InfoHub Logo

ماقساتى اتا – بابامىزدان قالعان وشپەس مۇرا، قىمبات قازىناسى ماقال ماتەلدەر مەن جۇمباقتاردى دارىپتەۋ.
تاربيەلىگى: ماقال – ماتەلدەر مەن جۇمباقتاردى ۇيرەتە وتىرىپ، وتانسۇيگىشتىككە، ۇلتجاندىلىققا، تۇلعالى ازامات بولىپ وسۋگە تاربيەلەۋ

جوسپارى:
1) ويىندى اشۋ
2) قازىلارمەن تانىستىرۋ
3) ماقالشىلار سايىسى
4) كورەرمەندەر ويىنى
جۇمباقشىلار سايىسى
6) ماقالشى مەن جۇمباقشى سايىسى
ءان شاشۋ
8) قورىتىندى

ءمۇعالىم: ماقال - ماتەلدەر - تالاي زاماندار بويى قالىپتاسقان ۇرپاقتان - ۇرپاققا اۋىسىپ كەلە جاتقان اسىل قازىنا، اقىل وي دانالىعى مەن تاپقىرلىعى.
ماقال كەلەلى وي، كەڭ مازمۇندى جاساۋدىڭ تاماشا ۇلگىسى. حالىق تاپقىرلىعىمەن ايتقاندا «توقسان اۋىز ءسوزدىڭ توبىقتاي ءتۇيىنى، كەڭ بولساڭ، كەم بولمايسىڭ» ماتەل - ماقالداعىداي تىكەلەي كەسىپ ايتۋ تۇرىندە ايتىلادى. مۇندا تياناقتى وي ايتىلمايدى، ناقىل ءسوز تىزبەگىن قورىتىندىنى تۇجىرىمدى ىزدەپ تابۋ قاجەت.
مىسالى: «ايداعانى بەس ەشكى، ىسقىرىعى جەر جارار»
ءادىل قازى مۇشەسىمەن تانىستىرۋ
-----------------------------------
جۇرگىزۋشى: جانۇيامىز - ءسانىمىز،
وتباسىمىز - ءانىمىز
ءبىز باستايىق سايىستى
قوش كەلىپسىز ءبارىڭىز!
ءبىزدىڭ 1 ءبولىمىمىز 2 بولىمنەن تۇرادى. ءبىرىنشى اينالىمدا ماقالشى ءوزى دايىنداپ كەلگەن ماقالدارىن ايتادى. ماقالدى از ايتقان وقۋشى ويىنان شىعادى. ەكىنشى ءبولىمدى باستايمىز. مۇندا جۇرگىزۋشى ماقالدىڭ ءبىر جولىن ايتادى ويىنشى 2 جولىن جالعاستىرادى.

جۇرگىزۋشىنىڭ ماقالى:
1. انانىڭ كوڭىلى بالادا
بالانىڭ كوڭىلى دالادا

ءىى. ۇلدىڭ ۇياتى اكەگە
قىزدىڭ ۇياتى شەشەگە

3 انانىڭ ءسۇتى بال
بالانىڭ ءتىلى بال
4 قىنا تاسقا بىتەدى
ءبىلىم باسقا بىتەدى

5. كىسى ەلىندە سۇلتان بولعانشا
ءوز ەلىڭدە ۇلتان بول
6. وتانسىز ادام - ورمانسىز بۇلبۇل
7. ەل ءىشى - التىن بەسىك
8. ءادىل ءتىل - اقىل تارازىسى
9. قۇندى ءسوزدى - قۇيما قۇلاق تىڭداسىن
10. جاقسى جىگىت ەلىن تورگە سۇيرەر
جامان جىگىت ەلىن كورگە سۇيرەر

11. جالقاۋلىق - دەرت جاپسىرار
ەڭبەك جاندى اسىرار
12. ماقال اتاسى - ءسوز
ماتا اتاسى - ءبوز
13. ءسوزدىڭ كوركى - ماقال
ءجۇزدىڭ كوركى - ساقال
14. التاۋ الا بولسا اۋىزداعى كەتەدى
تورتەۋ تۇگەل بولسا توبەدەگى كەلەدى
15. مال قوراسىن ىزدەيدى
ەر تۋىسىن ىزدەيدى

كورەرمەندەرگە
جاقسى بايقاپ سويلەر
جامان شايقاپ سويلەر.
باس كەسپەك بولسا دا
ءتىل كەسپەك جوق

ءتىل تاس جارادى - تاس جارماسا باس جارادى
شەبەردىڭ قولى ورتاق، شەشەننىڭ ءتىلى ورتاق
ادام الاسى ىشىندە – مال الاسى سىرتىندا
كىسىدەگىنىڭ كىلتى اسپاندا

جۇمباقشىلار سايىسىن باستايمىز: بۇل سايىس 2 تاپسىرمادان تۇرادى. ءبىرىنشى جۇرگىزۋشى جۇمباق ايتادى ويىنشى جۇمباقتىڭ شەشۋىن تابادى. 2اينالىم دا وزدەرى دايىنداپ كەلگەن جۇمباقتارىن جاسىرادى. جەڭىمپاز 3 اينالىمعا وتەدى

1 جەڭىمپاز ويىنشىعا: جاۋراعاندا كۇلدىرەر
ءوز ەركىنە جىبەرسەڭ
دۇنيەنى بۇلدىرەر (وت)
الاسا عانا بويى بار،
توعىز قابات تونى بار
تونى شەشىلسە
ادامزاتى جىلاتار (جۋا)
اسقار تاۋ، قالىڭ ورمان
ونى كەيدە شوپتەي ورعان (شاش)
ۇزىن مۇرتى سارىلار، قويىنىندا نانى بار (بيداي)
ساقالى جوق، شاشى بار، بەت اۋىزى جوق، باسى بار.
بەلىن بەكەم بايلاعان، قوقىستى قويماي ايداعان (سىپىرتقى )
ءبىر ۇيگە كوزسىز بوپ باسىڭدى سۇعاسىڭ،
بۇل ۇيدەن كورەگەن بولىپ شىعاسىڭ (مەكتەپ)

كورەرمەندەر ويىنى:
ماعان دا، ساعان دا
جاقىن تۋىس - بەس ادام
ءۇش ارىپتەن تۇراتىن
وڭعا وقى، سولعا وقى
وزگەرمەيدى ەش ودان.
ءبارى دە ءوز جۇرتىڭ
ايتادى كانە كىم اتىن (اتا، انا، اپا، اعا، ءىنى)
بالاسىمىن دالانىڭ،
تۋعاننان داقسىز قارامىن.
مەزگىل كەلسە جۇرتتى جىلىتىپ
ادامزاتتى انگە سالدىرامىن (كومىر)
ءسوزى دانا، ءۇنى جوق، سويلەمەيدى ءتىلى جوق، قولىڭا الساڭ شەشەن
اقىلى اسقان كوسەم (كىتاپ)