InfoHub Logo

1 قىركۇيەك كۇنىمەن!
ماقساتى: 1 قىركۇيەك - ءبىلىم كۇنى مەرەكەسىنىڭ ماڭىزىن ءتۇسىندىرۋ، سەزىندىرۋ. مەرەكەگە ارنايى اندەر، تاقپاقتار ۇيرەتۋ.
اتا زاڭ كۇنى مەرەكەسىن اتاپ ءوتۋ. وتانشىلدىققا تاربيەلەۋ.
ساحنا مادەنيەتىنە باۋلۋ. كوڭىلدى ورتا قالىپتاستىرۋ.

قوڭىراۋ دىبىسى مەن بالالار كۇلكىسى ءۇنتاسپادا قويىلادى.
بالالار جۇگىرە شىعىپ ارنايى ورىندارىنا ورنالاسادى.
جەكە ءانشى بالا ورتادا ا. ەسپەنبەتوۆانىڭ «كۇمبىرلە، قوڭىراۋ» ءانىن ورىندايدى، باسقا بالالار بيلەيدى.
ورتاعا تاربيەشى جانە 2 جۇرگىزۋشى بالالار شىعادى:
1 - جۇرگىزۋشى: ءومىردىڭ بەيبىت باعى بۇل،
اسۋدان اسىپ اسقارلى
مىنەكەي بيىل تاعى ءبىر
جاڭا وقۋ جىلى باستالدى.
2 - جۇرگىزۋشى: ەرەكشە بۇگىنگى كۇن، سالتانات ءسان
تەربەتەر جۇرەكتەردى ءبىر اسەم ءان
شات - شادىمان بارشا ەل، بارشا حالىق
قۇلپىرىپ تۇر گۇلدەرمەن اينالا، ماڭ
تاربيەشى: مەرەكە، زور قۋانىش - ءبىلىم كۇنى
باۋرايدى قوڭىراۋدىڭ سىڭعىر ءۇنى
وڭ تالاپ، قۇتتى بولسىن قادامدارىڭ -
بالدىرعان، بالعىن جاندار - ءومىر گ ۇلى!
قىمباتتى بالالار، قۇرمەتتى اتا - انالار، بالاباقشا قىزمەتكەرلەرى!
ءبىلىم كۇنى مەرەكەسى................
بىرگە: قۇتتى بولسىن!
بالالار: الاقاي!
تاربيەشى: بيىكتەرگە باستايتىن اسقارالى
ءار جۇرەكتىڭ سۇيىكتى، اسقاق ءانى
مەرەكەدە ءبارىمىز ءبىر داۋىسپەن
شىرقايىق ەلىمىزدىڭ ءانۇرانىن!
ق ر مەملەكەتتىك ءانۇرانى
تاربيەشى: ءبىزدىڭ مەرەكەمىزگە بۇگىن سيقىرلى قىزىل كىلەم ۇستىمەن كوپتەگەن قوناقتار كەلەدى دەپ كۇتىلۋدە... انە، العاشقىلاردىڭ ءبىرى بولىپ،
بالاباقشامىزدىڭ مەڭگەرۋشىسى كۋلەتوۆا باقىتكۇل نازىك قىزى كەلە جاتىر، قول سوعىپ، قوشەمەتتەپ قارسى الايىق...
(ەكى جۇرگىزۋشى بالالار جۇگىرىپ مەڭگەرۋشىنىڭ الدىنان شىعىپ، بىرگە ءجۇرىپ كەلە جاتىپ، بىرنەشە سۇراقتار بەرە كەلەدى)
1 - جۇرگىزۋشى: ءدال وسى ساتتەگى كوڭىل - كۇيىڭىز قانداي؟
2 - جۇرگىزۋشى: ەڭ ءبىر ەستە قالعان ءبىلىم كۇنى مەرەكەڭىز تۋرالى اڭگىمەلەسەڭىز؟!
تاربيەشى: شايداي اشىق بەيبىت كۇننىڭ اسپانى
اۋلامىزدىڭ كەلىسىپ تۇر بار ءسانى
1 - قىركۇيەك - سالتاناتتى مەرەكەمەن
قۇتتىقتايدى مەڭگەرۋشى بارشانى!
باقىت نازىققىزىنا قۇرمەتتى ءسوز كەزەگىن ۇسىنامىز!
قۇتتىقتاۋ ءسوز

1 - جۇرگىزۋشى: كورىنبەس عاجاپ ەڭبەكتىڭ
بەينەتىن كەشىپ جۇرسىزدەر
2 - جۇرگىزۋشى: قۇتتىقتاپ بۇگىن مەرەكەمەن -
ايتامىز مىڭ العىس بىزدەر!
قىمباتتى اپايلار! «العىس گۇلىمىزدى» قابىل الىڭىزدار!
(ۇستاز تاقىرىبىنا مۋزىكا قويىلادى.
بالالار جان - جاقتان بارشا اپايلارعا گۇل شوعىن ۇسىنادى)
تاربيەشى: بالالار! مەرەكەنى بىزبەن بىرگە قارسى الۋعا ەرتەگىلەر ەلىنەن
ءبىر توپ دوستارىمىز كەلە جاتىر، قارسى الايىق!
(قىزىل كىلەم ۇستىمەن ءبىر توپ ەرتەگى كەيىپكەرلەرى ويناپ، كۇلىپ، بيلەپ كەلەدى)
- سالەم، سالەم بالالار!
- قايىرلى كۇن!
- مەرەكە قۇتتى بولسىن!
- ورتا ءان - جىرعا تولسىن!
- بۇگىن ءبىز سەندەرگە قوناققا كەلدىك، سەندەر قۋانىشتىسىڭدار ما؟
بالالار: ءيا!
- جو - جوق مەن سەنبەي تۇرمىن! شىنىمەن قۋانساڭدار قولدارىڭدى قاتتى كوتەرىپ «الاقاي!» دەپ ايقايلاڭدارشى!
بالالار: الاقاي! («تاعى دا، ودان دا قاتتى!» دەپ بارلىق بالالاردى قاتىستىرادى)
- ءبىزدىڭ كەلگەنىمىزگە قۋانعاندارىڭا ەندى سەندىم.
- بۇگىن مەرەكە عوي، نەگە بيلەمەي وتىرسىڭدار؟
- قانە، بيلەيىك! ماەسترو، مۋزىكا!
بي «اياقپەنەن توپ - توپ - توپ»
تاربيەشى: ورتامىزعا قوش كەلدىڭدەر............. (ءارقايسىسىنىڭ اتىن اتايدى)
بي بيلەپ كەرەمەت كوڭىلىمىز كوتەرىلىپ قالدى.....
- ءبىز كوپ - كوپ ويىندار دا بىلەمىز،
- سيقىر جاساي الامىز،
- كوڭىلدى جۇرگەندى ۇناتامىز!
- بۇگىنگى مەرەكەنى اسىعا كۇتتىك! كوپ دايىندالدىق!
- بالالار، سەندەر شە؟ مەرەكەگە دايىندالدىڭدار ما؟
تاربيەشى: بالالار مەرەكەگە ارنايى تاقپاقتار جاتتادى، ءان - بيلەر ۇيرەندى.
قانە، بالالار، كورسەتىڭدەرشى ونەرلەرىڭدى!....

بي «كوڭىلدى بي»

1 - بالا: كورابلدى باسقارىپ
كوك جۇزىنە سامعاتار
تاۋدى بۇزىپ، تاس جارىپ
مۇحيتتاردى جالعاتار
سىرلارى كوپ عىلىمنىڭ
شەشىلمەگەن ءالى دە
تەرەڭدىگى ءبىلىمنىڭ
كەرەك ەكەن بارىنە!

2 - بالا: باقىتتى بالعىن بالامىز،
ءوستى وي مەن سانامىز.
الەمدى تانىپ، وقىپ قانىپ
ءبىلىم ءنارىن الامىز.

3 - بالا: ءبىلىم - مەنىڭ ەرتەڭىم
ءوسۋ ءۇشىن وركەنىم
جۇزەم وقۋ - ايدىندا
جايىپ ءبىلىم جەلكەنىن
قيىندىقتان وتۋگە
ارماندارعا جەتۋگە
ءبىلىم الام ەرىنبەي
ەلىمە قىزمەت ەتۋگە!
(بالالاردىڭ ءارقايسىسى ايتىپ بولعاننان كەيىن ەرتەگى كەيىپكەرلەرى ريزاشىلىقتارىن ءبىلدىرىپ، سيقىر جاساعانداي قويىن - قونىشىنان، ءار جەرىنەن قولدان قاعازدان جاساعان گۇلدەر، پىشىندەر ت. ب. الىپ ۇسىنادى)
1 - جۇرگىزۋشى: كەلەسى كەزەكتە ءانشى دوستارىمىزدىڭ ورىنداۋىندا
«باقىتتى بالامىز» ءانىن تىڭداڭىزدار.
جەكە ءان «باقىتتى بالامىز»
تاربيەشى: بۇگىنگى كۇن توسىن سىيلار مەن عاجايىپتارعا تولى بولاتىن سياقتى. مەرەكەمىزگە تاعى ءبىر قوناعىمىز اسىعىپ كەلەدى.
(ۆەلوسيپەد مىنگەن جيھانكەز قاريا كەلەدى)
جيھانكەز: امانسىڭدار ما، بالالارىم! مەن قيىن زامانداردا
امەريكا اسىپ كەتكەن ەدىم. بۇگىندە الەمگە تانىلعان تاريحي وتانىم - قازاقستاندى ۆەلوكولىگىممەن ارالاپ شىعۋدى ماقسات ەتىپ قويدىم. قارياسى سىيلى، بالالارى باقىتتى گۇلدەنگەن ەلىمنىڭ قوس مەرەكەنى تويلاۋ قارساڭىنا تۋرا كەلگەنىمە قۋانىشتىمىن!
2 - جۇرگىزۋشى: نەلىكتەن قوس مەرەكە دەدىڭىز؟ بۇگىن ءبىلىم كۇنىنەن باسقا تاعى قانداي مەرەكە؟

قىزىلوردا قالاسىنداعى
№8 "ءبۇلدىرشىن" ساناتوريالىق بالاباقشاسىندا
مۋزىكا جەتەكشىسى بيبىگۇل جۇمابەكوۆا مۇسىرەپحان قىزى

تولىق نۇسقاسىن جۇكتەۋ