InfoHub Logo

اباي اتاعا ارناۋ.
ولەڭىن ومىرىمە ۇلگى تۇتقان،
ءبىر جان بار ارتىق كورەر سان ۇلىقتان.
ولەڭمەن تاربيە مەن ءتالىم بەرگەن
ابايداي قازاعىمنان اقىن شىققان.
شىندىق دەگەن كورىنبەي شىمىلدىقتان،
بولعان تالاي زاماندار شىندى بۇققان.
سونداعى وتىرىكتىڭ كەزەڭىندە
ابايدىڭ ولەڭىنەن شىندىق ۇققان.
45 قارا ءسوزى جانە دە بار،
جان بولسا سول سوزدەردەن ءتالىم ۇعار.
ولەڭىندە جاقسىلىق ۇيرەتەدى
ايتار جانە جاماندى ورعا جىعار.
ەرمەك ءۇشىن جازباعان ۇلى اباي،
ولەڭدى، قارا ءسوزى تالاي - تالاي.
ارتىڭدا ىزگى اتىڭدى قالدىرۋعا
كەرەك ەمەس سالدىرىپ ءساندى ساراي.
اباي اتى ماڭگى ەسىمدە جۇرەدى،
مۇنى حالىق ولەڭىمنەن بىلەدى.
اباي جىرىن وقىعاندا بۇل بالاڭ
شابىت اتتى ارعىماققا مىنەدى.
ولەڭمەن اباي دەگەن ەگىز ۇعىم،
قاتە مە، دۇرىس پا الدە مەنىڭ مۇنىم.
جالعاندىق جوق مىسقالداي دا جۇرەكتە
شىن جۇرەكتەن جازىلعان مەنىڭ جىرىم.
بۇكىل الەم مويىندايتىن - دانا اباي،
اتى ماڭگى جويىلمايتىن - دانا اباي.
ولەڭىمدى اياقتادىم وسىمەن
جاتارسىزدار قايسى جاقسى سارالاي.