اعايىندىق، تۋعان-تۋىس تۋرالى ماقال-ماتەلدەر
ۇرپاق رۋلى ەلگە اينالادى.
*** *** *** ***
اعانىڭ ءۇيى — اق جايلاۋ.
*** *** *** ***
اعا ولسە — ءىنى بار.
*** *** *** ***
التى اعا بىرىگىپ اكە بولماس،
التى جەڭگە بىرىگىپ انا بولماس.
*** *** *** ***
اعا — بوردان، ءىنى — زوردان.
*** *** *** ***
اعايىن الا بولسا
اۋىزداعىسىنان ايىرىلادى.
*** *** *** ***
اعاسى اقىلدىنىڭ اۋىلى ازبايدى،
جەڭگەسى شەبەردىڭ تونى توزبايدى.
*** *** *** ***
اعايىن — تۋىس
اعايىن ءبىر ولىدە،
ءبىر تىرىدە كەرەك.
*** *** *** ***
جاۋدا دا ءبىر ءۇيىڭ بولسىن.
*** *** *** ***
جامان بولسا اعامىز،
جاقسىنى قايدان تابامىز.
*** *** *** ***
مال قونىسىن ىزدەيدى،
ەر تۋىسىن ىزدەيدى.
*** *** *** ***
جاقىنىڭدى جات ەتسەڭ،
جاتقا كۇلكى بولارسىڭ.
*** *** *** ***
اپكەنىڭ ءۇيى -كەڭ جايلاۋ.
*** *** *** ***
اۋليە دە قاسىنداعىسىن قولدايدى.
*** *** *** ***
تۋعانىڭمەن سىيىسپاساڭ، كەڭ دۇنيەگە سىيماسسىڭ.
*** *** *** ***
رۋلى ەلدىڭ ۋىسى ءبىر.
*** *** *** ***
رۋىڭمەن ۋ ءىش.
*** *** *** ***
تۋىسى ءبىردىڭ — ۋىسى ءبىر.
*** *** *** ***
بولىنگەندى ءبورى جەيدى.
*** *** *** ***
تورتەۋ تۇگەل بولسا توبەدەگى كەلەدى،
التاۋ الا بولسا اۋىزداعى كەتەدى.
*** *** *** ***
جاقىن تالاسسا جاتقا جەم.
*** *** *** ***
بايلىق، بايلىق ەمەس، بىرلىك بايلىق.
*** *** *** ***
بىرلىك بولماي، تىرلىك بولماس.
*** *** *** ***
اعايىننىڭ اتى وزعانشا،
اۋىلداستىڭ تايى وزسىن.
*** *** *** ***
جىگىتتىڭ ءۇش جۇرتى بار — ءوز جۇرتى، ناعاشى جۇرتى، قايىن جۇرتى.
ءوز-جۇرتىڭ كۇنشىل، قايىن ءجۇرتىڭ-مىنشىل، ناعاشى جۇرتىڭ-سىنشىل.
*** *** *** ***
اعايىن بار بولساڭ كورە المايدى، جوق بولسا بەرە المايدى.
جوق بولساڭ كۇندەيدى، جامان بولساڭ جۇندەيدى.
*** *** *** ***
قايىن جۇرتىڭ قولىڭنىڭ ۇزىندىعىنا قارايدى،
بەرسەڭ جاعاسىڭ، بەرمەسەڭ داۋعا قالاسىڭ.
*** *** *** ***
ناعاشى جۇرتىڭ جاقسىلىعىڭا سۇيسىنەدى،
جاماندىعىڭا كۇيىنەدى.
*** *** *** ***
ىرىلدايسىڭ، قاپپايسىڭ، مەنەن جاقسى تاپپايسىڭ.
*** *** *** ***
تابالدىرىقتان بيىك تاۋ بولماس،
جاقىننان اسقان جاۋ بولماس.
*** *** *** ***
توزعان قازدى توپتانعان قارعا جەم قىلار.
*** *** *** ***
ەكى قارعا تالاسسا، ءبىر قارعاعا جەم تۇسەر.
*** *** *** ***
ءبىرىن-بىرى سىيلاسا جات جانىنان تۇڭىلەر.
*** *** *** ***
اعايىندى جامانداپ، تۋعاندى قايدان تابارسىڭ.
*** *** *** ***
اعايىننان شەت جۇرسەڭ، كوڭىلىڭ ءبىر كۇن تارىعار.
*** *** *** ***
اعايىن ۇرىسى — توقانىڭ جىرتىسى.
*** *** *** ***
اعايىننىڭ ازارى بولسا دا، بەزەرى بولمايدى.
*** *** *** ***
اعاسى باردىڭ جاعاسى بار،
ءىنىسى باردىڭ تىنىسى بار.
*** *** *** ***
ءوزىم جامان بولسام دا، اعام جاقسى.
*** *** *** ***
تۋىسى جامان تۋعانىن جاماندايدى.
*** *** *** ***
جامان اعايىننان الاش جاقسى.
*** *** *** ***
ءوزى ولتىرمەس، جات جارىلقاماس.
*** *** *** ***
اعايىنعا قاراپ مال وسەر،
اعاشقا قاراپ تال وسەر.
*** *** *** ***
اعايىنىڭ باي بولسا —
اساعانىڭ ماي بولار.
*** *** *** ***
جالعىزدىڭ ءۇنى شىقپاس،
جاياۋدىڭ شاڭى شىقپاس.
*** *** *** ***
اقىلدى ادامعا اعايىن كوپ.
*** *** *** ***
توبەلەسكە بەرگىسىز اراشا بار،
اعايىنعا بەرگىسىز جاناسا بار.
*** *** *** ***
اعايىن جاقسى بولسا — قاناتىڭ،
اعايىن جاقسى بولسا — ساناتىڭ.
*** *** *** ***
اعايىن تاتۋ بولسا ات كوپ،
ابىسىن تاتۋ بولسا اس كوپ.
*** *** *** ***
تۋىس تۋىس بولسا تۋىس،
تۋىس بولماسا پاناسىز قۋىس.
*** *** *** ***
جاقسى اعاڭ — ورمان، جاقسى ءىنىڭ — قورعان.
*** *** *** ***
تۋعانى جوق «تۇل» تۇلعا.
*** *** *** ***
توسەكتە جانى قوسىلعان،
توسكەيدە مالى قوسىلعان.
*** *** *** ***
الىستاعى اعايىننان، اۋىلى بىرگە كورشى ارتىق.
*** *** *** ***
تۋىس تۋىس ەمەس، قونىس تۋىس.
*** *** *** ***
ءۇيدىڭ جىلى-سۋىعىن قىس تۇسكەندە بىلەرسىڭ،
اعايىننىڭ الىس جاقىنىن، ءىس تۇسكەندە بىلەرسىڭ.
*** *** *** ***
اعايىن بارىڭدا اۋزىڭدى جالايدى،
جوعىڭدا جەلكەڭنەن قارايدى.
*** *** *** ***
جامان تۋىستان، جاقسى تانىس ارتىق.
*** *** *** ***
اعايىنىڭدى ىسكە شاقىرما، اسقى شاقىر.
*** *** *** ***
ۇيدەن ۇزاپ شىقپاساڭ، قاتىنعا ءقادىرىڭ بولمايدى،
اۋىلدان ۇزاپ شىقپاساڭ، جاقىنعا ءقادىرىڭ بولمايدى.
*** *** *** ***
ءبىر اۋىلدا مىڭ تۋىسىڭ بولعانشا،
ءار اۋىلدا ءبىر تۋىسىڭ بولسىن.
*** *** *** ***
قىرىق اتان ۇستاما، قىرىق تامىر ۇستا.
*** *** *** ***
سۇيەك تامىر ءسۇيسىنىپ كۇن كورەدى،
اۋىز تامىر ايتىپ ارتىعىن الادى.
*** *** *** ***
التاۋ الا بولسا،
اۋىزداعى كەتەدى.
تورتەۋ تۇگەل بولسا،
توبەدەگى كەلەدى.
*** *** *** ***
باۋىر شىرىن، باس ءتاتتى،
اعايىنمەن ىشكەن اس ءتاتتى.
*** *** *** ***
ولە جەگەنشە،
اعايىنمەن بولە جە.
*** *** *** ***
تۋا جامان جوق،
جۇرە جامان بار.
*** *** *** ***
جامان بايىسا،
جاقىنىن تانىماس.
You Might Also Like
