تۋرار كازانگاپوۆ
اباي وبلىسىنىڭ تۇرعىنى جۇرگىزۋشى كۋالىگىن اۋىستىرماق بولىپ، ءوزى تۋرالى توسىن فاكتىنى ءبىلىپ الدى
اباي وبلىسىنىڭ تۇرعىنى جۇرگىزۋشى كۋالىگىن اۋىستىرۋ ءۇشىن مەملەكەتتىك قىزمەت پورتالىنا كىرگەندە، ءوزىنىڭ پسيحياتريالىق ەسەپتە تۇرعانى تۋرالى توسىن اقپاراتتى كورەدى. بۇل جاعداي ونى سوتقا دەيىن جەتكىزدى.
بۇل تۋرالى Infohub.kz اقپارات اگەنتتىگى حابارلايدى.
سوتقا جۇگىنۋ سەبەبى
ازامات بۇدان كەيىن ەمحانا مەن وبلىستىق دەنساۋلىق ساقتاۋ باسقارماسىنا قاتىستى سوتقا شاعىم ءتۇسىردى. ول ءوزىنىڭ ەسەپكە الىنۋىن زاڭسىز دەپ تانىپ، پسيحيكالىق اۋرۋلاردىڭ ۇلتتىق تىزىلىمىنەن دەرەكتەرىن ءوشىرۋدى تالاپ ەتتى.
ەمحانانىڭ مويىنداۋى
ءىس قاراۋ بارىسىندا مەديسينالىق مەكەمەنىڭ كوميسسياسى اقپاراتتىڭ قاتە ەنگىزىلگەنىن مويىندادى. بەلگىلى بولعانداي، ازاماتتى تولىق مەديسينالىق كۋالاندىرۋسىز جانە بەلگىلەنگەن ءتارتىپتى بۇزا وتىرىپ، ەسەپكە قويعان.
مەديسينالىق مەكەمەنىڭ وكىلى ەر ادامنىڭ امبۋلاتورلىق كارتاسى ساقتاۋ مەرزىمى وتكەندىكتەن جويىلعانىن ايتتى. الايدا، جويۋ تۋرالى راستايتىن قۇجات سوتقا ۇسىنىلمادى.
دەنساۋلىق ساقتاۋ باسقارماسىنىڭ جاۋابى
دەنساۋلىق ساقتاۋ باسقارماسىنىڭ حابارلاۋىنشا، دەرەكتەردى جويۋ ءۇشىن ەر ادام دارىگەرلىك-كونسۋلتاسيالىق كوميسسيادان تاعى ءبىر كۋالاندىرۋدان ءوتۋى قاجەت.
سوت شەشىمى
اباي وبلىسىنىڭ مامانداندىرىلعان اۋدانارالىق اكىمشىلىك سوتى ءىس ماتەريالدارىن زەردەلەي كەلىپ، ازاماتتى ەسەپكە الۋدىڭ زاڭسىز بولعاندىعى تۋرالى قورىتىندىعا كەلدى.
سوت جاۋاپكەرلەردىڭ ازاماتتىڭ پسيحياتريالىق كومەككە جۇگىنگەنى، مەديسينالىق كۋالاندىرۋدان وتكەنى نەمەسە مەديسينالىق كومەك كورسەتۋگە كەلىسىم بەرگەنى تۋرالى دالەلدەردى كەلتىرە الماعانىن اتاپ ءوتتى.
سوت جۇرگىزۋشىنىڭ تالاپتارىن قاناعاتتاندىرىپ، ەمحانا مەن دەنساۋلىق ساقتاۋ باسقارماسىنا ونى پسيحيكالىق اۋرۋلاردىڭ ۇلتتىق تىزىلىمىنەن شىعارۋ مىندەتىن جۇكتەدى.
-
قارجى ۆيسە-مينيسترى ەرجان ءبىرجانوۆتىڭ ايتۋىنشا، سالىق ورگاندارى حابارلامالار جىبەرۋدى باستادى. تۇسىنىكتەمە بەرۋگە نەمەسە دەكلاراسيا تاپسىرۋعا 30 جۇمىس كۇنى بەرىلەدى.
-
A routine driver's license renewal in Kazakhstan led a man to discover an erroneous psychiatric record، prompting a legal battle to clear his name.
