tengrinews.kz
3 ميلليارد تەڭگە ونلاين-كازينو ۇيىمداستىرۋشىسى گرۋزيادان قازاقستانعا جەتكىزىلدى
قازاقستاندا زاڭسىز ونلاين-كازينو ۇيىمداستىرۋشى دەپ كۇدىكتەلگەن ازامات گرۋزيادان ەكستراديسيالاندى. بۇل تۋرالى قارجى مونيتورينگى اگەنتتىگى حابارلادى.
Bingo37.pro سەرۆيسى ارقىلى مىڭنان استام قۇمار ويىندارىن ۇسىنعان بۇل قىلمىستىق توپ، ويىنشىلاردى Telegram جانە WhatsApp جەلىلەرىندەگى جارنامالار مەن اكسيالار ارقىلى تارتقان. جەڭىل اقشا تابۋعا بولاتىنداي اسەر قالدىرىپ، ويىنشىلار اقشا اۋدارعاننان كەيىن لوگين مەن پارول بەرىلگەن.
قارجىلىق الاياقتىق جانە دروپپەرلەر
اقشا قابىلداۋ جانە قارجىلىق اعىنداردى جاسىرۋ ءۇشىن ۇيىمداستىرۋشى گرۋزيا مەن تاجىكستان ازاماتتارىن، ياعني دروپپەرلەردى تارتقان. ولار قازاقستان اۋماعىنا ارنايى كەلىپ، بانك شوتتارى مەن نومىرلەرىن تىركەپ، كەيىن ۇيىمداستىرۋشىعا بەرىپ وتىرعان. وسىلايشا، تىركەلگەن شوتتار ارقىلى 3،1 ميلليارد تەڭگەدەن استام قارجى اينالىمدا بولعان.
حالىقارالىق ىزدەۋ جانە ۇستاۋ
2025 جىلدىڭ تامىز ايىندا رانتيك باحتيار وگلى حالىقارالىق ىزدەۋگە جاريالانىپ، وعان قاتىستى قاماۋعا الۋ تۋرالى بۇلتارتپاۋ شاراسى تاعايىندالعان. 2026 جىلدىڭ قاڭتار ايىندا ول گرۋزيادا ۇستالىپ، قازاقستانعا ەكستراديسيالاندى.
مۇلىكتى تاركىلەۋ
قىلمىستىق توپ مۇشەسىنىڭ مۇلكىن جاسىرۋ ماقساتىندا ءۇشىنشى تۇلعالاردىڭ اتىنا تىركەلگەن ەكى كولىگى – PORSCHE CAYENNE جانە LEXUS GX 460 – مەملەكەت كىرىسىنە تاركىلەندى. تەرگەۋ جالعاسۋدا.
-
ۆ اكتوبە زادەرجان سوترۋدنيك پروكۋراتۋرى. راسسلەدوۆانيە ۆەدەتسيا انتيكوررۋپسيوننوي سلۋجبوي.
-
An alleged organizer of an illegal online casino، suspected of processing over 3.1 billion tenge، has been extradited from Georgia to Kazakhstan.
