InfoHub Logo

نازاربايەۆ ۋنيۆەرسيتەت جەتەكشىلىگى گونكونگ ستۋدەنتتەرىن گرانتپەن وقىتۋ مۇمكىندىگىن قاراستىرۋدا، ال 2020 جىلعا قاراي جوو-داعى شەتەلدىك ستۋدەنتتەر سانىن 20% دەيىن جەتكىزۋ جوسپارلانعان. 

بۇل تۋرالى گونكونگ پوليتەحنيكالىق ۋنيۆەرسيتەتىندە وتكەن «ءبىر بەلدەۋ - ءبىر جول» قولداۋ ىسىندە الەۋەتتى نىعايتۋعا جانە تالانتتاردى كومەك كورسەتۋگە باعىتتالعان كونفەرەنسيادا نازاربايەۆ ۋنيۆەرسيتەتتىڭ اكادەميالىق ىستەر بويىنشا ۆيسە-پروۆوستى لورەتتا و'دوننەلل ءمالىم ەتتى، دەپ قازاقپارات حابارلايدى.

«ءبىر بەلدەۋ - ءبىر جولدىڭ» نەگىزى ءبىلىم، جورامالداردى تەكسەرۋ جانە ءبىزدى بىرىكتىرەتىن ورتاق دۇنيەلەردى تابۋ. بيزنەس سالاسىندا، ينتەللەكتۋالدى جانە زەرتتەۋ سالاسىندا مۇمكىندىكتەر اشىلۋدا»، - دەگەن لورەتتا و'دوننەللدىڭ ءسوزىن كەلتىرەدى «South China Morning Post» (SCMP) باسىلىمى «قازاقستاندىق ۋنيۆەرسيتەت «ءبىر بەلدەۋ - ءبىر جول» اياسىندا گونكونگتىك ستۋدەنتتەرگە ستيپەنديالار ۇسىنۋى مۇمكىن» دەگەن ماقالاسىندا.

و'دوننەللدىڭ ايتۋىنشا، گونكونگ قازاقستاندىق ستۋدەنتتەرگە ستيپەنديالىق باعدارلامالار ۇسىنادى، سول سەبەپتى نازاربايەۆ ۋنيۆەرسيتەت تە گونكونگتىك ستۋدەنتتەرگە قاتىستى وسىنداي قادام جاساۋعا نيەتتى. ءبىراق، جوسپاردىڭ جاي-جاپسارى ءالى ناقتىلانعان جوق.

«و'دوننەلل ۋنيۆەرسيتەتتەگى 4 مىڭ ستۋدەنتتىڭ 14ء-ى عانا شەتەلدىك ەكەنىن ايتتى. 2020 جىلعا قاراي ۋنيۆەرسيتەت حالىقارالىق ستۋدەنتتەر سانىن جوو ستۋدەنتتەرىنىڭ 20% دەيىن جەتكىزۋدى جوسپارلاپ وتىر»، - دەپ اتاپ ءوتتى SCMP. باسىلىمنىڭ حابارلاۋىنشا، نازاربايەۆ ۋنيۆەرسيتەتتىڭ اكدەميالىق ىستەر بويىنشا ۆيسە-پروۆوستى گونكونگتى قازاقستاندىق ستۋدەنتتەردى تارتۋ ارقىلى پايدا تابۋعا شاقىردى. «بىزدە ادامي كاپيتال بار دەگەن ويدامىز جانە گونكونگ ۇكىمەتى دە مۇنى جاقسى بىلەدى»، - دەدى و'دوننەلل.

SCMP 2016 جىلدىڭ ماۋسىم ايىندا گونكونگ ءبىلىم بەرۋ بيۋروسىنىڭ «ءبىر بەلدەۋ - ءبىر جول» اۋقىمىنداعى ەلدەردەن كەلگەن 100 ستۋدەنتكە ءبىلىم گرانتىن ءبولۋ ءۇشىن 1 ميلليارد گونكونگ دوللارى بار قور قۇرۋ تۋرالى جوسپار قۇرعانىن ەسكە الدى. 

---