8 ناۋرىزعا ارنالعان قۇتتىقتاۋلار، تىلەكتەر
قىمباتتى حانىمدار!
8-ناۋرىز مەرەكەسى قۇتتى بولسىن! بارشاڭىزعا اسىل ارمانداردىڭ ورىندالۋىن، جان جادىراتار قۋانىشتىڭ مول بولۋىن، وتباسى باقىتى مەن بەرەكەسى سارقىلماۋىن، دەنساۋلىقتىڭ مۇقالماۋىن تىلەيمىن!
*** *** *** ***
سىزدەردى 8 ناۋرىز — حالىقارالىق ايەلدەر كۇنىمەن شىن جۇرەكتەن قۇتتىقتايمىن! ايەل-انا — ءومىردىڭ وزەگى، تىرشىلىكتىڭ كۇرە تامىرى، ىستىق ىقىلاس پەن ىجداھاتتىڭ، پاكتىك پەن تازالىقتىڭ قاينارى. ەلىمىزدىڭ ءسان-سالتاناتى مەن ەلوردامىزدىڭ مەرەيىنىڭ ۇستەم بولۋىندا دا قاشاندا نازىك جانداردىڭ ەسەلى ەڭبەگى مەن قاجىرلى قايراتىنىڭ قارىمدى ۇلەسى جاتىر. ولاي بولسا، كوكتەمنىڭ وسىناۋ شۋاقتى مەرەكەسى كوڭىلدەرىڭىزدى نۇرعا، جۇرەكتەرىڭىزدى جىرعا بولەسىن.
*** *** *** ***
جاقسىلىقتىڭ نىشانىنداي، جانىڭ سۇيگەن ادامنىڭ جىپ-جىلى قۇشاعىنداي، ساف التىنداي تازالىعى مەن سۇلۋلىعىن بەرەتىن، جايما شۋاق ساۋلەلەرىن توگەتىن، كوڭىلدەرگە قۋانىشتار ەگەتىن، يماندىلىق پەن پاك قىزداردىڭ مىنەزىندەي يبالىلىق سەبەتىن كوگىلدىر كوكتەمنىڭ العاشقى مەرەكەسى، توي اتاۋلىنىڭ قىزىعى مەن بەرەكەسى — 8 ناۋرىز كەلدى ورتامىزعا!
وسى مەرەكەنىڭ يەلەرى، بار ادامزاتتىڭ تابىنارى مەن كيەلەرى، قۋانعاندا قاسىڭنان تابىلىپ، قينالعاندا سۇيەنەرى، مەيىرىمدىلىك پەن تىنىشتىقتىڭ جارشىلارى، ادامدىق پەن ادامشىلىقتىڭ ءموپ-مولدىر تامشىلارى، سۇيكىمدى قىلىعىمەن ساعىندىرعان، قاجەت دەسە اھ ۇرعىزىپ سابىلدىرعان، اسەم كوركىمەن، جۇرەگىنىڭ ورتىمەن نەبىر دانا مەن دانىشپانداردى تابىندىرعان، سۇيسە قۇلاي سۇيەتىن، ناقسۇيەرىنە جاناشىر بولىپ، بىرگە كۇيەتىن اياۋلى دا اسىل قىزدار، سۇيكىمدى كەلىنشەكتەر، مەرەكەلەرىڭىز قۇتتى بولسىن!
ءارقاشان وتباسىلارىڭىزدىڭ اجارى، جۇرگەن ورتالارىڭىزدىڭ بازارى بولىڭىزدار! پالە-جالا، جاماندىق اتاۋلى كەلمەسكە كەتسىن، اسىل دا تازا ماحاببات جۇرەكتەرىڭىزدەن ماڭگىلىك ورىن تەپسىن! سۇيىكتى جار، ارداقتى انا بولىڭىزدار، داۋلەت، بەرەكە، بايلىق اۋىلىنا قوڭسى قونىڭىزدار. سىزدەرگە دۇنيەدەگى بارلىق باقىتتى تىلەيمىز!
*** *** *** ***
قۇرمەتتى ارىپتەستەر!
سىزدەردى ارۋ كوكتەمنىڭ العاشقى مەرەكەسى 8 — ناۋرىز حالىقارالىق ايەلدەر كۇنىمەن شىن جۇرەكتەن قۇتتىقتايمىن. كوكتەمنىڭ گۇلىندەي قۇلپىرىپ، اسەمدىكتىڭ، ادەمىلىكتىڭ، ادەپتىلىكتىڭ يەسى بولىپ، باقىتتى دا باياندى ءومىر كەشىڭىزدەر. دەندەرىڭىزگە ساۋلىق، كوڭىلدەرىڭىزگە شاتتىق، وت باسىلارىڭىزعا قۇت-بەرەكە، اۋىزبىرلىك پەن تىنىشتىق تىلەيمىن.
*** *** *** ***
سۇيىكتى جارىم!
ءوزىڭدى كوگىلدىر كوكتەمنىڭ شۋاقتى مەرەكەسى — 8 ناۋرىز ايەلدەر كۇنىمەن قۇتتىقتايمىن. وسىناۋ جارقىن مەرەكە كۇنى ماڭگىلىك جاستىق الاۋىن، ادال ماحاببات جىلۋىن، شىنايى سۇيىسپەنشىلىك شۋاعىن تىلەيمىن.
ىزگى تىلەكپەن، جان جارىڭ……..
*** *** *** ***
قىزىم!
ارۋلار كۇنىنە ارنالعان جىلى لەبىزىمدى قابىل ال. تال بويىڭا اجارىنا اقىلى ساي، نازىك تە بيازى، كورىكتى دە كەلبەتتى قازاق قىزدارىنىڭ جان سۇلۋلىعىن تىلەيمىن. جانارىڭ ءاردايىم نۇر شاشىپ، ءجۇزىڭ كۇندەي كۇلىمدەپ، كوڭىلىڭ كوكتەمدەي كورىكتى بولسىن!
ىزگى تىلەكپەن، جان اكەڭ ………………!
*** *** *** ***
قۇرمەتتى اپا!
سىزگە 8 ناۋرىز ايەلدەر كۇنىمەن قۇتتىقتاۋىمدى جولدايمىن. ايەل بارلىق قيىندىقتى جەڭە بىلەتىن سارقىلمايتىن كۇش، تىرلىكتىڭ قاينار بۇلاعى. بارشا تۋعان-تۋىستارىڭىزدى جىلى جۇرەگىڭىزدىڭ مەيىرىمدىلىگى مەن ىستىق ىقىلاسىنا بولەي بەرىڭىز.
ىزگى تىلەكپەن، باۋىرىڭىز ...............
*** *** *** ***
شۇعىلالى كوكتەمنىڭ العاشقى مەرەكەسى — 8 ناۋرىز حالىقارالىق ايەلدەر كۇنى مەيرامىمەن شىن جۇرەكتەن قۇتتىقتايمىن. انا قۋانىشى، ايەل قۋانىشى — ءار ءۇيدىڭ، وتباسىنىڭ، وتاننىڭ مەرەيى. دەنىڭىزگە ساۋلىق، وتباسىڭىزعا بىرلىك-بەرەكە، كەنەن تابىس، قىزمەتتە ورلەۋ جانە ماحاببات پەن اسەمدىك تىلەي وتىرىپ، مىنا ولەڭ جولدارىن سىزدەرگە ارنايمىن:
گۇلدەي بولسىن ءومىرىڭىز،
نۇرعا تولسىن كوڭىلىڭىز.
بيىك بوپ جۇلدىزىڭىز
كوكتەمدەي قۇلپىرىڭىز.
باقىت قونسىن باسىڭىزعا
قولداپ ءجۇرسىن ءتاڭىرىڭىز!
*** *** *** ***
كوكتەم مەرەكەسى كوڭىلدەرىڭىزگە قۋانىش سىيلاپ، جۇزدەرىڭىزگە نۇر شاشسىن. ءارقاشان شاڭىراقتارىڭىزدىڭ بەرەكەسى بولىپ، ۇيىڭىزدەن جىلىلىق كەتپەسىن. سىزدەرگە زور دەنساۋلىق، مول باقىت، جانۇيالارىڭىزعا بەرەكە-بىرلىك تىلەيمىز!
*** *** *** ***
بار تىرشىلىكتىڭ تۇتقاسىن ۇستاپ تۇرعان انالار، مەيىرىمدى اجەلەر، ادەمى ارۋلار! سىزدەردى كوكتەمنىڭ شۋاقتى مەرەكەسىمەن قۇتتىقتايمىز! ءارقاشاندا شاڭىراقتارىڭىزدىڭ بەرەكەسى بولىپ، جۇزدەرىڭىزدەن نۇر شاشىپ جۇرە بەرىڭىزدەر. سىزدەرگە زور دەنساۋلىق پەن باياندى باقىت تىلەيمىز!
*** *** *** ***
8 ناۋرىز — حالىقارالىق ايەلدەر كۇنىمەن شىن جۇرەكتەن قۇتتىقتاي وتىرىپ، شىنايى كوڭىلدەن شىققان ەڭ ىزگى تىلەكتەرىمىزدى جولدايمىز. وسىناۋ جارقىن مەرەكەنىڭ ءبىزدىڭ بارلىق ۇمىتتەرىمىز بەن ارماندارىمىزدى تىعىز بايلانىستىراتىن كوكتەمنىڭ العاشقى ايىنىڭ باسىندا كەلۋى، جاقسىلىقتىڭ نىشانى بولسا كەرەك. قاشاننان بەرگى ءداستۇرىمىز بويىنشا ءبىز بۇل كۇنى سىزدەرگە — انالارىمىز بەن اپا-قارىنداستارىمىزعا، قىزدارىمىزعا ەڭ ىستىق قۇتتىقتاۋلارىمىز بەن ەڭ ىزگى تىلەكتەرىمىزدى جولدايمىز. سىزدەرگە شىنايى كوڭىلدەن زور دەنساۋلىق، باياندى باقىت، وتباسىلارىڭىزعا بەرەكە-بىرلىك، ەڭبەكتەرىڭىزگە تابىس تىلەيمىز!
*** *** *** ***
سىزدەردى حالىقارالىق ايەلدەر كۇنىمەن شىن جۇرەكتەن قۇتتىقتايمىن. وسى ءبىر تاماشا كوكتەم مەرەكەسى ايەلگە ءتان ادەمىلىك پەن نازىكتىكتىڭ ماڭگى بەلگىسى سياقتى. ءبىزدىڭ قازىرگى قوعامىمىزدا ايەل تەك وتباسىنىڭ بەرەكە-بىرلىگىن ويلايتىن تۇلعا عانا ەمەس، ول مەملەكەتتىڭ ومىرگە جانە ساياسي ماسەلەلەرگە بەلسەنە ارالاساتىن قوعام مۇشەسى. سوندىقتان ءبىزدىڭ ەلىمىزدە ايەل ادامنىڭ الەۋمەتتىك قورعالۋىنا، ولاردىڭ ءومىر ءسۇرۋ دەڭگەيىن ارتتىرۋعا ايرىقشا ماڭىز بەرىلەدى.
قىمباتتى حانىمدار! سىزدەردىڭ اتىڭىزعا ايتىلاتىن اق العىستار مەن جىلى سوزدەر ەشۋاقىتتا تولاستاماسىن. كوكتەمنىڭ باسىمەن كەلەتىن مەرەكەلىك كوڭىل-كۇي سىزدەردىڭ سەرگەكتىكتەرىڭىز بەن كۇش-جىگەرلەرىڭىزدىڭ قۋات كوزىنە اينالسىن. سىزدەرگە جانە وتباسىلىراڭىزعا ءارقاشان باقىت جانە ساتتىلىكتەر تىلەيمىن!
*** *** *** ***
جەر-دۇنيەنىڭ جاڭارۋىن، ونىڭ ءسانى مەن ءمانىن پاش ەتىپ كەلە جاتقان تاماشا كوكتەمنىڭ مەرەكەسى قارساڭىندا سىزدەرگە جانە وتباسىلارىڭىزعا مول بەرەكە، باقىت، شاتتىق، مىزعىماس دەنساۋلىق، بولاشاققا زور سەنىم، كوتەرىڭكى كوڭىل-كۇي تىلەيمىن. جىلدان-جىلعا تابيعاتتىڭ تاماشا مەرزىمى — كوكتەمدەي قۇلپىرىپ، جاسارا بەرىڭىزدەر!
*** *** *** ***
8 ناۋرىز — ەر ازاماتتاردىڭ نازارىنان تىس قالمايتىن مەرەكەلەردىڭ ءبىرى. وسى كۇندى اق شاشتى قاريادان باستاپ جاس جەتكىنشەكتەرگە دەيىن اسىعا كۇتەدى. بۇل كۇن — وتباسى بەرەكەسى مەن ۇيىتقىسى بولىپ تابىلاتىن ءبىزدىڭ انالارىمىز، جارىمىز، اپكەلەرىمىز بەن قىزدارىمىزعا جارقىن كوڭىل مەن جاقسىلىق تىلەيتىن كۇن. سىزدەر وزدەرىڭىزدىڭ ىزەتتىلىكتەرىڭىزبەن، سىپايلىقتارىڭىزبەن ءومىردى شۋاقتاندىرىپ، جاقىندارىڭىز بەن تۋىستارىڭىزعا جىلۋ سىيلايسىزدار.
الەمدە نارەستەگە ءومىر سىيلاپ، ونى العاشقى قادام باسۋعا ۇيرەتەتىن قاسيەتتەرىڭىزگە تەڭ كەلەر نارسە جوق. سىزدەردىڭ توزىمدىلىكتەرىڭىز بەن ماحابباتتارىڭىزعا العىسىمىز شەكسىز!
سىزدەرگە ساتتىلىك پەن شاتتىق كوڭىل سەرىك بولسىن. ەر ازاماتتاردىڭ سىيلاستىعى مەن قۇرمەتىنە بولەنە بەرىڭىزدەر.
كوكتەمگى مەرەكەلەرىڭىزبەن قۇتتىقتاي وتىرىپ، ءاردايىم ادەمى، جىلى جۇرەكتى انالىق ابىرويلى اتاقتارىڭىز بيىكتەي بەرسىن. زور دەنساۋلىق، ماڭگى جاستىق پەن سۇلۋلىق تىلەيمىن!
*** *** *** ***
قازاق ايەلى باعزىدان دالانى قورعاعان، ەرلەرمەن بىرگە ەرلىك جاساعان. قازاق ايەلى تەك قانا وشاق باسىنىڭ ەمەس، بۇكىل ءومىرىن، ۇرپاعىن ساقتاعان، ەرلىكتىڭ ۇلگىسىن كورسەتكەن. بەسىك تەربەيتىن، باتىردى وسىرەتىن، ۇلتىمىزدى ساقتايتىن، ەرتەڭگى ەرلەردى وسىرەتىن ايەل، كەلىن، انا.
اق جاۋلىقتى اپالارىمىز بەن انالارىمىزدىڭ، سىڭلىلەرىمىزدىڭ ءتول مەرەكەسى. وتان وتباسىنان باستالادى دەگەن ۇعىمعا سايكەس، ايەلدىڭ قوعامداعى ءرولى ەرەكشە. ويتكەنى وتباسىنىڭ قۇتى بولعان ايەل وتانعا دا ادال قىزمەت ەتەدى.
8- ناۋرىز حالىقارالىق ايەلدەر مەيرامىمەن شىن جۇرەكتەن قۇتتىقتاپ، ءارقاشان تولىسقان ايداي اجارلانىپ، كۇلىمدەگەن كۇندەي نۇرلانىپ، شاتتىق پەن قۋانىشقا بولەنىپ، بەرەكە-بىرلىكتىڭ باستاۋشىسى، يگى ىستەردىڭ قوستاۋشىسى بولىپ جۇرە بەرىڭىزدەر.
*** *** *** ***
ايەل زاتىنىڭ مىندەتى — سىرتتاي قاراعاندا «وتباسى، وشاق قاسى» سەكىلدى قاراپايىم كورىنگەنىمەن، ناقتىراق زەر سالساق، ءۇي ءىشىنىڭ شارۋاسى-كاسىبىمەن اينالىسىپ، بالا-شاعانى باعىپ-قاعۋ، ءوسىرۋ، اعايىن جۇرتتىڭ بەرەكە-بىرلىگىنە ۇيىتقۋ بولۋ سياقتى نەگىزىنەن ۇيەلمەننىڭ قۇت-بەرەكەسىن ارتتىراتىن ەڭ ءبىر ماڭىزدى ىستەر ايەلگە جۇكتەلىپ، ءار شاڭىراقتىڭ تۇرمىس-تىرشىلىگى، حال-احۋالى دا وسى ۇيدەگى اق جاۋلىقتى انالارىمىز بولىپ كەلەدى.
*** *** *** ***
جاقسى ءسوز — جارىم ىرىس دەمەكشى، قۋانىشتان جۇزدەرى بالبۇل جانعان اقجاۋلىقتى انالاردىڭ الدىندا بارشا ازامات ماڭگى قارىزدار ەكەنىنە توقتالىپ، شىن كوڭىلدەن قۇتتىقتايمىز.
انانى سىيلاعان، يماندىلىققا ۇيىعان حالقىمىزدا «انانىڭ سۇيگەن جەرى — وتقا كۇيمەيدى، وق تا تيمەيدى» دەگەن تامسىلگە ساي ولاردىڭ ءجۇزىن مۇڭ شالماۋى ءۇشىن بار جاقسىلىقتىڭ جالعاساتىنى انىق.
جەر بەتىندەگى جاقسىلىق اتاۋلى انالاردىڭ ۇلكەن جۇرەگىمەن ارلەنەدى دەسەك، جىلىنا ءبىر تويلاناتىن مەرەكەدە ولاردىڭ ەڭبەكتەرىن باعالاپ، سىي قۇرمەت كورسەتۋ پارىزىمىز.
*** *** *** ***
بۇل كۇن ىزگىلىكتىڭ، مەيىرىمدىلىكتىڭ، ادەمىلىكتىڭ نىشانى. سىزدەر ءومىردى نۇرلاندىرىپ، شاڭىراققا شاتتىق نۇرىن سەبەسىزدەر. سىزدەردىڭ قولداۋلارىڭىز اركىمنىڭ جۇرەگىندە سەنىمدىلىك ۇيالاتىپ، شۋاق سىيلايدى. وسى ايرىقشا قاسيەتتەرىڭىز ماڭگىلىك سالتانات قۇرىپ، ەلگە ىرىس-قۇت دارىسىن. سىزدەرگە زور دەنساۋلىق، باياندى باقىت، كوتەرىڭكى كوڭىل-كۇي تىلەيمىز!
*** *** *** ***
مىنە، 8 ناۋرىز — حالىقارالىق ايەلدەر مەرەكەسى دە كەلىپ جەتتى. مەيرام! ماعان باسقا مەيرامداردىڭ ءبارى وسى عاجايىپ مەيرامنان شاشىراعان ۇشقىندار عانا، وسى التىن مەيرامنىڭ كۇننەن شاشىراعان التىن ءجىپ تارىزدەس ساۋلەلەرى عانا سياقتى كورىنەدى. وسىنداي كەرەمەت مەيرام كۇنى بارلىق ايەلدەرگە زور دەنساۋلىق، باياندى ماحاببات، جانۇيالارىڭىزعا باقىت تىلەيمىن!
*** *** *** ***
— ەڭ كۇشتى نارسە نە؟ — دەسە،
— ايەلدىڭ ءامىرى! — دەر ەدىم.
— ايەلدەردىڭ بارلىعىن
— جەردەگى ءتاڭىرى! — دەر ەدىم.
ءوز باسىم ايەلدى وسىلاي دەپ باعالايمىن. ويتكەنى، ادامزاتتى جاراتاتىن — ايەل، ۇلتىن كوبەيتەتىن — ايەل، ۇرپاقتى ۇلاستىراتىن — ايەل، ەركەكتى ەر ەتەتىن — ايەل. ءبىر سوزبەن ايتقاندا، دۇنيەنىڭ تىرەگى — ايەل. ماحابباتتىڭ اسىل نۇرى — ايەل. ءومىر دەگەن التىن ساراي ەسىگىنىڭ كۇمىس كىلتى — ايەل ماحابباتى.
*** *** *** ***
8 ناۋرىز — ءبىزدىڭ جۇرەگىمىزدى شۋاققا بولەيتىن انانىڭ الاقانى سياقتى كوكتەمنىڭ العاشقى مەرەكەسى. تابيعاتتىڭ ويانۋى وسىناۋ شۋاقتى مەرەكەدەن باستاۋ الاتىنى تەگىن بولماسا كەرەك. ازاماتتىڭ ادەمى سىڭارىنا ارنالعان ارۋلارىمىزدىڭ جۇزدەرىنەن ادەمىلىكتىڭ نۇرى تايماسىن، ىشكى بايلىقتارى بەن جۇرەكتەرىنىڭ مارتتىگى سونبەسىن! بارشاڭىزعا كوكتەمنىڭ وسى كۇنگى مەرەكەسىندە ماحاببات، دەنساۋلىق، باقىت جانە اماندىق، تۋعان-تۋىستارىڭىزعا يگىلىك تىلەيمىز!
*** *** *** ***
كوكتەمگى كۇننىڭ كوزىڭدەي جىلى ءجۇزدى، تۇلا بويىنا سۇلۋلىق تۇنعان، ارقانىڭ اجارىنداي نۇرلى كەلبەتتى، قىزعالداقتاي الاۋلاعان ارۋلارىمىزدى كوكتەمنىڭ كۇلىم قاققان شۇعىلالى مەرەكەسى — 8 ناۋرىز مەيرامىمەن قۇتتىقتايمىز!
*** *** *** ***
تامىلجىعان كوكتەمنىڭ ارايلى شۋاققا تولى 8 ناۋرىزى دا كەلىپ جەتتى. وسىناۋ كوكتەم مەرەكەسى كۇنىمەن ارداقتى اپالار مەن اياۋلى قارىنداستارىمىزدى شىن جۇرەكتەن قۇتتىقتايمىز. دەندەرىڭىزگە ساۋلىق، وتباسىلارىڭىزعا ىرىستى بەرەكە، باياندى باقىت تىلەيمىن!
*** *** *** ***
كوكتەمنىڭ وسى ءبىر ەڭ جارقىن مەرەكەسى — 8 ناۋرىز حالىقارالىق ايەلدەر كۇنىمەن سىزدەردى شىن جۇرەكتەن قۇتتىقتايمىز! ايەلدەر، سىزدەر — ادامزاتتىڭ ەڭ ءبىر اسىل پەرزەنتتەرى عانا ەمەسسىزدەر، سونىمەن بىرگە تابيعات بويلارىڭىزعا اقىل مەن ءتوزىم، ىسكەرلىك تە دارىتقان ابزال دا ىزگى جانسىزدار! بارشاڭىزعا مول باقىت، ىستەرىڭىزدىڭ ءساتتى بولۋىن، قازاق ەلىندەگى بەيبىت پەن تىنىش ءومىردىڭ شىرقى بۇزىلماۋىن تىلەيمىز!
ءار شاڭىراقتىڭ ىرىسى ورتايماسىن، بالالارىڭىز بەن جاقىن-جۇراعاتتارىڭىزدىڭ بارلىعى دا امان-ساۋ، دەنساۋلىقتارى مىقتى بولىپ، سىزدەردىڭ ءارقايسىڭىزدىڭ جان-جۇرەكتەرىڭىزدەن ەرتەڭگى كۇنگە دەگەن سەنىم ماڭگىلىك اينىماسىن!
*** *** *** ***
قىمباتتى ايەلدەر!
8 ناۋرىز — حالىقارالىق ايەلدەر كۇنىنە بايلانىستى شىنايى قۇتتىقتاۋىمدى قابىل الىڭىزدار. ايەل ءارقاشان حالىقتىڭ ار-وجدانى، ىزگىلىكتىڭ، نازىكتىكتىڭ جانە جانە دارحان كوڭىلدىڭ كورىنىسى بولىپ كەلدى جانە بولىپ قالماق، بۇگىنگى مەرەكە ولارعا دەگەن شىنايى قۇرمەت بەلگىسى. ايەل ءوزىنىڭ تابيعاتىنان-اق كىشىپەيىلدىلىكتىڭ، جوعارى ادامگەرشىلىكتىڭ جانە مەيىرىمدىلىكتىڭ ايناسى. سوندىقتان، ول بۇكىل قوعامنىڭ ارقاۋى رەتىندە كەلىسىم مەن تۇراقتىلىقتىڭ نىعايۋىنا ىقپال ەتەدى.
*** *** *** ***
شىعىستا: «ايەل ءبىر قولىمەن بەسىكتى تەربەتسە، ەكىنشى قولىمەن الەمدى تەربەتەدى»، دەيدى. تاۋەلسىز ەلىمىزدىڭ ۇل-قىزدارىن تاربيەلەپ، ازاماتتارعا سەنىمدى تىرەك بولىپ، قوعام ىسىنە بىلەك سىبانا كىرىسىپ، قيىن قىستاۋ كەزدە دەمەۋ بولىپ جۇرگەندەرىڭىز ءۇشىن ايەل قاۋىمىنا العىس ايتامىن.
*** *** *** ***
كوكتەمدەگى 8 ناۋرىز — حالىقارالىق ايەلدەر مەرەكەسىمەن ءار شاڭىراقتى شاتتىققا بولەيتىن انالار مەن قىز-كەلىنشەكتەردىڭ قۋانىشىنا ورتاقپىز. «ەر ەلدىڭ يەسى، ايەل — ءۇيدىڭ كيەسى» دەگەندەي وتباسىنداعى بەرەكە-بىرلىككە، ومىردەگى اسەمدىك پەن نازىكتىككە جولباسشى بولا ءجۇرىپ، اينالاسىنا يناباتتىلىقتىڭ نۇرىن سەپكەن انالارىمىز بەن قىز-كەلىنشەكتەرىمىزدى شىن جۇرەكتەن قۇتتىقتايمىز.
*** *** *** ***
قۇرمەتتى ارۋلار!
سىزدەر ءبىر وتباسىن ەمەس، بۇكىل الەمدى ايالى الاقاندارىڭىزبەن تەربەتە الاتىن، ادامزات بالاسىنىڭ ارى، رۋحى، جىگەرىسىزدەر. تاۋەلسىز قازاقستانىمىزداعى بەيبىت تىرلىك پەن بىرلىكتىڭ، جارقىن بولاشاققا دەگەن سەنىمنىڭ، ىزگىلىك پەن مەيىرىمدىلىكتىڭ ۇيىتقىسى دا وزدەرىڭىز.
بۇگىنگى مەرەكەلەرىڭىزبەن تاعى دا ءبىر مارتە قۇتتىقتاي وتىرىپ، دەندەرىڭىزگە ساۋلىق، شاڭىراقتارىڭىزعا شاتتىق، ىرىس-قۇت تىلەيمىز. ءار تاڭدارىڭىز ارايلاپ اتىپ، كۇندەرىڭىز نۇرعا تولسىن!
*** *** *** ***
كوك جەلەكتى كوكتەممەن بىرگە قۋانىش سىيلاي كەلەتىن اياۋلى انالارىمىزدىڭ، اپكەلەرىمىزدىڭ، قارىنداستارىمىزدىڭ ءتول مەرەكەسى - 8 ناۋرىز
مەيرامىن ءبارىمىز اسىعا كۇتەمىز. ەر ازاماتتار بۇل كۇنى گۇل، سىيلىق دايىنداپ، اناسىنىڭ، قارىنداستارىنىڭ،سۇيىكتىسىنىڭ جۇرەگىنە قۋانىش سىيلاۋعا اسىعادى.
قۇرمەتتى قىز-كەلىنشەكتەر! سىزدەردى بۇگىنگى ءتول مەرەكەلەرىڭىزبەن شىن جۇرەكتەن قۇتتىقتاپ، دەنساۋلىق، سۇلۋلىق، باقىت، قۋانىش تىلەيمىن! ءارقاشان مىنا ومىرگە ءسان بەرىپ، جىلۋ تاراتىپ، مەيىرىم توگىپ، شۋاق شاشىپ تۇرعاندارىڭىز ءۇشىن سىزدەر قاشاندا وزدەرىڭىزدىڭ سىيلى، سۇيىكتى ءقادىرلى ەكەندەرىڭىزدى، سىزدەرسىز مىنا دۇنيە بوس ەكەنىن ۇمىتپاڭىزدار!
*** *** *** ***
جالعىز ءجۇرىپ جول تابام دەۋ دالباسا،
جىگىت بولساڭ جار تابۋعا قام جاسا!
ول بار جەردە سەن ءوزىڭدى زور سانا،
ول بار جەردە باسقا باقىت اڭساما!
— دەپ تۇمانباي اقىن جىرلاعانداي مىناۋ بۇگىنگى 8 ناۋرىز حالىقارالىق قىز-كەلىنشەكتەر مەرەكەسىنىڭ ۇيتقىسى ءقادىرلى ءبىزدىڭ گۇلدەرىمىز!
قۇستىڭ قوس قاناتى بار، ادامنىڭ ەكى جانارى بار. كۇن مەن ءتۇن بار، اي مەن كۇن بار. سىزدەرسىز جىگىت جۇرەگى — جەتىم. بۇگىنگى سىزدەردىڭ مەرەكەلەرىڭىز ءوز سىڭارىن ىزدەگەن «جەتىم» — جۇرەك جىگىتتەر باقىتىنىڭ باستاۋى بولسا ەكەن! مەرەكە سوڭى تويعا ۇلاسسىن!
*** *** *** ***
بۇگىن سىزدەردىڭ مەرەكەلەرىڭىز. ەر — ازاماتىڭىز سىزدەردى قانداي ەركەلىكتەرىڭىز بولسا دا كوتەرۋگە مىندەتتى. دەگەنمەن قىز-كەلىنشەكتەرگە ايتارىم: جۇرەكتەرىنىڭ ءبىزدىڭ جامان جاقتارىمىزدى ەمەس، تەك قانا جاقسى قاسيەتتەرىمىزدى ساقتاپ، قاشاندا ايداي سۇلۋ، كۇندەي جىلى جۇزدەرىڭىزدەن نۇر توگىلىپ، سۇيىكتى دە سۇيكىمدى بولىپ جۇرە بەرىڭىزدەر!
قارا جەرگە قار جاۋار،
قاردى كور دە ەتىم كور.
قار ۇستىنە قان تامار،
قاندى كور دە بەتىم كور.
— دەپ اقىلدى ارۋ ءاقجۇنىس اپامىز تاپ باسىپ ايتقان قازاقتىڭ اقمانار ءتاندى، اق مامىق مىنەزدى، قارلىعاش قاناتتى قاراكوز قىزدارىنىڭ باقىتتى بولۋى ءۇشىن، وتانىمىزدىڭ گ ۇلى، جۇرەگىمىزدىڭ جىرى، ەجەلگى زاماندا «قىپشاق ارۋى كىم؟» دەگەندە، «مىنە! دەپ الەم حالىقتارىنا ماقتانىشىمىزدى پاش ەتىپ كورسەتكەن سۇلۋلاردىڭ جالعاسى — ءقادىرلى قىزدار، سىزدەردىڭ وسىناۋ مەرەكەلەرىڭىز ءۇشىن وسىنداعى جىگىتتەر قولىنداعى قىمىزدىڭ ءبىر تامشىسىن قالدىرماي الىپ تاستايدى.
*** *** *** ***
اياۋلى انام مەنىڭ!
مەيىرىم مەن ماحابباتتان جارالعان كەڭ جۇرەگىڭىزدەن، قىزۋى تۇلا-بويىمىزدى جىلىتقان ىستىق الاقانىڭىزدان، «اينالايىن» دەپ ماڭدايىمىزدان ەمىرەنە ءسۇيىپ ەركەلەتكەن مەيىرىمدى ۇنىڭىزدەن ارتىق ءبىز ءۇشىن ەش نارسە دە جوق، ماما!..
ماماتايىم، ەزۋىڭىزدەن كۇلكى نىشانى كەتپەسىن، ءتىپتى كوزىڭىزدەن تامعان ءاربىر تامشى جاس قۋانىشپەن شاتتىقتان تامسىن! جۇزىڭىزدەن شۋاق كەتپەي ءبىزدىڭ ورتامىزدا كۇلىپ-ويناپ، شاتتىققا كەنەلىپ، باقىتقا بولەنىپ جۇرە بەرىڭىز، ماما!!!
مەرەكە قۇتتى بولسىن!
*** *** *** ***
You Might Also Like
-
اقشاھاردىڭ كەدەيى جولدان ءبىر قاتقان نان تاۋىپ الادى دا، ونى امالىن تاۋىپ جۇمساتىپ جەمەك بولادى. ءبىر ناۋايحانانىڭ الدىنا كەلەدى. تونارداعى ىستىق ناننىڭ جاعىمدى ءيىسى ونىڭ كەڭسىرىگىن جارادى، جاقىنداپ ...
-
ەرەكشە ءتوزىمدى كادىمگى قازاقتىڭ ۇلت انالارىنا دەگەن قۇرمەتىمدى ءبىلدىرىپ، قولىمىزدى جۇرەگىمىزدىڭ تۇسىنا قويىپ، ءيىلىپ ءتاجىم ەتەمىز. سابىر مەن توزىمنەن جارالعان ۇلت انالارى – اياۋلى اجەلەر، اسىل ...
