Photo: Pixabay (https://www.pexels.com/@pixabay) / Pexels
116 جاستاعى كەيۋانا ۇزاق عۇمىرىنىڭ قۇپياسىن اقتى
ەلىمىزدەگى ەڭ قارت تۇرعىن، ۇلىتاۋ وبلىسىنىڭ تۋماسى تۇيمەگۇل تەمىربايەۆا 116 جاسقا تولدى. ءالى دە شيراق ءارى ەڭبەكقور كەيۋانا ۇزاق عۇمىرىنىڭ سىرىن ادال ەڭبەك پەن جاقسى نيەتتەن كورەدى.
بۇل تۋرالى Infohub.kz اقپارات اگەنتتىگى حابارلايدى.
ەڭبەكپەن وسكەن جان
تۇيمەگۇل اپاي ءومىر بويى جىلقى باققان. ءوزىنىڭ ايتۋىنشا، مال سوڭىنداعى اۋىر جۇمىستان ەشقاشان قاجىماعان. ونىڭ جارى ايازباي تەمىربايەۆ تا 95 جاسقا دەيىن ءومىر سۇرگەن. ال 116 جاسقا كەلگەن تۇيمەگۇل اجەي ءقازىر كوزاينەكسىز ينە ساباقتاپ، تىگىن تىگە الادى. قيمىلى دا ءالى شيراق.
"اۋىردىم" دەگەنىن ەستىمەدىك
تۇيمەگۇل اجەيدىڭ بالالارى انالارىنىڭ وسى كۇنگە دەيىن "اۋىردىم" دەپ شاعىنعانىن ەستىمەگەندەرىن ايتادى. ەس بىلگەننەن ەڭبەكپەن وسكەن جان، ءقازىر دە تىنىش وتىرمايدى. نەمەرەلەرىنىڭ قارسىلىعىنا قاراماستان، ءۇي شارۋاسىنا ارالاسىپ جۇرەدى.
كەلىنى راۋشان تەمىربايەۆا: "ول كىسى كوبىنەسە ۇيدە بولادى. بيىل سولاي بولدى. وعان دەيىن بارلىق شارۋاعا جاراپ تۇرعان. سىرتتىڭ شارۋاسىنا دا، ءىشتىڭ شارۋاسىنا دا. جاسى كەلدى عوي، قانشا دەگەنمەن. ءوزى وتىرادى، تەلەديدارىن كورىپ. بىزگە تاماق ىستەپ قويادى"، - دەيدى.
ەڭ قارت تۇرعىن رەتىندە رەسمي تىركەلگەن
تۇيمەگۇل تەمىربايەۆا قاڭتار ايىندا 116 جاسقا تولعان. ونىڭ ەلدەگى ەڭ قارت تۇرعىن ەكەنىن ەڭبەك جانە حالىقتى الەۋمەتتىك قورعاۋ مينيسترلىگى راستاعان. ءقازىر كەيۋانا قىزىلجار كەنتىندە كەنجە ۇلىنىڭ قولىندا تۇرادى. ونىڭ 4 بالاسىنان 15 نەمەرە، 25 شوبەرەسى بار.
-
Astana's Barys hockey club secured a decisive 8-4 victory over the Shanghai Dragons in a thrilling Kontinental Hockey League encounter.
-
Kazakhstan's oldest resident، Tuynegul Temirbaeva، celebrates her 116th birthday، attributing her long and active life to honest labor and a positive outlook.
