InfoHub Logo

تاربيە ساعات تاقىرىبى: «سەن ەلىمىزدىڭ اتا زاڭى – كونستيتۋسيا تۋرالى بىلەسىڭ بە؟»
تاربيە ساعات ماقساتى: ەلىمىزدىڭ اتا زاڭى جونىندە تۇسىنىكتى تەرەڭدەتۋ.
تاربيە ساعات مىندەتتەرى:
بىلىمدىلىك: وقۋشىلارعا كونستيتۋسيا ۇعىمى، تاراۋلارى، قابىلدانۋى، قازىرگى كەزدەگى قولدانىسى جونىندە تۇسىندىرە وتىرىپ، بۇگىنگى ومىرمەن بايلانىستىرا ءبىلىم بەرۋ.
دامىتۋشىلىق: ءتۇرلى سۇراقتار، سۋرەتتەر ارقىلى بالانى ويلانتا وتىرىپ، ولاردىڭ كوزقاراسىن تانىتۋعا مۇمكىندىك جاساۋ، سويلەۋ مادەنيەتىن جەتىلدىرۋ.
تاربيەلىك: وزىندىك كوزقاراسى بار ۇلتجاندى ازامات تاربيەلەۋ، وقۋشىلارعا پاتريوتتىق تاربيە بەرۋ.

تاربيە ساعات ءتۇرى: بايقاۋ-ساباق
كورنەكىلىكتەر:
مەملەكەتتىك رامىزدەر سۋرەتى، گازەت ماتەريالدارى

تاربيە ساعات بارىسى
ءى. ۇيىمداستىرۋ ءبولىمى
امانداسۋ، وقۋشىلاردىڭ ساباققا قاتىسىمىن تەكسەرۋ.
ءىى. وي قوزعاۋ
بالالار، مىنا ولەڭدى مۇقيات تىڭداپ وتىرىپ، وندا نە تۋرالى جىرلانعانىن ايتىڭىزدار.

اتا زاڭ
اتا زاڭىم،
التىن زاڭىم – ارداعىم،
ايالاعان ادامزاتتىڭ ارمانىن.
جول باستايدى بولاشاققا جاسامپاز،
ءاربىر باباڭ، تاراۋلارىڭ، تارماعىڭ.
التىن زاڭدا –
پاراساتىم، پايىمىم.
التىن زاڭدا -
كۇش – قۋاتىم، جالىنىم.
سەن قورعايسىڭ
بوستاندىق پەن قۇقىقتى،
انامدايسىڭ ەلجىرەگەن جانى كۇن.
(بالالاردىڭ جاۋابى تىڭدالادى)

ءىىى. كىم بىلەدى؟ 30 تامىز قانداي اتاۋلى مەرەكە؟ (كونستيتۋسيا كۇنى)
1 قىركۇيەكتىڭ ەرەكشەلىگى؟ (ءبىلىم كۇنى)
كونستيتۋسيا تۋرالى نە بىلەسىڭدەر؟

ءىV. جاڭا ساباق: «ساناعا ساپار»
قازاقستان رەسپۋبليكاسىنىڭ كونستيتۋسياسى – قازاقستاننىڭ اتا (نەگىزگى) زاڭى.
كونستيتۋسيا 1995 جىلى 30 تامىزدا بۇكىلحالىقتىق داۋىس بەرۋ ارقىلى قابىلداندى. قازاقستان حالقى مەملەكەتتىك بيلىكتىڭ قاينار كوزى – ءوزىنىڭ ەگەمەندىك قۇقىعىن باياندى ەتتى. اتا زاڭ قابىلدانعان كۇن 30 تامىز – مەملەكەتتىك مەرەكە – ق ر كونستيتۋسياسىنىڭ كۇنى دەپ جاريالاندى.
بۇل جاڭا كونستيتۋسيا قازاقستاننىڭ ءتورتىنشى اتا زاڭى.
(1937، 1978، 1993، 1995)
ونىڭ قۇرىلىمى كىرىسپەدەن، 9 بولىمنەن، 98 باپتان، كوپتەگەن تارماقتار مەن تارماقشالاردان تۇرادى.
كونستيتۋسيا – بارلىق زاڭ سالالارىنىڭ نەگىزى، ال ونىڭ نورمالارى – باسقا زاڭدار ءۇشىن باستى قاعيدا بولىپ ەسەپتەلەدى.
كونستيتۋسيا دەگەنىمىز – قوعامدىق جانە مەملەكەتتىك قۇرىلىس نەگىزدەرىن، مەملەكەتتىك ورگاندار جۇيەسىن، ولاردىڭ ءتۇزىلۋ رەتتىلىگى مەن قىزمەتىن، ازاماتتاردىڭ قۇقىقتارى مەن مىندەتتەرىن ايقىندايتىن مەملەكەتتىك زاڭ.

كونستيتۋسيانىڭ بىرنەشە باپتارىن تانىستىرۋ
1 – باپ
قازاقستان رەسپۋبليكاسى ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ورنىقتىرادى، ونىڭ ەڭ قىمبات قازىناسى – ادام جانە ادامنىڭ ءومىرى، قۇقىقتارى مەن بوستاندىقتارى.
7 – باپ
قازاقستان رەسپۋبليكاسىنداعى مەملەكەتتىك ءتىل – قازاق ءتىلى.
27 – باپ
1. نەكە مەن وتباسى، انا مەن اكە جانە بالا مەملەكەتتىڭ قورعاۋىندا بولادى.
2. بالالارىنا قامقورلىق جاساۋ جانە ولاردى تاربيەلەۋ – اتا-انانىڭ ەتەنە قۇقىعى ءارى مىندەتى.
3. كامەلەتكە تولعان ەڭبەككە قابىلەتتى بالالار جارامسىز اتا-اناسىنا قامقورلىق جاساۋعا مىندەتتى.
30-باپ
1. ازاماتتاردىڭ مەملەكەتتىك وقۋ ورىندارىندا تەگىن ورتا ءبىلىم الۋىنا كەپىلدىك بەرىلەدى. ورتا ءبىلىم الۋ مىندەتتى.

36 – باپ
قازاقستان رەسپۋبليكاسىن قورعاۋ –
ونىڭ ءاربىر ازاماتىنىڭ قاسيەتتى پارىزى جانە مىندەتى.

V. سۋرەتتەرمەن جۇمىس ( مەملەكەتتىك رامىزدەر تۋرالى وقۋشىلار ءبىلىمىن سارالاۋ)
Vءى. قورىتىندىلاۋ.
ق ر كونستيتۋسياسىنىڭ ەڭ جوعارعى زاڭدىق كۇشى بار. ءاربىر ازامات ءوزىنىڭ قۇقىقتارى مەن بوستاندىقتارىن قورعاۋ ءۇشىن كونستيتۋسيا، ونىڭ نورمالارىن پايدالانا الادى. سونىمەن، قر-نىڭ كونستيتۋسياسى – ەلدىڭ باستى ساياسي قۇقىقتىق قۇجاتى. زاڭعا باعىنۋ – ءتارتىپ، ال ءتارتىپ بار جەردە تاربيە، تياناقتىلىق سياقتى ادامعا ءتان قاسيەتتەر بار. سول قاسيەتتەر قوعام دامۋىنا نەگىز بولادى. ءوز وتانىن تانىپ، ءسۇيۋى، ونىڭ زاڭدارىنا باعىنۋى – بۇل ءار ادامنىڭ ازاماتتىق جاۋاپكەرشىلىگىن سەزىنۋى، ءوز ەلىنىڭ الدىنداعى ازاماتتىق بورىشىن ورىنداۋى.

كونستيتۋسيا كۇنىنە ارنالعان قۇتتىقتاۋ ءسوز

30 تامىز كونستيتۋسيا كۇنى - تاريحى، ماڭىزدىلىعى

كونستيتۋسيا كۇنىنە ارنالعان مەرەكەلىك سەناريي

قازاقستان رەسپۋبليكاسىنىڭ كونستيتۋسيا كۇنىنە ارنالعان بايانداما