InfoHub Logo

تانىمال ءانشى مەرۋەرت تۇسىپبايەۆا ونەردەگى ارىپتەسى مايرا ىلياسوۆامەن اراداعى قارىم-قاتىناستىڭ نە سەبەپتى سۋىپ كەتكەنىن اشىق ايتتى. بۇل تۋرالى ءانشى «اڭگىمە بار» پودكاستىندا ءسوز قوزعاپ، وتكەن جاعدايعا قاتىستى ءوز ويىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

تۇسىنبەۋشىلىكتەر مەن پرينسيپتەر

مەرۋەرت تۇسىپبايەۆانىڭ ايتۋىنشا، ولاردىڭ اراسىندا تۇسىنبەۋشىلىك تۋىنداعان. سول كەزدە ءانشى ءوز ۇستانىمىنان تايماي، ماسەلەنى سوڭىنا دەيىن جەتكىزگىسى كەلگەن.

«مەن دە پرينسيپكە تۇرىپ الدىم. نەگىزى مايرا اپاي جۇمساق كىسى. ءبىراق مەن باستاسام، اياعىنا دەيىن جەتكىزبەي قويمايمىن. ءسوزدىڭ ەمەس، ءىستىڭ ادامىمىن. ءبىر جاعىنان، گەشتالتتى جاپقىم كەلدى»، — دەدى مەرۋەرت تۇسىپبايەۆا.

«جەكسۇرىن بولىپ كورىنگەن شىعارمىن»

ءانشى كەيبىر ارەكەتتەرى سىرت كوزگە دورەكى كورىنۋى مۇمكىن ەكەنىن دە جاسىرمادى. ول ءوزىنىڭ سول كەزدەگى مىنەز-قۇلقىن ءتۇسىندىرىپ ءوتتى.

«مۇمكىن، سول كەزدە جەكسۇرىن بولىپ كورىنگەن شىعارمىن. ءبىراق مەنىڭ ماقساتىم باسقا ەدى»، — دەدى ول.

كەشىرىم سۇراۋ

تۇسىپبايەۆا بۇل پودكاستتى پايدالانىپ، ارىپتەسىنەن كەشىرىم سۇراعىسى كەلەتىنىن اتاپ ءوتتى. ءومىردىڭ قىسقا ەكەنىن ەسكەرىپ، جاسى ۇلكەن اعا-اپكەلەرگە دەگەن قۇرمەتىن ءبىلدىردى.

«ءومىر قىسقا عوي. ول كىسىنىڭ جاسى ۇلكەن. مەن وسى پودكاست ارقىلى مايرا اپايدان كەشىرىم سۇراعىم كەلەدى»، — دەدى ءانشى.

داۋدىڭ سەبەبى

ونىڭ سوزىنشە، داۋ-دامايدىڭ باستى سەبەبى – حالىقتان جينالعان قاراجاتتىڭ ەسەبىنە قاتىستى سۇراق بولعان. الايدا بۇل ماسەلە دۇرىس تۇسىنىلمەي قالعان كورىنەدى.

«مەن تەك جينالعان اقشانىڭ ەسەبىن سۇرادىم. ءبىراق ول كىسى ونى باسقاشا قابىلداپ قالعان سياقتى»، — دەپ ءتۇسىندىردى ول.

ءانشى قازىرگى تاڭدا بۇل جاعدايعا سابىرمەن قاراپ، وتكەنگە وكپە ساقتامايتىنىن جەتكىزدى.