InfoHub Logo

Ataqty ánshi Roza Rymbaevanyń uly, ánshi Álı Oqapov óziniń jeke ómirindegi tyń derektermen bólisti. Ol suhbattarynyń birinde ákesi qaıtys bolǵannan keıin otbasynyń basynan keshken qıyndyqtar men tegin nege úsh ret aýystyrýǵa májbúr bolǵanyn baıandady.

Bul týraly Infohub.kz aqparat agenttigi habarlaıdy.

Álı Oqapovtyń aıtýynsha, alǵashynda ol Oqapov tegimen dúnıege kelgen. Keıin belgili bir kezeńde Álı Tasqynuly esimin qoldanǵan.

Otbasylyq qıyndyqtar men tegin aýystyrý

Ánshiniń sózinshe, ákesi, belgili ánshi Tasqyn Oqapov ómirden ótkennen keıin otbasy óte kúrdeli kezeńdi bastan ótkergen. Sol ýaqytta anasy, Roza Rymbaeva, balalary Mádı men Álıdi qorǵaý maqsatynda olardyń tegin Rymbaev dep ózgertýge sheshim qabyldaǵan.

«Ákemiz qaıtys bolǵannan keıin ómirimizde kúrdeli jaǵdaılar boldy. Sol kezde anamyz bizdi qorǵaý úshin Mádı ekeýimizdiń de famılıamyzdy Rymbaev dep aýystyrdy. Ol qandaı jaǵdaı bolǵanyn aıtqym kelmeıdi. Ony jarıalaýǵa quqym joq», – dedi Álı Oqapov.

Eki bala, eki famılıa

Ýaqyt óte kele jaǵdaı turaqtalǵan soń, Álı Oqapov óziniń tegin qaıtadan Oqapovqa ózgertkenin aıtty. Al onyń baýyry Mádı Rymbaev sol Rymbaev famılıasynda qalyp qoıǵan. Osylaısha, eki baýyry eki túrli tanymal famılıany alyp júr.