2024 جىل سۋ تاسقىنىنىڭ الدىن الا بولجامى
سۋ تاسۋى كەزەڭىنە ارنالعان الدىن الا گيدرولوگيالىق بولجامعا سايكەس 2024 جىلعى 1 اقپانداعى مالىمەتتەر بويىنشا مىناداي گيدرومەتەورولوگيالىق جاعدايلار قالىپتاستى.
قازاقستاننىڭ ورتالىق جانە باتىس بولىگىندەگى وزەن الاپتارىنداعى ىلعال قورىنىڭ كولەمى كوپجىلدىق ورتاشا ماندەردەن تومەن، رەسپۋبليكانىڭ سولتۇستىك بولىگىندە كوپجىلدىق ورتاشا ماندەردەن جوعارى.
جازىق جەرلەردە توپىراقتىڭ كۇزگى ىلعالدىلىعىنىڭ كورسەتكىشتەرى كوپجىلدىق ورتاشا ماندەردەن جوعارى.
وزەن الاپتارىنداعى قاردىڭ جينالۋ قورى اقپان جانە ناۋرىز ايلارىندا جالعاسادى.
قازاقستان رەسپۋبليكاسىنىڭ جازىق وزەندەرىندەگى كوكتەمگى سۋ تاسۋىنىڭ نەگىزگى كۇتىلەتىن كولەمى 2024 جىلدىڭ ناۋرىز ايىندا دايىندالادى، ونىمەن قوسا اپتا سايىنعى مالىمەتتەرمەن قامتاماسىز ەتىلەدى.
رەسپۋبليكانىڭ وڭتۇستىك-شىعىس بولىگىندەگى كەيبىر تاۋلى وزەندەر (ىلە الاتاۋىنىڭ وڭتۇستىك بەتكەيى جانە كەتمەن جوتاسىنىڭ سولتۇستىك بەتكەيى) الاپتارىن قوسپاعاندا، شىعىس، وڭتۇستىك-شىعىس جانە وڭتۇستىك بولىكتەرىنىڭ تاۋلى وزەندەرى الاپتارىندا ىلعالدانۋ كەزەڭىندە جاۋىن-شاشىن مولشەرى كوپجىلدىق ورتاشا ماندەرگە جاقىن جانە ودان جوعارى.
اقپان ايىندا اۋا تەمپەراتۋراسىنىڭ جوعارىلاۋى جانە قاتتى جاڭبىر جاۋعان جاعدايدا قازاقستاننىڭ وڭتۇستىگىندەگى، وڭتۇستىك-شىعىسىنداعى جانە شىعىسىنداعى تاۋلى وزەندەر بويىندا جوعارىدان ەرىگەن قار مەن جاڭبىر اسەرىنەن سۋ تاسقىنى بولۋى مۇمكىن.
قازىرگى ۋاقىتتا قاردىڭ جينالۋ پروسەسى جالعاسۋدا. تاۋلى ايماقتارداعى وزەندەردىڭ ۆەگەتاسيالىق كەزەڭىنىڭ نەگىزگى بولجامى 2024 جىلدىڭ ءساۋىر ايىنىڭ ءبىرىنشى ونكۇندىگىندە جاسالادى.
You Might Also Like
-
جەتىستىككە جەتۋ ءۇشىن سەن ءارقاشان ءوز كۇشىڭە سەنۋىڭ كەرەك. ارماندارىڭا جەتۋ جولىندا كەزدەسەتىن كەدەرگىلەر، تەك سەنىڭ مۇراتىڭا دەگەن سەنىمىڭدى بەكەمدەي تۇسەدى
