InfoHub Logo

ساباقتىڭ تاقىرىبى: اعاشتى كوركەمدەپ وڭدەۋ تەحنولوگياسى. اعاش بەتىنە ويۋ - ورنەك ءتۇسىرۋ.

ساباقتىڭ ماقساتى: وقۋشىلارعا اعاشتى كوركەمدەپ ويۋ تاسىلدەرىن مەڭگەرتۋ.
بىلىمدىلىگى: اعاشتى كوركەمدەپ وڭدەۋ تەحنولوگياسىن مەڭگەرۋ، تاقتاي بەتىنە ورنەك ءتۇسىرۋدى ۇيرەنۋ.
دامىتۋشىلىعى: وقۋشىلاردىڭ قاۋىپسىزدىك ەرەجەسىن ءتيىمدى پايدالانۋ ارقىلى پىشاقپەن جۇمىس جاساۋ قابىلەتىن دامىتۋ.
تاربيەلىلىگى: وقۋشىلاردى شەبەرلىككە، ۇقىپتىلىققا، ىسكەرلىككە تاربيەلەۋ.
ساباقتىڭ ءتۇرى: ارالاس.
ساباقتىڭ ءادىسى: بايانداۋ، ساراماندىق.
ساباقتىڭ كورنەكىلىگى: پروەكتور، سلايدتار، اعاشتان جاسالعان بۇيىمدار، پلاكات، وقۋلىق، ويۋ - ورنەك تۇرلەرى.
ءپانارالىق بايلانىس: تاريح، بيولوگيا، سىزۋ، سۋرەت.

ساباقتىڭ بارىسى:
ءى. ۇيىمداستىرۋ كەزەڭى.
كلاسقا كىرۋ، وقۋشىلارمەن سالەمدەسۋ، ساباققا دايىندىقتارىن تەكسەرۋ، كەزەكشى ارقىلى وقۋشىلاردى تۇگەندەۋ.

ءىى. وتكەن ماتەريالداردى قايتالاۋ.
ا) اعاشتىڭ قانداي تۇرلەرىن بىلەسىڭدەر؟
ءا) اعاش وڭدەۋ قۇرالدارىن اتاپ شىعىڭدار.
ب) اعاشتان بۇيىمدار جاسايتىن ادامدى قالاي اتايدى؟
ۆ) ويۋ - ورنەك تۇرلەرىن اتا.
سلايد ارقىلى ويۋ - ورنەك تۇرلەرىن كورسەتۋ.

ءىىى. جاڭا ساباق.
اعاش - تابيعاتتىڭ تاماشا تۋىندىسى. اعاش كوپ وسكەن جەردى حالىق ورمان، توعاي دەپ اتاعان. توعاي ەرتەدەن ادامداردىڭ نەگىزگى تۇراق جايى بولعان. ەرتە زاماننان - اق ادامدار اعاشتى تىرشىلىگىنە قاجەتتى ماتەريال رەتىندە پايدالانعان. ولار اعاشتان اڭ اۋلاۋعا قاجەتتى اشا تاياق، نايزا، قادا، جەبە ت. ب. زاتتار جاساعان. ادام اعاش وڭدەۋدى تەز ۇيرەنگەن. ويتكەنى اعاش وڭدەۋگە وڭاي كونەتىن ماتەريال. پىشاق، بالتا سياقتى قاراپايىم قۇرالداردىڭ كومەگىمەن ادامدار ۇيلەردى، كوپىرلەردى، جەل ديىرمەندەرىن، قامالدار مەن ىدىس - اياقتار جاساعان.

قازىرگى ۋاقىتتا دا بىزدەر اعاشسىز ءوز ءومىرىمىزدى ەلەستەتە المايمىز. تۇرعان ءۇيىمىز، ءۇي جيھازدارى، باسقا دا تۇرمىستا ءجيى قولدانىلاتىن زاتتاردىڭ كوبى اعاشتان جاسالعان.
قولونەردىڭ ەڭ كوپ تاراعان تۇرلەرىنىڭ ءبىرى - بۇل اعاشتى كوركەمدەپ، وڭدەۋ. ەرتەدەن - اق كوشپەلى حالىق تۇرمىسىنا قاجەتتى زاتتاردى وزدەرى جاساپ وتىرعان. اعاشتان ءتۇيىن تۇيگەن شەبەرلەر اتقا سالاتىن ەردى، تاماق ساقتايتىن كەبەجە، كيىم سالاتىن ساندىق، ابدىرە، كيىم ىلەتىن - ادالباقان، توستاعان، ساپتاياق، شارا، وتاۋ، تاباق پەن تەگەشتەردى اسا شەبەرلىكپەن جاساعان.

اعاشتان جاسالعان بۇيىمداردىڭ ىشىندەگى ەڭ كوپ تاراعان تۇرلەرى جۇكاياق، كۇبى، اعاشتان بۇتىندەي ويىلعان استاۋ، كەلى - كەلساپ، اسادال. بۇل بۇيىمداردى شەبەرلەر كۇمىستەن، سۇيەكتەن جاسالعان ويۋ - ورنەكتەرمەن ارلەگەن.

كوركەمدەپ وڭدەۋگە قاجەتتى اعاشتى دۇرىس تاڭداۋ ءىستىڭ ناتيجەلى بولۋىنا سەپتىگىن تيگىزەدى. وعان ماي قاراعاي، تەرەك، ۇيەڭكى سەكىلدى جۇمساق اعاش قاجەت، نازىك ويىقشا، ءۇشبۇرىش جانە باسقا ورنەكتەردى سالۋ، ارلەۋ جۇمىستارى وڭاي جۇرگىزىلەدى. جۇمىسقا بۇتاقسىز جۇمساق اعاش ءتۇرىن تاڭداپ، قاجەتتى ولشەممەن كەسىپ، سۇرگىلەپ، ارلەپ بولعان سوڭ، تەگىس بەتىنە ورنەك بەينەسىن كوشىرەدى.
ورنەك دەگەنىمىز - كەز كەلگەن بۇيىمنىڭ سىرتىنا تۇسىرىلەتىن ءبىرتۇتاس بايلانىستى اشەكەي.
ال ويۋ دەگەنىمىز، بۇيىمعا تۇسىرىلگەن ورنەكتى پىشاقپەن كەسۋ ارقىلى وڭدەۋ نەمەسە شابۋ كەزىندەگى ويىپ وڭدەۋ جۇمىستارى.

شقو، اياگوز اۋدانى، اقشي اۋىلى،
«اقشي جالپى ءبىلىم بەرەتىن ورتا مەكتەپ جانىنداعى
ينتەرناتپەن» كمم تەحنولوگيا ءپانى ءمۇعالىمى
جارىلكاسىنوۆ شالكار اگزاموۆيچ