50 جاسقا اناعا ارنالعان تىلەكتەر قۇتتىقتاۋلار
ءبىر جاقسى ۇلگى كورىپ اركىم سىزدەن،
تەڭەيدى بەرەرى كوپ التىن كۇزگە.
ەلۋ جىل ەڭسەڭىزدى بيىك ۇستاپ،
ءجۇردىڭىز ەل الدىندا جارقىن جۇزبەن.
ەلۋ جاس — ەندى ءومىردىڭ باستالعانى،
جەتىڭىز تالاي شىڭعا، اسقارعا ءالى!
قوس جانار — قوس بالاڭىز امان بولسىن،
سول ەمەس پە انانىڭ باستى ارمانى!
*** *** *** ***
مىنەزىڭنىڭ ءمىنى جوق – مايدا قوڭىر،
ءبىر جىميساڭ كەتەدى جايناپ ءوڭىر.
ريزامىز پەيىلىڭە دارحان دالا،
ايىرماسىن شاتتىقتان قايران ءومىر.
مەيىرىمنىڭ نۇرى تۇنىپ جانارىڭا،
قارايسىڭ اكەمىزدىڭ جانارىنا.
بالالارىڭ باقىتقا بولەنەدى،
كوزىڭنەن كۇننىڭ نۇرى تامادى دا.
تورىڭنەن كۇن جوق قوناق تولاستاعان،
كۇي شالقىپ، وتاۋىڭدا جاراسقان ءان.
انانى قازاق – ءتاڭىر ساناپتى عوي،
وزىڭنەن بۇل فانيدە جان اسپاعان.
اناجان، ءتۇسىر كۇتكەن كەلىنىڭدى،
جوعالتپا ۇرپاعىڭا سەنىمىڭدى.
جۇرە بەر شاڭىراقتىڭ قۇتى بولىپ،
اسپانعا اتايىن مەن بورىگىمدى.
*** *** *** ***
ەلۋ جاسقا تولىپسىڭ انام بۇگىن،
تۇرلەندىرسىن اق تىلەك ءومىر گۇلىن.
قۇتتى بولسىن دۇنيەگە ەسىك اشىپ،
العاش رەت ءسابي بوپ كەلگەن كۇنىڭ.
ورىندالسىن، اناجان، باستى ارمانىڭ،
جالىنداتسىن نۇرىڭىز جاستار جانىن.
ۇلى تويعا ۇلاسسىن تۋعان كۇنىڭ،
جاقسىلىققا جايىلىپ داستارحانىڭ.
جەمىس بەرسىن تەر توككەن ەڭبەگىڭىز،
باقىت بولسىن ءاردايىم كورگەنىڭىز.
جۇزگە جەتىپ باياندى عۇمىر كەشىپ،
ارتا بەرسىن ابىروي بەدەلىڭىز.
*** *** *** ***
You Might Also Like
-
قازاق باتىرلارىنىڭ جەڭىسى ۇلتىمىزدىڭ جادىندا ماڭگى بولماق. سوعىسقا قاتىسۋشىلاردىڭ ەرلىگى ەش ۇمىتىلماس. سوعىس-اتاۋى قۇلاققا جاعىمسىز،استى قايعى-قاسىرەتكە تولى قارالى، ۇرەيلى ءسوز. وسى ايقاستا جاۋدى ج...
-
اسىل اكە، ارداعى ۇل-قىزىنىڭ، ءبارىن بولجاپ جۇرەتىن الداعىنىڭ. قامقورىمىز ءسىز كەلىپ 60 جاسقا، قۋانتىپ وتىرسىز عوي ءبىزدى بۇگىن.
