InfoHub Logo

Қазақстандық кәсіпкерлер Тұрсын және Баян Алагузовтар өз қызметкерлеріне сыйлаған пәтерлерінің жаңа үй тойына қатысып, қуанышты сәттермен бөлісті. Бұл игі іс әлеуметтік желіде кеңінен талқыланып, көпшіліктің ыстық ықыласына бөленді.

Бұл туралы Infohub.kz ақпарат агенттігі хабарлайды.

Жаңа үйге қуаныш

Баян Алагузова өзінің Instagram парақшасында қызметкерлерінің жаңа үй тойынан үзінділер жариялады. Видеода салтанатты атмосфера, баспаналы болған бақытты отбасылар, балалар мен өз үйіне ие болған адамдардың қуанышы көрінеді.

«100 пәтер, 100 бақытты отбасы! Біз адамдарды одан әрі бақытты етуге тырысамыз», - деп жазды Баян Алагузова әлеуметтік желіде.

Қоғамдағы қызу талқылау

Алагузовтардың бұл игі ісі әлеуметтік желіде белсенді талқылануда. Желі қолданушылары бұл әрекетті бизнестің әлеуметтік жауапкершілігінің үлгісі деп атап, ірі кәсіпкердің өз қызметкерлерінің өмірін тікелей өзгертуі сирек кездесетін жағдай екенін айтты.

Пікірлердің бірінде: «Баян мен Тұрсын, қымбаттыларымыз, сіздер шынымен де асыл және ұлы іс жасадыңыздар! Алла Тағала сіздердің мейірімді жүректеріңіз, жомарттықтарыңыз бен халқыңызға деген сүйіспеншіліктеріңіз үшін мол сауаптан жазсын. Сіздер бүкіл Қазақстанға жарқын үлгі болдыңыздар. Адамның нағыз байлығы ақшада емес, адамгершілікте, рақымдылықта және мейірімділікте екенін алғашқылардың бірі болып көрсеттіңіздер. Сіздерге мың алғыс»,- деп жазылған.

Екінші пікірде: «150 отбасын өз пәтерлерімен бақытты ету – бұл жай ғана бизнес жетістігі емес. Бұл ойлау ауқымының, қоғам алдындағы жауапкершіліктің және үлкен жүректің белгісі. Осындай адамдардың іс-әрекеттерін көргенде, нағыз табыс тек ақшамен өлшенбейтінін, адамдардың өмірін жақсы жаққа өзгертуге қаншалықты үлес қосқаныңмен анықталатынын түсінесің»,- делінген.

Шараға журналист Динара Сәтжан да қатысты.

Бұған дейінгі игі істер

Естеріңізге сала кетейік, 2025 жылы Тұрсын Алагузов өз қызметкерлеріне 100 пәтер сыйлаған болатын. Ал 2026 жылы кәсіпкер бұл бастаманы жалғастырып, Шымкент сыра зауытының тағы 50 қызметкері өз баспанасының кілтін алды.