f.azh.kz
20 جىل بويى جاسىرىنعان قىلمىسكەر رەسەيدەن قازاقستانعا ەكستراديسيالاندى
20 جىل بويى ىزدەۋدە بولعان قىلمىسكەر رەسەيدەن قازاقستانعا ەكستراديسيالاندى. ول پاۆلوداردا توپ بولىپ قاراقشىلىق شابۋىل جاسادى دەگەن كۇدىككە ىلىنگەن.
بۇل تۋرالى Infohub.kz اقپارات اگەنتتىگى حابارلايدى.
تەرگەۋ نۇسقاسى بويىنشا، قىلمىس 2006 جىلى بولعان. سول كەزدە كۇدىكتى وزگە ازاماتتارمەن بىرگە قولىنا تۇسكەن زاتتاردى پايدالانىپ، پاۆلودار تۇرعىنىنا شابۋىل جاساپ، ونىڭ مۇلكىن ۇرلاعان.
قىلمىستىڭ باسقا قاتىسۋشىلارى سوت ۇكىمىن شىعارىپ، كولونيالارعا جىبەرىلگەنىمەن، بۇل ازامات ەلدەن قاشىپ كەتكەن. ول حالىقارالىق ىزدەۋگە جاريالاندى.
رەسەيدە ۇستالدى
«2025 جىلدىڭ قىركۇيەك ايىندا قىلمىسكەر رەسەي فەدەراسياسىنىڭ نوۆوسيبيرسك وبلىسى اۋماعىندا ۇستالدى. قازاقستان باس پروكۋراتۋراسىنىڭ ءوتىنىشى بويىنشا ول وتانىنا ەكستراديسيالاندى. قازىرگى ۋاقىتتا كۇدىكتى تەرگەۋ يزولياتورىنا توعىتىلدى»، — دەپ حابارلادى قاداعالاۋ ورگانى.
جازاسى قانداي بولادى؟
ەندى 20 جىل بۇرىنعى قاشقىنعا ناقتى جازا كەسىلۋى مۇمكىن. قازاقستان رەسپۋبليكاسى قىلمىستىق كودەكسىنە سايكەس، توپ بولىپ جاسالعان قاراقشىلىق شابۋىل ءۇشىن مۇلىكتى تاركىلەۋمەن قاتار، 10 جىلعا دەيىن باس بوستاندىعىنان ايىرۋ جازاسى قاراستىرىلعان.
-
پراۆووحرانيتەلنىە ورگانى كازاحستانا ي ۋكراينى ليكۆيديروۆالي مەجدۋنارودنۋيۋ گرۋپپۋ موشەننيكوۆ، دەيستۆوۆاۆشۋيۋ ۆ ودەسسە ي ناسەلەننۋيۋ نا گراجدان كازاحستانا.
-
بەلگىلى اكتريسا اسەل اسقار ءوزىنىڭ اۋرۋحانادا تۇسىرىلگەن ۆيدەوسىن جاريالاپ، كوپشىلىكتى بەي-جاي قالدىرمادى.
