InfoHub Logo

9 سىنىپ فيزيكا ءپانى بويىنشا فاكۋلتاتيۆ
تۇسىنىك حات
بۇگىنگى تاڭدا وقۋشىلاردىڭ دۇنيەتانىمىن كەڭەيتۋ جانە ولاردى شىعارماشىلىق ءىس - ارەكەتكە باۋلۋ، سونىمەن قاتار ءوز بەتىنشە ىزدەنۋشىلىك قاسيەتتەرىن جەتىلدىرەتىن جۇمىستاردىڭ ءبىرى فاكۋلتاتيۆ جۇمىستارى بولىپ تابىلادى. فاكۋلتاتيۆ ساباقتار جۇرگىزۋ ارقىلى وقۋشىلاردىڭ دۇنيەتانىمىن، شىعارماشىلىق قابىلەتتەرى كەڭەيەدى.

فيزيكانى تەرەڭدەتىپ وقىتۋ 9 سىنىپتاردا فاكۋلتاتيۆتىك ساباقتار ارقىلى جۇزەگە اسىرىلادى. فاكۋلتاتيۆ ساباقتار وقۋشىلاردىڭ پانگە دەگەن قىزىعۋشىلىعىنا بايلانىستى جانە وقۋ پروگرامماسى بويىنشا جۇيەلى تۇردە بايلانىسىپ وتىرادى. وقۋشىلار ءۇشىن فاكۋلتاتيۆ ساباقتاردى ۇيىمداستىرۋ مەكتەپتىڭ ءبىرىڭعاي پرينسيپىنە قايشى كەلمەيدى، كەرىسىنشە، ول مەكتەپ الدىندا تۇرعان ءبىرقاتار ماڭىزدى مىندەتتەردى تابىستى شەشۋگە جاعداي جاسايدى. بۇل مىندەتتەردىڭ ىشىندەگى اسا ماڭىزدىلارىنىڭ ءبىرى - ديداكتيكانىڭ جەكە (دارالاپ) وقىتۋ پرينسيپىنە ساي كەلەدى. ياعني، ءاربىر وقۋشىنىڭ تابيعي قابىلەتىنە سايكەس اقىل - ويىن، قابىلەتىن دامىتۋعا باعىتتالعان جۇمىستار جۇرگىزىلىپ، عىلىم مەڭ تەحنيكانىڭ كازىرگى جەتىستىكتەرىن مەكتەپ بىلىمىندە تولىعىراق قامتۋعا، وقىتۋ ىسىندە وقۋشىلاردىڭ شىعارماشىلىق تاپسىرمانى ورىنداۋىنا كوبىرەك كوڭىل بولۋىنە، ءوز بەتىنشە ءبىلىم الۋعا دەگەن ىزدەنىستەرىنە مۇمكىندىك بەرەدى.
فاكۋلتاتيۆتىك وقۋ وقۋشىلاردىڭ ساباقتارى باستالعانعا دەيىن نەمەسە ساباقتان سوڭ بەكىتىلگەن كەستە بويىنشا جۇرگىزىلەدى. فاكۋلتاتيۆ ساباقتاردى وتكىزۋدە كەلەسى جاعدايلار ەسكەرىلەدى:
فاكۋلتاتيۆتىك ساباقتار ادەتتەگى ساباققا ۇقساماۋى ءتيىس؛
ۇلگەرمەۋشى وقۋشىلار ءۇشىن قوسىمشا ساباق، تۇرىنە اينالماۋى
ءتيىس؛
جوعارى وقۋ ورىندارىنا تۇسەتىن تالاپكەرلەردى دايارلايتىن
(رەپەتيتورلىق) ساباققا نەمەسە جوعارى وقۋ ورىندارى
تۇرىندەگى لەكسيا كۋرسىنا اينالماۋى ءتيىس؛
ۇيىرمە ساباقتارىنىڭ بەلگىلى ءبىر فورمالارىن كوشىرمەۋى ءتيىس.
ماقساتى: بەرىلگەن تاقىرىپتار بويىنشا فيزيكانىڭ زاڭدىلىقتارىن، ولاردىڭ اشىلۋ تاريحىن، كۇندەلىكتى تۇرمىستا قولدانىلۋىن، فيزيكانىڭ وندىرىسپەن، اۋىلشارۋاشىلىعىمەن، تەحنيكامەن، عارىشتى يگەرۋمەن بايلانىستىلىعىن اشىپ كورسەتۋ، ءپانارالىق بايلانىستى جۇزەگە اسىرا وتىرىپ، وقۋشىنىڭ شىعارماشىلىق قابىلەتىن دامىتۋ، جەكە تۇلعانى بىلىمدىلىككە، ىزدەنىمپازدىققا، تاپقىرلىققا ىنتالاندىرىپ، ءوز بەتىنشە جۇمىس ىستەۋ قابىلەتىن ارتتىرۋ.
فاكۋلتاتيۆتە ەسەپ شىعارۋ ساباعىن وتكىزۋدىڭ وزىندىك قيىندىقتارى بولادى. كەز كەلگەن تاقىرىپقا بايلانىستى كونكۋرستىق، وليمپيادالىق ەسەپتەردى تاڭداپ الۋعا بولادى. مۇنداي ەسەپتەردى شىعارۋ بارىسىندا ەسەپ مازمۇنى مەن ونى شىعارۋدىڭ مۇمكىن جولدارىن وقۋشىلارمەن بىرگە تالداۋ ولاردىڭ ەسەپتەردى ءوز بەتىنشە شىعارۋعا دەگەن داعدىسىن جەدەل دامىتۋعا، زەرتتەۋشىلىك قابىلەتى بار وقۋشىلاردى تابۋعا مۇمكىندىك بەرەدى. مۇنداي وقۋشىلار تەوريالىق ماتەريالداردى وقىپ - ۇيرەنۋ كەزىندە كوزگە تۇسپەسە دە، شىعارماشىلىق ەسەپتەردى شىعارۋ بارىسىندا جاڭا قىرىنان تانىلۋى مۇمكىن.
9 سىنىپ فيزيكا ءپانى بويىنشا فاكۋلتاتيۆ. جۇكتەۋ