1 ناۋرىزدا ەلدىڭ بۇكىل اۋماعىندا ءبىرىڭعاي ۋاقىت بەلدەۋى ورناتىلادى
«قازاقستان رەسپۋبليكاسىنىڭ اۋماعىندا ۋاقىتتى ەسەپتەۋ ءتارتىبى تۋرالى» ۇكىمەت قاۋلىسىنا وزگەرىستەر ەنگىزىلگەن بولاتىن.
وزگەرىستەرگە سايكەس، 2024 جىلعى 1 ناۋرىزدا ساعات 00:00-دەن باستاپ ەلدىڭ بۇكىل اۋماعىندا ءبىرىڭعاي ۋاقىت بەلدەۋى ورناتىلادى، دەپ حابارلايدى ق ر ساۋدا جانە ينتەگراسيا مينيسترلىگىنىڭ باسپا ءسوز قىزمەتى.
وسىلايشا، قازاقستان رەسپۋبليكاسىنىڭ بۇكىل اۋماعىنا 5ء-شى ۋاقىت بەلدەۋى (UTC+5) قولدانىلادى.
«قازاقستان رەسپۋبليكاسىنىڭ اۋماعىنداعى ۋاقىتتى ەسەپتەۋ ءتارتىبى تۋرالى» قازاقستان رەسپۋبليكاسى ۇكىمەتىنىڭ 2000 جىلعى 23 قاراشاداعى N 1749 قاۋلىسىنا ەنگىزىلگەن وزگەرتۋلەرگە سايكەس، «استانا، الماتى قالالارىنىڭ اكىمدىكتەرى، شىمكەنت، اقمولا، الماتى، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان، شىعىس قازاقستان وبلىستارىندا جانە اباي، جەتىسۋ، ۇلىتاۋ وبلىستارىندا 2024 جىلعى 29 اقپاننان 1 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىتتى 1 ساعاتقا ارتقا قويۋ كەرەك.
بۇگىنگى تاڭدا قازاقستاندا UTC+5 جانە UTC+6 ەكى ۋاقىت بەلدەۋى بار. ەل اۋماعىنىڭ كوپ بولىگى (باتىس وبلىستاردى قوسپاعاندا) UTC+6 ايماعىندا ورنالاسقان.
ايتا كەتەيىك، قازاقستاندا ءبىرىڭعاي ۋاقىت بەلدەۋىن ورناتۋدى ۋاقىتتى ەسەپتەۋ ماسەلەلەرى جونىندەگى جۇمىس توبىنا كىرگەن قازاقستاندىق عالىمدار مەن ساراپشىلار ۇسىنعان.
جۇمىس توبى 2023 جىلدىڭ اقپانىندا قازاقستاندىقتاردىڭ ەڭ قولايلى ۋاقىت بەلدەۋىنە كوشۋ تۋرالى بىرنەشە مارتە كەلىپ تۇسكەن وتىنىشتەرىنە بايلانىستى قۇرىلعان. ونىڭ قۇرامىنا عىلىمي ينستيتۋتتاردىڭ، مەديسينالىق جوعارى وقۋ ورىندارىنىڭ، ورتالىق جانە جەرگىلىكتى مەملەكەتتىك ورگانداردىڭ وكىلدەرى، پارلامەنت دەپۋتاتتارى جانە ت. ب. كىردى.
وتكەن جىلدان باستاپ مەديسينا، فيزيولوگيا، گەوگرافيا، مەترولوگيا جانە باسقا دا ءتۇرلى سالالاردى قامتيتىن جۇمىس توبىنىڭ مۇشەلەرى قازاقستاندا قولايلى ۋاقىت بەلدەۋىن بەلگىلەۋ ماسەلەسىن زەرتتەپ كەلەدى.
جۇمىس توبىنا قاتىسۋشىلار UTC+5 ءبىرىڭعاي ۋاقىت بەلدەۋىنە كوشۋ ەڭ دۇرىس جانە وڭتايلى نۇسقاسى ەكەنىن جانە قازاقستاننىڭ كوپتەگەن ايماقتارى تابيعي ۋاقىتقا ەڭ جاقىن ۋاقىتتى پايدالاناتىن بولادى دەگەن ورتاق پىكىرگە كەلدى.
بۇل رەتتە جۇمىس توبى حالىقارالىق تاجىريبەنى سارالاپ، الەمنىڭ 175 ەلىندە ءبىرىڭعاي ۋاقىت بەلدەۋى قولدانىلسا، 22 مەملەكەت بىرنەشە ۋاقىت بەلدەۋىندە ەكەن.
سونداي-اق ساراپشىلار ءبىرىڭعاي ۋاقىت بەلدەۋىن بەلگىلەۋ ەلىمىزدىڭ ءار ءوڭىرىنىڭ تۇرعىندارى اراسىنداعى ۋاقىتشا كەدەرگىلەردى جويىپ، كولىك جانە باسقا دا كوممۋنيكاسيالاردى ۇيلەستىرۋدى جاقسارتىپ، بيزنەستى جۇرگىزۋگە، مەملەكەتتىك ورگانداردىڭ ءوزارا ءىس-قيمىلىنا وڭ اسەرىن تيگىزەتىنىن اتاپ ءوتتى.
قاۋلى رەسمي تۇردە جاريالانىپ، 2024 جىلعى 1 ناۋرىزدان باستاپ قولدانىسقا ەنگىزىلەدى.
You Might Also Like
-
«الەمنىڭ جەتى كەرەمەتى» دەگەن تىركەستى ءجيى ەستىسەك تە كوبىمىز ول كەرەمەتتەرگە نە جاتاتىنىن بىلە بەرمەيمىز. دەرەكتەرگە سۇيەنسەك، ادامزات سالعان ەرەكشە قۇرىلىس نىساندارىن توپتاستىرىپ، ولا...
-
جەر سىلكىنىسى كەزىندە قاۋىپسىزدىك شارالارىن ساقتاۋ وتە ماڭىزدى. مۇنداي جاعدايلاردا دۇرىس ارەكەت ەتۋ ءسىزدىڭ جانە ءسىزدىڭ وتباسىڭىزدىڭ اماندىعى ءۇشىن وتە ماڭىزدى بولىپ تابىلادى. مىنە، ءسىز جەر سىلكىنىسى كەزىندە قولدانۋعا بولاتىن بىرنەشە كەڭەستەر:
