پرەسس-سلۋجبا مينيستەرستۆا وبورونى رك
500-دەن استام تەڭىز جاياۋ اسكەرى «ويماشا» پوليگونىندا تانك استىنان ءوتتى
«ويماشا» وقۋ-جاتتىعۋ پوليگونىندا «باتىس» وڭىرلىك قولباسشىلىعىنىڭ تەڭىز جاياۋ اسكەرى بريگاداسىنىڭ 542 جاس ساربازى جاس جاۋىنگەر كۋرسىنىڭ ماڭىزدى كەزەڭى – تانك استىنان ءوتۋ جانە كەدەرگىلەردەن ءوتۋ جاتتىعۋىن ورىندادى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
اسكەرگە جاڭادان كەلگەندەر اسكەري جارعىلاردى زەردەلەۋگە، ساپتىق جانە دەنە دايارلىعىن، قارۋ-جاراق پەن اسكەري تەحنيكانى پايدالانۋ داعدىلارىن مەڭگەرۋگە كىرىستى. تەوريالىق نەگىزدەردى وقىپ-بىلگەننەن كەيىن تەڭىز جاياۋ اسكەرلەرى تاكتيكالىق الاڭدا پراكتيكالىق تاپسىرمالاردى ورىنداۋعا كوشتى. جاۋىنگەرلىك جاعدايلارعا بارىنشا جاقىن ورتادا اسكەري قىزمەتشىلەر وكوپتاردى الىپ، جالعان وق-دارىلەرمەن اتىس جۇرگىزىپ، وقۋ جارىقشاقتارىن لاقتىرىپ، شارتتى جاۋعا قارسى تاكتيكالىق مانيەۆرلەردى بروندى تەحنيكانىڭ قولداۋىمەن ورىندادى.
جاس ساربازداردىڭ پسيحولوگيالىق دايىندىعىنا باسىمدىق بەرىلدى
«باستى نازار جاس ساربازداردىڭ شارتتى جاۋدىڭ تانك بولىمشەلەرىنە قارسى ءىس-قيمىل جاساۋعا دايىندىعىنا جانە جەكە قۇرامنىڭ پسيحولوگيالىق تۇراقتىلىعىن قالىپتاستىرۋعا باعىتتالدى. قويىلعان بارلىق ماقساتتار تولىقتاي ورىندالدى، جاۋىنگەرلەر تانك استىنان ءوتۋدى جانە كەدەرگىلەردەن ءوتۋدى ءساتتى اياقتادى»، - دەدى جاس تولىقتىرۋدى جيناقتاۋ باستىعى، پودپولكوۆنيك جەڭىس احمەتقالييەۆ.
ول سونداي-اق، تانك استىنان ءوتۋ – جاس تولىقتىرۋدى دايارلاۋدىڭ ماڭىزدى كەزەڭدەرىنىڭ ءبىرى ەكەنىن، بۇل جاۋىنگەرلەردىڭ توزىمدىلىگىن، سەنىمدىلىگىن جانە كۇردەلى جاعدايدا ارەكەت ەتۋگە دايىندىعىن قالىپتاستىرۋعا ىقپال ەتەتىنىن اتاپ ءوتتى.
جاس جاۋىنگەرلەردىڭ جاۋىنگەرلىك رۋحى
«تانك تىكەلەي وكوپتىڭ ۇستىنەن وتكەندە قاتتى تولقىنىس پەن ۇلكەن جاۋاپكەرشىلىكتى سەزىنەسىڭ. ءبىراق ءدال وسىنداي ساتتەردە سابىرلىلىق كەلەدى جانە جاۋىنگەرلىك تاجىريبە جيناقتايسىڭ. كومانديرلەر مەن جولداستاردىڭ قولداۋىنىڭ ارقاسىندا مەن قورقىنىشتى جەڭىپ، ءوز كۇشىمە دەگەن سەنىمدىلىككە يە بولدىم»، - دەپ ءوز اسەرىمەن ءبولىستى اقمولا وبلىسىنان شاقىرىلعان گۆارديا قاتارداعى جاۋىنگەرى نۇرلان بورامباي.
پراكتيكالىق ساباقتار جاس ساربازداردىڭ اسكەري قىزمەت جاعدايلارىنا مورالدىق-پسيحولوگيالىق بەيىمدەلۋىنە باعىتتالدى. جاس جاۋىنگەر كۋرسى اياقتالعاننان كەيىن، مامىردىڭ 23ء-ى كۇنى تەڭىز جاياۋ اسكەرلەرى انت قابىلدايدى.
-
ۆ ۆوستوچنوم كازاحستانە سوتني كيلومەتروۆ دوروگ ي تىسياچي دوروجنىح زناكوۆ پريشلي ۆ نەگودنوست، چتو ۆىزىۆاەت وبەسپوكوەننوست ۆوديتەلەي ي ترەبۋەت سروچنىح مەر.
-
Over 500 young Kazakh marines successfully completed a challenging training exercise، navigating under tanks and overcoming obstacles at the Oymasha training ground.
