InfoHub Logo

قايرات نۇرتاستىڭ اناسى، پروديۋسەر گۇلزيرا ايداربەكوۆا نەمەرەسى الاۋعا قاتىستى ايتىلعان كەيبىر سىندى پىكىرلەرگە جاۋاپ بەردى. ول الەۋمەتتىك جەلىدەگى پاراقشاسىندا جازعان ويلارىندا، كەيبىر ادامداردىڭ جاس بالانىڭ جۇرەگىنە اۋىر تيەتىن سوزدەر ايتۋىنا قىنجىلىسىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

ايداربەكوۆانىڭ ايتۋىنشا، «پالەنشەنىڭ نەمەرەسى، تۇگەنشەنىڭ قىزى» دەپ الاۋدى تىلدەۋ وعان قاتتى باتقان. ول ادامداردىڭ ىشكى دۇنيەسىنىڭ تازا بولۋى ماڭىزدى ەكەنىن اتاپ ءوتتى. «قانداي پەرزەنتىمىز بولسا دا، ىشكى دۇنيەسى ادالىنان بولسىن. نەبىر سىرت كوزگە سىپايى، كەرەك دەسەڭىز، ورامالمەن دە كورىپ جاتىرمىز، ءبىراق بەتى جىلتىر، ءىشى قىلتىر جاندار دا بار. باستىسى – ۇرپاعىمىزدا ەكىجۇزدىلىك بولماسىن»، – دەپ جازدى پروديۋسەر.

قوعامداعى جاعىمسىز ادەتتەر

گۇلزيرا ايداربەكوۆا قوعامداعى بىرەۋدىڭ جەتىستىگىن كورە الماۋ، وسەك ايتۋ سياقتى جاعىمسىز ادەتتەردىڭ ءجيى كەزدەسەتىنىن دە تىلگە تيەك ەتتى. ول مۇنداي مىنەز-قۇلىقتى «ەڭ اۋىرى» دەپ اتاپ، «بىزدە ەڭ اۋىرى – بىرەۋ العا شىقسا، اياقتان تارتۋ وتە كوپ، وسەك بىتپەيدى»، – دەدى.

پروديۋسەر نەمەرەسى الاۋدىڭ بولاشاقتا الاۋلاعان جالىندى، قايسار قىز بولىپ، بۇكىل قازاق ەلىنىڭ ماقتانىشى بولۋىن تىلەپ، «اللا قابىل ەتسىن!» دەپ تىلەگىن جەتكىزدى.