryp, oqýshylardyń shyǵarmashylyq qabiletin, ǵylymı oılaý júıesin damytý.
3. Uıymshyldyqqa, dostyqqa, adamgershilikke tárbıeleý.
Sabaqtyń tıpi: Jańa sabaq.
Sabaqtyń túri: Aralas sabaq.
Qoldanylatyn ádis - tásilder: suraq - jaýap, jattyǵý, kitappen jumys, jeke oqýshymen jumys, óz betinshe jumys, kórnekilikter, oıyn, sergitý sáti, ajyratý, dáleldeý, izdenýshilik.

Sabaqtyń kórnekiligi: sýretter, tirek - syzbalar, oıyn quraldary, tapsyrmalar, ınteraktıvti taqta, slaıdtar.
Sabaqtyń prınsıpteri: birtutastyq, júıelilik.
Tehnologıa: aqparattyq tehnologıa, beıneleý, dene shynyqtyrý.
Sabaqtyń barysy: I. Uıymdastyrý kezeńi.
Topqa bólý
«Alaqan» jattyǵýy.
Kórshilerińe burylyp, alaqandaryńdy biriktirip, júrekterińniń jylýyn berińder.

Topqa bólý (súıikti jemis - jıdekterdiń sýretterin tańdaý arqyly toptasady)

1 - slaıd. Ótken sabaqty eske túsirý
- Túbir sóz degen ne?
- Týyndy sóz degenimiz ne?
- Qosymshanyń qandaı túrleri bar?

II. Úı tapsyrmasyn tekserý kezeńi.
39 - jattyǵý
- Sýrettegi sportshylar kimder? (fýtbolshy, hokeıshi, basketbolshy)
Osy sózdermen sóılem qurap jazý. Sóz quramyn taldaý. Tapsyrmany ár topqa bólip, 2 oqýshydan suraımyn, týyndy sóz týraly alǵan bilimderin bekitý.
Fýtbolshy alańǵa shyqty. Hokeıshi shaıbany qaqpaǵa saldy. Basketbolshy dopty sebetke túsirdi.

III. Jańa materıaldy ıgerýge daıyndaý kezeńi.

2 - slaıd. Jumbaq sheshý.
Jylt - jylt etken, jylǵadan ótken. (sý)
Interaktıvti taqtada myna sózder kórsetiledi
Sý, sýat, sýshy, sýyq, sýly, sýsyn, sýlyq.
Sózderdi oqytý, ár sózdiń maǵynasyn ashý, sózderdiń túbiri men qosymshasyn ajyratý.
- Qandaı erekshelik baıqadyńdar?
- Barlyq sózdiń túbiri birdeı.
- Ondaı bolsa, qandaı qorytyndy jasaýǵa bolady?
- Bir túbirden birneshe týyndy sóz jasaýǵa bolady. 3, 4 oqýshy óz oılaryn aıtady.
İV. Jańa bilimdi ıgerý kezeńi.
- Olaı bolsa, taqtaǵa qarap erejeni hormen oqıyq. Bul sózder túbirles sózder dep atalady.

3 - slaıd. Ereje. Bir túbirden birneshe týyndy sóz jasala beredi. Ondaı sózderdi túbirles sózder dep ataıdy.
Sonymen búgingi sabaǵymyzdyń taqyryby: Túbirles sózder dep atalady.
Endi, balalar, dápterimizdi ashyp, kúnniń jadyn jazaıyq.

4 - slaıd. Oqýlyqpen jumys. 40 - jattyǵý
Berilgen ertegini oqý, kitap, kitapsha sózderiniń maǵynasyn ashý, uqsastyq pen aıyrmashylyǵyn aıtý. Ertegini qıaldaryna qaraı jalǵastyrý:

Syrtqy muqabasy jyrtylǵan kitap pen ishi - syrty syzylǵan kishkentaı kitapsha mektep kitaphanasynda kezdesti. Olardy keshe 3 - synyp oqýshylary Sábıt pen Nurlan ótkizgen bolatyn. Ekeýi bir - birine muńdaryn shaǵa bastady. Osy kezde kitaphanashynyń daýsy estildi...
1. Ereje
Bir túbirden órbigen sózder túbirles sózder dep atalady. Mysaly: kitap, kitapsha, kitaphana, kitaphanashy – túbirles sózder. Kitap degen bir túbirden birneshe týyndy sóz jasalyp tur.