InfoHub Logo

2026 جىلى ءسان الەمىندە جاڭا ترەندتەر پايدا بولدى. ەندى كيىم تەك ادەمىلىك ءۇشىن ەمەس، وزىندىك ءمان-ماعىناسى بار بولۋى كەرەك. بۇل جىلدا سانگەرلەر جارقىن تۇستەر مەن ەركىن سيلۋەتتەردى ۇسىنادى. نەگە ءبىز ەندى مىنسىزدىككە ۇمتىلمايمىز جانە پوديۋمداعى ترەندتەردى استانا مەن الماتىنىڭ كوشەلەرىنە قالاي بەيىمدەۋگە بولادى؟

بۇل تۋرالى Infohub.kz اقپارات اگەنتتىگى حابارلايدى.

"يدەالدىق" ءداۋىرىنىڭ سوڭى

بۇرىن كيىمدى "ادەمى مە، جوق پا" دەپ باعالاساق، ءقازىر ونىڭ ءمانى ماڭىزدىراق. استانالىق ستيليست دارا ساتجاننىڭ ايتۋىنشا، ادامدار الەۋمەتتىك جەلىلەردەگى ءمىنسىز بەينەلەردەن شارشاعان.

"2026 جىلى ءسان سىرتقى ەستەتيكادان ىشكى مانگە اۋىسادى، ءبىراق ادەمىلىكتەن باس تارتپايدى. ادەمىلىك - ماقسات ەمەس، تەك وزىندىك پىكىر ءبىلدىرۋدىڭ ءبىر ءتۇرى. ەگەر بۇرىن بەينە "ۇنايدى/ۇنامايدى" دەڭگەيىندە باعالانسا، ءقازىر كيىم جەكە تۇلعانىڭ جالعاسى بولىپ تابىلادى"، - دەدى ول.

تۇستەردىڭ قايتا ورالۋى

2026 جىلى ءسان الەمىندە تۇستەر باستى ورىنعا شىعادى. ءستيليستتىڭ ايتۋىنشا، ۇزاق ۋاقىت بويى تىنىش تۇستەردەن كەيىن، ءسان ەموسيونالدىققا بەت بۇرادى.

"تۇستەر قايتادان باستى ورىنعا شىعىپ، بەينەنىڭ كوڭىل-كۇيىن قالىپتاستىرادى. ساقتىقپەن ۇيلەسكەن تۇستەردىڭ ورنىنا باتىل، قانىق دۋەتتەر مەن كوپ ءتۇستى كومپوزيسيالار كەلەدى"، - دەپ ءتۇسىندىردى ول.

فاكتۋرالار مەن ستيلدەردىڭ ارالاسۋى

دارانىڭ ايتۋىنشا، بۇگىنگى ساندە باتىلدىق تەك تۇستەرمەن عانا ەمەس، فاكتۋرالارمەن دە كورىنەدى. ديزاينەرلەر ءبىر تەكستۋرانىڭ ۇستەمدىگىنەن باس تارتىپ، ءارتۇرلى ماتەريالداردى ۇيلەستىرەدى.

"ديزاينەرلەر ءقازىر ءارتۇرلى ماتەريالداردى ۇيلەستىرۋدە: مەح، كرۋجيەۆو، بىلعارى جانە تريكوتاج بىر-بىرىمەن تاماشا ۇيلەسەدى. مۇنداي كونتراستتار ۆيزۋالدى قىزىقتى جانە ويلاستىرىلعان بەينەلەر جاسايدى"، - دەپ اتاپ ءوتتى ستيليست.

2026 جىلدىڭ must-have زاتتارى

جەكە ستيليست الينا توگيزبايەۆا 2026 جىلى نازار اۋدارۋعا تۇرارلىق بىرنەشە زاتتاردى اتادى. ولاردىڭ كەيبىرى جەكە ستيلگە ۇيلەسۋى مۇمكىن.

"گۋسارلىق جاكەت، شىعىس تۇيمەلەرى بار جاكەتتەر، جىڭىشكە جىبەك كويلەكتەر، barrel leg دجينسى جانە ورتا ۇزىندىقتاعى يۋبكالار - وسى زاتتار 2026 جىلدىڭ سانىندە ماڭىزدى ورىن الادى"، - دەپ ءبولىستى الينا.

اكسەسسۋارلار - جاڭا ورتالىق

2026 جىلى اكسەسسۋارلار بەينەنىڭ نەگىزگى ەلەمەنتىنە اينالادى. ولار بەينەنىڭ كوڭىل-كۇيىن قالىپتاستىرىپ، ونى تولىقتىرادى.

"اكسەسسۋارلار بەينەنى تولىقتىرىپ قانا قويماي، ونى قالىپتاستىرادى. ۇلكەن كوزىلدىرىكتەر، XXL سومكەلەر، مەح شارفتار مەن كەڭ بەلدىكتەر ترەندتە"، - دەدى ستيليست.