Photo: Pixabay (https://www.pexels.com/@pixabay) / Pexels
66 ميلليون تەڭگەگە الداعاندار: جەكە ستوماتولوگيا ديرەكتورلارىنا الاياقتىق جاسادى دەگەن ايىپ تاعىلدى
جەكەمەنشىك ستوماتولوگيا كلينيكالارىنىڭ ديرەكتورلارى مەملەكەت قارجىسىن جىمقىردى دەگەن كۇدىككە ءىلىندى. قارجى مونيتورينگى اگەنتتىگىنىڭ مالىمەتىنشە، بۇل ءىس بويىنشا تەرگەۋ اياقتالدى.
بۇل تۋرالى Infohub.kz اقپارات اگەنتتىگى حابارلايدى.
قارجىنى قالاي جىمقىرعان؟
تەرگەۋ بارىسىندا جەكە كلينيكا ديرەكتورىنىڭ الەۋمەتتىك مەديسينالىق ساقتاندىرۋ قورىمەن جالپى سوماسى 450 ميلليون تەڭگەدەن اساتىن مەديسينالىق قىزمەتتەردى ساتىپ الۋ تۋرالى شارتتار جاساسقانى انىقتالدى. شارت بويىنشا، كلينيكالار ازاماتتارعا تەگىن ستوماتولوگيالىق كومەك كورسەتۋگە مىندەتتەلگەن.
جالعان اقپاراتپەن جاسالعان قىلمىس
الايدا، كۇدىكتى «دامۋمەد» مەديسينالىق اقپاراتتىق جۇيەسىنە كورسەتىلمەگەن ورتودونتيالىق قىزمەتتەر تۋرالى جالعان مالىمەتتەر ەنگىزگەن. بۇل ءۇشىن ول بۇرىن كلينيكاعا كومەككە كەلگەن ناۋقاستاردىڭ، سونىڭ ىشىندە كامەلەتكە تولماعانداردىڭ جەكە دەرەكتەرىن جانە دارىگەرلەردىڭ ەسەپ-شوتتارىن زاڭسىز پايدالانعان.
كەلتىرىلگەن شىعىن
ناتيجەسىندە، 4 597 راستالماعان ورتودونتيالىق قىزمەت كورسەتۋ فاكتىسى انىقتالدى. بۇل ارەكەتتەردەن كەلتىرىلگەن زالال كولەمى 66 ميلليون تەڭگەگە جەتكەن.
قابىلدانعان شارالار
قازىرگى تاڭدا كۇدىكتىنىڭ بانك شوتتارىنا 23 ميلليون تەڭگە، سونداي-اق قۇنى 29 ميلليون تەڭگە بولاتىن ستوماتولوگيالىق جابدىقتارعا تىيىم سالىندى. تەرگەۋ بارىسىندا 11 ميلليون تەڭگە كولەمىندەگى زالال وتەلدى. كۇدىكتىگە قاتىستى ءۇي قاماعىنا الۋ تۇرىندەگى بۇلتارتپاۋ شاراسى تاڭدالدى.
-
Telegram جەلىسىندە جات اعىمداعى توپ قۇرعان جاسوسپىرىمگە قاتىستى سوت ۇكىمى شىقتى.
-
يران پرەزيدەنتى ماسۋد پەزەشكيان كورشى ەلدەردىڭ باسشىلارىنا حات جولداپ، ايماقتاعى جاعدايعا الاڭداۋشىلىق ءبىلدىردى. ول اقش پەن ءيزرايدىڭ اسكەري ارەكەتتەرى يراندى قورعانىسقا ماجبۇرلەگەنىن ايتتى.
