InfoHub Logo

الاياقتار ەندى مەملەكەتتىك پورتالداردىڭ اتىن جامىلىپ، ازاماتتاردىڭ اقشاسىن ۇرلاۋعا كوشتى. اباي وبلىسى پوليسيا دەپارتامەنتىنىڭ حابارلاۋىنشا، بۇل قىلمىستىق سحەما ەلەكتروندى ۇكىمەتتىڭ سەنىمدىلىگىن پايدالانادى.

بۇل تۋرالى Infohub.kz اقپارات اگەنتتىگى حابارلايدى.

الاياقتاردىڭ جاڭا ايلاسى قالاي جۇمىس ىستەيدى؟

ازاماتتاردىڭ ۇيالى تەلەفوندارىنا مەملەكەتتىك بايلانىس ورتالىعىنىڭ رەسمي نومىرىنەن حابارلاما كەلەدى. وندا ايىپپۇل سالىنعانى ايتىلىپ، ونى تەكسەرۋ نەمەسە تولەۋ ءۇشىن سىلتەمەگە ءوتۋ ۇسىنىلادى. الايدا، بۇل سىلتەمە eGov.kz پورتالىنا ۇقساس بولعانىمەن، شىن مانىندە جالعان سايتقا اپارادى. ءتىپتى، كەز كەلگەن كولىك ءنومىرىن نەمەسە ءجسن-دى ەنگىزگەندە دە، جۇيە جالعان ايىپپۇلدى كورسەتىپ، سەنىم تۋدىرادى. «تولەۋ» باتىرماسىن باسقان كەزدە، سايت بانك كارتاسىنىڭ تولىق دەرەكتەرىن سۇرايدى. وسىلايشا، الاياقتار اقشانى زاڭسىز ەسەپتەن شىعارا الادى.

الاياقتىقتىڭ باستى بەلگىسى

پوليسيانىڭ مالىمەتىنشە، ەگەر ءسىز قاتە دەرەكتەردى ەنگىزسەڭىز دە، جۇيە ايىپپۇلدىڭ بار ەكەنىن كورسەتسە، بۇل – الاياقتىقتىڭ بەلگىسى. بۇل – ازاماتتاردى شاتاستىرىپ، اقشانى تەز تولەۋگە يتەرمەلەۋگە باعىتتالعان پسيحولوگيالىق امال.

قازاقستاندىقتارعا ارنالعان ۇسىنىستار:

ەستەرىڭىزگە سالا كەتەيىك، بۇعان دەيىن دە پوليسيا جول ەرەجەسىن بۇزعانى ءۇشىن جالعان ايىپپۇلدار تۋرالى ەسكەرتكەن بولاتىن. سول كەزدە دە الاياقتار جەكە دەرەكتەر مەن كولىك ءنومىرىن پايدالانىپ، بانك شوتتارىنا قول جەتكىزۋگە تىرىسقان.