tengrinews.kz
400-دەن استام وتباسى سولتۇستىك قازاقستانعا قونىس اۋداردى
بيىل ەلىمىزدىڭ ەڭبەككە شامادان تىس ارتىق ادامدارى بار وڭىرلەرىنەن، نەگىزىنەن تۇركىستان مەن الماتى وبلىستارىنان، سونداي-اق شىمكەنت جانە استانا قالالارىنان 400-دەن استام وتباسى سولتۇستىك قازاقستان وبلىسىنا قونىس اۋداردى.
بۇل تۋرالى Infohub.kz اقپارات اگەنتتىگى حابارلايدى.
كوشىپ كەلگەندەرگە جۇمىس ورنىمەن قاتار، باسپانا ساتىپ الۋعا ارنالعان ەكونوميكالىق ۇتقىرلىق سەرتيفيكاتى بەرىلەدى. بيىل بۇل سەرتيفيكاتتىڭ مولشەرى 7 ميلليون 28 مىڭ تەڭگەگە دەيىن ۇلعايتىلدى.
ماسەلەن، تالدىقورعاننان پەتروپاۆلعا قونىس اۋدارعان كورنيلوۆتار وتباسى مەملەكەتتىك قولداۋدى باسپانا الۋعا جۇمساعان. ولار سەرتيفيكات پەن يپوتەكانىڭ كومەگىمەن ءۇش بولمەلى پاتەر ساتىپ العان.
مەملەكەتتىك قولداۋ شارالارى
سولتۇستىك وڭىرلەرگە قونىس اۋداراتىن ازاماتتارعا مەملەكەت تاراپىنان ءبىرقاتار قولداۋ شارالارى قاراستىرىلعان. ونىڭ ىشىندە ءاربىر وتباسى مۇشەسىنە 70 اەك مولشەرىندە ءبىرجولعى تولەم بەرىلەدى. بيىل بۇل سوما 300 مىڭ تەڭگەدەن اسادى. سونداي-اق، باسپانا جالداۋ جانە كوممۋنالدىق قىزمەت اقىسىن وتەۋگە كومەك كورسەتىلەدى.
«2026 جىلدىڭ باسىنان باستاپ كۆوتاعا سايكەس، ەلىمىزدىڭ وڭتۇستىك وڭىرلەرىنەن 800 وتباسى، ياعني 2820 ادام، سونداي-اق 65 وتباسى قانداس كوشىپ كەلۋى ءتيىس. بۇگىنگى تاڭدا 401 وتباسى جانە 37 وتباسى قانداس كەلىپ ورنالاستى»، - دەدى سقو ەڭبەك موبيلدىلىك ورتالىعىنىڭ باسشىسى نۇرلان بيبۇلايەۆ.
وتكەن جىلى وبلىسقا ەكى مىڭنان استام ادام كوشىپ كەلگەن. سولتۇستىك وڭىرگە قونىس اۋدارعىسى كەلەتىندەردىڭ وتىنىمدەرى ءالى دە قابىلدانىپ جاتىر.
-
سلۋچاينايا ناحودكا پەرۆوكلاسسنيكا ۆو ۆرەميا شكولنوي ەكسكۋرسيي پريۆەلا ك وبنارۋجەنيۋ سەننوگو يستوريچەسكوگو ارتەفاكتا.
-
Families from labor-surplus regions are moving to North Kazakhstan، receiving aid for housing and employment.
