InfoHub Logo

الەمدەگى كوپتەگەن ونەر تۋىندىلارى مەن ارحيتەكتۋرا جاۋھارلارى بىزگە بالا كەزىمىزدەن تانىس. ءبىراق ەگەر ولاردىڭ ءارقايسىن تولىق زەرتتەيتىن بولساق، ولار جايلى كوپتەگەن بەيمالىم جانە قۇپيا دەرەكتەر اشىلادى.

ەيفەل مۇناراسىنىڭ جوعارعى قاباتىنداعى پاتەر

^{© wikipedia   © realclear}

مۇنارانى قۇراستىرۋشى گۋستاۆ ەيفەل ونىڭ جوعارعى قاباتىندا وزىنە پاتەر سالىپ العان. ول ونى قوناقتاردى قابىلداۋ ءۇشىن جانە دەمالۋ ءۇشىن پايدالانعان. بىردە ول سوندا توماس ەديسونمەن ۇزاق اڭگىمەلەسكەن.

پاتەردە اس بولمەسى، جۋىنۋ بولمەسى، ەكى جاتىن بولمە، قوناق بولمەسى جانە ارينە، تەرەزەسىنەن تاماشا كورىنىس اشىلادى. قازىرگى ۋاقىتتا وندا ەيفەل مەن ەديسوننىڭ بالاۋىزدان ىستەلگەن فيگۋرالارى ورنالاسقان.

 

بوستاندىق ءمۇسىنىنىڭ اياعىنداعى ۇزىلگەن شىنجىر

^{© publicdomainpictures}

بوستاندىق ءمۇسىنىن امەريكاعا فرانسۋز ازاماتتارى توڭكەرىستىڭ ءجۇز جىلدىعىنا وراي سىيعا تارتقان. ول ەركىندىكتى، دەموكراتيانى جانە قۇلدىقتان تازارۋدى سيپاتتايدى. ءدال سول سەبەپتى ءمۇسىننىڭ اياعىندا ۇزىلگەن شىنجىر جاتىر. ول تۋريستەرگە كورىنە بەرمەيدى.

 

ايزەلۋورتتىق مونا ليزا

^{© wikimedia   © wikimedia}

«مونا ليزانى» كوپتەگەن سۋرەتشىلەر قايتا سالىپ كورگەنى بارىنە ءمالىم، ءبىراق عالىمدار دا ءۆينچيدىڭ وزىمەن سالىنعان تاعى ءبىر دجوكوندا بار دەگەندى ايتادى. جانە دە كەنەپ لۋۆردا ورنالاسقان سۋرەتتىڭ كوشىرمەسى ەمەس.

ءبىر قىزىعى، ەكىنشى سۋرەت 3D-ەففەكت ىستەي الاتىن قۇرىلىمعا يە. بالكىم، ونىڭ كيىمى مەن تابيعات كورىنىسىن باسقا سۋرەتشى نەمەسە بىرنەشە سۋرەتشى سالعان بولار. عالىمداردىڭ ايتۋىنشا بۇل دجوكوندانىڭ ودان دا ەرتەرەكتە سالىنعان سۋرەتى.

 

راشمور تاۋىنداعى ۋاقىت كاپسۋلاسى

^{© youtube   © wikimedia} 

ەسكەرتكىش تۇرعىزۋ كەزىندە ارحيتەكتور گۋتزون بورگلۋم زال حرونيك جارتاسىنىڭ ىشىندە قۇپيا بولمە سالعىسى كەلگەن. ول وندا بولاشاق ۇرپاققا امانات رەتىندە اقش-تىڭ تاريحىنا قاتىستى قۇجاتتار مەن دەرەكتەردى ورنالاستىرماق بولعان. ول ءۇشىن ول جارتاستاعى اۆراام لينكولننىڭ باسىنىڭ ارتىنا ۇڭگىر جاساعان. ءبىراق ۋاقىت وتە كەلە بورگلۋم قايتىس بولىپ، جۇمىس اياقتالماي قالعان.

1998 جىلى، ونىڭ ولىمىنەن كەيىن 50 جىلدان سوڭ ماڭىزدى قۇجاتتاردىڭ كوشىرمەسى مەن پرەزيدەنتتەردىڭ جازبالارى قۇرىلىسى بىتپەگەن بولمەگە ورنالاستىرىلدى جانە قازىردە ۋاقىت كاپسۋلاسىنا اينالدى.

 

ۇلكەن سفينكستىڭ باستاپقى ءتۇرى

^{© pius99/   © depositphotos   © cheops}

ۇلكەن سفينكس – الەمدەگى ەڭ كونە ءمۇسىن. باستاپقىدا ول اشىق بوياۋمەن بويالعان بولاتىن، ونىڭ كەيبىر بولشەكتەرى عانا ءبىزدىڭ زامانىمىزعا جەتتى. سونىمەن قاتار سفينكستىڭ مۇرنى مەن سالتاناتتى جاپسىرمالى ساقالى بولاتىن. ونىڭ بولشەكتەرىن بريتان جانە كاير مۇراجايلارىنان كورۋگە بولادى.

باستاپقىدا سفينكستە ارىستاننىڭ باسى بولعان دەگەن بولجام بار، ال ادامنىڭ باسى وعان كەيىنىرەك قاشالعان، سەبەبى الىپ دەنە مەن باسىنىڭ پروپورسياسى كەلىسپەيتىندىگى ايتىلادى.

 

پيزان مۇناراسىنىڭ قۇرىلىسى

^{© caasco}

قۇلاپ بارا جاتقان تانىمال مۇنارا كوپتەگەن قۇپياعا تولى. نەگىزىندە مۇنارانىڭ ءبىر جاققا قيسايىپ تۇرعانىن ءبارى بىلەدى. ءبىراق پيزا قالاسىنىڭ سوبورىنا ارنالعان شىركەۋ مۇناراسىن كىم تۇرعىزعانىن ەشكىم بىلمەيدى. ونىڭ ءبىر سەبەبى، مۇنارانىڭ 200 جىل بويى سالىنۋىندا. تاريحشىلار قۇرىلىسشى بوناننو پيزانو دەپ ەسەپتەپ كەلدى، الايدا قۇرىلىستىڭ نەگىزىن سالعان ديوتيسال بولۋ مۇمكىن ەكەنى قازىرگى تاڭدا ءجيى ايتىلادى. ول مۇنارانىڭ جانىنداعى باپتيستەرييدى جوبالاعان، ءارى بۇل مۇنارامەن ءبىر ستيلدە سالىنعان.

 

ۇلىبريتانيانىڭ ەڭ تانىمال كورنەكى ورنىنىڭ اتاۋى

^{© prima}

«بيگ بەن» اتاۋى مۇنارانىڭ وزىنە ەمەس، ىشىندەگى ۇلكەن قوڭىراۋعا تيەسىلى. 2012 جىلدىڭ قىركۇيەگىنە دەيىن قوڭىراۋحانانىڭ رەسمي اتاۋى «ۆەستمينيستەرلىك سارايدىڭ ساعات مۇناراسى» بولدى. قازىردە قوڭىراۋحانا رەسمي تۇردە «ەليزاۆەتا مۇناراسى» دەپ اتالادى.

بيگ بەن دەگەن اتاۋدىڭ نەدەن شىققانى كۇنى بۇگىنگە دەيىن بەلگىسىز. كەيبىرى قوڭىراۋدى قۇيۋمەن اينالىسقان «ۇلكەن بەن» دەگەن اتى بار ءىرى ادامنىڭ قۇرمەتىنە اتالعان دەيدى. ەكىنشى تۇجىرىم بويىنشا ەڭ ءىرى سالماقتاعى بوكس چەمپيونى بەندجامين كاۋنتتىڭ قۇرمەتىنە اتالعان.

 

«التىن قاقپا» كوپىرىنىڭ ءتۇسى

^{© flickriver}

«التىن قاقپا» كوپىرى – الەمدەگى ەڭ كوپ سۋرەتكە تۇسىرىلەتىن نىسان. ونىڭ قۇرىلىسى اقش-تىڭ تەڭىز اسكەري كۇشىمەن ۇزاق تالقىلاندى. قۇرىلىسقا كەلىسىم الىنعان سوڭ كوپىر تۇماندا دا كورىنىپ تۇرۋ ءۇشىن تەڭىز اسكەري كۇشى ونى قارا-سارى تۇسكە بوياۋدى ۇسىندى. ناتيجەسىندە كوپىردىڭ ارحيتەكتورى يرۆينگ مورروۋ كوپىردى قويۋ سارى تۇسكە بويايىق دەپ اسكەريلەردى كوندىرەدى. بۇل كوپىردى كەز كەلگەن اۋا رايىندا جانە ادەمى كورىنىپ تۇرۋىنا ىقپال ەتتى.

 

«ايقاي» سۋرەتىندەگى اسپان

^{© wikimedia}

ەدۆارد مۋنكتىڭ اڭىزعا اينالعان «ايقاي» كارتيناسىنىڭ باستاپقى اتاۋى «تابيعات ايقايى» بولعان. سۋرەتشى ءوز كۇندەلىگىندە بىلاي جازادى:

«... ءبىر كەزدە اسپان قان-قىزىل بولىپ كەتتى، مەن السىرەپ كىدىرىپ قالدىم، قاشاعا سۇيەنىپ، كوك-قارا فورد پەن قالانىڭ قان مەن الاۋ تىلدەرىنە قاراپ تۇردىم...»

2003 جىلى ءبىر توپ استرونومدار سۋرەتشىنى تاڭعالدىرعان اسپاننىڭ اشىق القىزىل تۇسكە بويالۋى 1883 جىلعى كراكاتاۋ ۆۋلكانىنىڭ اتقىلاۋىنان بولعان دەپ توپشىلادى. اتموسفەراعا كوپ مولشەردە جانارتاۋ ك ۇلى تاستالدى. سونىڭ اسەرىنەن كەلەسى بىرنەشە جىل بويى الەم بويىنشا قىپ-قىزىل، الاۋلى كۇن باتۋلار بايقالدى.

---