InfoHub Logo

Ortańǵy «Qarlyǵash» tobynyń uıymdastyrylǵan oqý qyzmetiniń tehnologıalyq kartasy
Bilim berý salasy: Komýnıkasıa
Bólimi: Sóıleýdi damytý.
Taqyryby: Úı janýarlary
Maqsaty:
Bilimdilik: Balalardyń úı janýarlary men olardyń tólderin bildiretin sózderdi qoldana otyryp, janýarlar týraly aıtý biligin bekitý.
Damytýshylyq: Sóıleý barysynda janýarlar men olardyń tólderiniń ataýyn bildiretin zat esimderiniń jekeshe jáne kópshe túrlerin (úırek - úırekter - úırektiń balapany; túıe - túıeler - bota - botalar) qoldana bilý iskerligin damytý jáne olardy toptarǵa qaraı jiktelýin uǵyndyrýdy jalǵastyrý.
Tárbıelik: Janýarlarǵa qamqorshy bolýǵa tárbıeleý.
Sózdik jumys: úı janýarlary.
Qoldanylatyn kórneki quraldar: Sóıleýdi damytý dápteri, oıynǵa kóz baılaǵanǵa oramal, úı janýarlarynyń sýretteri.
Qostildilik komponent: Úı janýarlary - domashnıe jıvotnye.

Motıvasıalyq-qozǵaýshylyq
Shattyq sheńberi:
«Jyly sózder»
Sharty: balalar sheńber boıymen turyp, óz analarynyń erkeletetin sózderin aıtyp shyǵady.

Uıymdastyrýshy - lyq - izdenistik
Maqal - máteldiń maǵynasyn túsindirý.
Qarǵa balasyn «appaǵym» deıdi,
Kirpi balasyn «jumsaǵym» deıdi.
- Janýar da balasyn jaqsy kóredi, emirenedi. Al adamdar balalaryn erkeletip «kúnim», «altynym» degen sıaqty sózderdi aıtady.
Úı janýarlary jaıly túsindirý.
- Úı janýarlary – qolǵa úıretilgen janýarlardyń túrleri. Sondyqtan keıde bulardy qolǵa úıretilgen janýarlar dep ataıdy. Olar: sıyr, túıe, qoı, eshki, jylqy, esek, úı qoıany, qustardan taýyq, úırek, qaz, kúrketaýyq.
Dıdaktıkalyq oıyn: «Úı janýarlardyń tólderin tap!»
Oıyn sharty: jumys dápterdegi tapsyrmany oryndaý.
Jekeshe jáne kópshe túrde aıtýdy úıretý.
Taqtaǵa 1 túıe, 1 sıyr, 1 qoı, 1 jylqynyń sýretteri ilinedi.
Osy sýretterdiń janyna árqaısysy 2 - 3 túıe, sıyr, qoı jáne jylqynyń sýretteri ilinedi.

Sergitý sáti:
Al, balalar, kelińder,
Boı jazaıyq bárimiz –
Moınymyzdy buramyz,
Qolymyzdy sozamyz,
Aıaqtarmen top - top basyp,
Ornymyzǵa baramyz.

Qostildilik komponent: Úı janýarlary - domashnıe jıvotnye.
Jańyltpashty janylmaı aıtaıyq!
1. Aq taı aq pa?
Qara taı aq pa?
2. Qaı taı laqtaı,
Qaı laq barmaqtaı.
Oıyn: «Daýysynan tany»
Oıyn sharty: balalardy sheńber boıymen turǵyzyp, bir balanyń kózin baılaıdy. Kózi baılanǵan balanyń qasyna bir bala janýar dybysyn salady. Bala qandaı janýardyń daýysy jáne ony salǵan kim ekenin tabady.

Úı janýarlary júkteý