InfoHub Logo

Mal soıýǵa qatań tıym salynǵan shaq. Ol kezde ózi bas bolyp, Ishan bazardan qara qunajyn satyp alyp kelip, tórt úı birigip soıyp alady. Muny estigen jergilikti belsendi:

— Ishan men qara qunajynnyń terisin tez taýyp alyp kel, — dep kisi shaptyrady.

— Qonaǵym bar edi, solardy jóneltip, keshikpeı ózim bararmyn, — dep ýáde etip shyǵaryp salady.

Belsendi jumys aıaǵyna deıin kútedi, biraq Ishan joq. Ábden ashýlanady. Bir zamatta arqalanyp Ishan da keledi.

— Ishan-Ishan degenge ábden qutyrynyp boldyń-aý, — dep aıǵaıǵa basady, ashý qysqan belsendi, — nege kelmeısiz shaqyrtqan ýaqytta?

— Bastyq joldas, jibergen kisiń maǵan «mal soıǵan qylmystylardy taýyp, soıylǵan maldardyń terisin jınap ákel» dep túsindiredi. Soǵan bola qalany bir emes, úsh aınaldym. Iapyrmaı, myna halyqtyń tazasyn qaıtersiń, men soıǵan qara qunajyn men sen soıǵan qara qoıdyń terisinen ózge eshteńe bolsaıshy, — dep Ishan eki terini sholaq belsendiniń aldyna tastaı beredi. Óz qylmysy da áshkere bolǵan álgi belsendi únsiz qalypty.

 

---